WTC 2023 Final Prize Money IND vs AUS: ઓસ્ટ્રેલિયાએ વર્લ્ડ ટેસ્ટ ચેમ્પિયનશિપ ફાઇનલમાં ટાઇટલ કબજે કર્યું. ઓસ્ટ્રેલિયાએ ફાઇનલમાં ભારતને 209 રનથી હરાવ્યું હતું. આ જીત સાથે ઓસ્ટ્રેલિયાને કરોડો રૂપિયાની ઈનામી રકમ મળી છે. હાર છતાં ભારતને મોટી રકમ મળી છે. ઓસ્ટ્રેલિયાને લગભગ 13.2 કરોડ રૂપિયા મળ્યા છે. આ સાથે જ ટીમ ઈન્ડિયાને 6.5 કરોડ રૂપિયા મળ્યા છે. ટોપ 9 ટીમોને પણ સારી રકમ મળી છે. ભારતીય ટીમને રવિવારે ઓવલમાં હારનો સામનો કરવો પડ્યો હતો. 2014 પછી ફાઇનલમાં આ તેની ચોથી હાર હતી.
ICCએ વર્લ્ડ ટેસ્ટ ચેમ્પિયનશિપ ફાઈનલનો ખિતાબ જીતનાર ટીમ માટે $1.6 મિલિયનની ઈનામી રકમ રાખી હતી. આ પ્રમાણે ઓસ્ટ્રેલિયાને લગભગ 13.2 કરોડ રૂપિયા મળ્યા છે. ફાઇનલમાં હારનો સામનો કરનારી ટીમને લગભગ 6.5 કરોડ રૂપિયા મળ્યા. ટીમ ઈન્ડિયાને આ ઈનામી રકમ મળી છે. આ સિવાય ટેબલમાં ત્રીજા સ્થાને રહેલી ટીમને 3.72 કરોડ રૂપિયા મળ્યા છે. સાઉથ આફ્રિકાની ટીમ ત્રીજા નંબર પર હતી. ઈંગ્લેન્ડ ચોથા ક્રમે છે. તેને 2.89 કરોડ રૂપિયા મળ્યા. પાંચમા નંબર માટે શ્રીલંકાને 1.65 કરોડ રૂપિયા મળ્યા છે.
વર્લ્ડ ટેસ્ટ ચેમ્પિયનશિપ માટે પ્રાઈઝ મની
ઓસ્ટ્રેલિયા - રૂ. 13.2 કરોડ
ભારત - રૂ. 6.5 કરોડ
દક્ષિણ આફ્રિકા - રૂ. 3.72 કરોડ
ઈંગ્લેન્ડ - રૂ. 2.89 કરોડ
શ્રીલંકા - રૂ. 1.65 કરોડ
ઓસ્ટ્રેલિયાએ ભારતને 209 રનથી હરાવીને ટાઈટલ જીત્યું
વર્લ્ડ ટેસ્ટ ચેમ્પિયનશિપ (WTC)ની બીજી આવૃત્તિની ફાઈનલ મેચમાં ઓસ્ટ્રેલિયાએ ભારતને 209 રનથી હરાવીને ટાઈટલ જીતી લીધું છે. આ ઐતિહાસિક મેચમાં ભારતીય ટીમને મેચની ચોથી ઇનિંગમાં જીતવા માટે 444 રનનો ટાર્ગેટ મળ્યો હતો. પરંતુ ટીમ ઈન્ડિયા રમતના 5માં દિવસે 234 રન બનાવીને સમેટાઈ ગઈ હતી. ઓસ્ટ્રેલિયા તરફથી આ ઇનિંગમાં નાથન લિયોને 4 જ્યારે સ્કોટ બોલેન્ડે 3 વિકેટ ઝડપી હતી.
ઓસ્ટ્રેલિયા સામે વર્લ્ડ ટેસ્ટ ચેમ્પિયનશિપની ફાઈનલ મેચમાં હાર બાદ ભારતીય ટીમના કેપ્ટન રોહિત શર્માએ કહ્યું કે અમે ટોસ જીતીને શાનદાર શરૂઆત કરી હતી. તે સ્થિતિમાં બેટિંગ કરવી સરળ ન હતી. ખાસ કરીને અમારા બોલરોએ પહેલા સેશનમાં સારી બોલિંગ કરી હતી, પરંતુ તે પછી અમે ખરાબ બોલિંગ કરી હતી. તેણે એમ પણ કહ્યું કે ઓસ્ટ્રેલિયાના બેટ્સમેનોએ જે રીતે બેટિંગ કરી તેનો શ્રેય તેમને જાય છે. ખાસ કરીને ટ્રેવિસ હેડે શાનદાર બેટિંગ કરી હતી. ટ્રેવિસ હેડ અને સ્ટીવ સ્મિથની ભાગીદારીએ મેચને પલટી નાખી હતી.