ઈંગ્લેન્ડ સામેની પાંચમી T20 મેચમાં પ્રથમ બેટિંગ કરતા ભારતીય ટીમે 247 રનનો પહાડ જેવો સ્કોર બનાવ્યો છે. ટીમ ઈન્ડિયા માટે અભિષેક શર્મા સૌથી મોટા હીરો તરીકે ઉભરી આવ્યો હતા. તેણે આખા મેદાન પર સ્ટ્રોક ફટકાર્યા અને મેદાન પર રનનો વરસાદ કર્યો. તેના કારણે જ ભારતીય ટીમે મોટો સ્કોર બનાવ્યો હતો. અભિષેકે મેચમાં તોફાની ઇનિંગ રમીને શુભમન ગિલ અને યશસ્વી જયસ્વાલના મોટા રેકોર્ડ તોડી નાખ્યા છે.
પાવરપ્લેમાં જ અભિષેકે 58 રન બનાવ્યા હતા
અભિષેક શર્માએ ઇનિંગની શરૂઆતથી જ આક્રમક બેટિંગ કરી હતી. તેણે માત્ર 17 બોલમાં પોતાની અડધી સદી પૂરી કરી હતી. આ પછી પણ તેણે ઈંગ્લેન્ડના બોલરોને ફટકારવાનું ચાલુ રાખ્યું. ઈંગ્લેન્ડના બોલરો તેની સામે સંપૂર્ણપણે લાચાર દેખાતા હતા અને કંઈ ખાસ કરી શક્યા ન હતા. આ પછી અભિષેકે માત્ર 37 બોલમાં પોતાની સદી પૂરી કરી, જે T20 આંતરરાષ્ટ્રીય ક્રિકેટમાં ભારત માટે બીજી સૌથી ઝડપી સદી છે. અભિષેકે પાવરપ્લેમાં જ 58 રન બનાવ્યા હતા. તે T20I મેચના પાવરપ્લેમાં ભારત માટે સૌથી વધુ રન બનાવનાર ખેલાડી બન્યો અને તેણે યશસ્વી જયસ્વાલનો રેકોર્ડ તોડ્યો. અગાઉ, જયસ્વાલે વર્ષ 2023માં ઓસ્ટ્રેલિયા સામેની T20I મેચના પાવરપ્લેમાં 53 રન બનાવ્યા હતા.
T20I મેચના પાવરપ્લેમાં સૌથી વધુ રન બનાવનાર ભારતીય બેટ્સમેનો
અભિષેક શર્મા- 58 રનયશસ્વી જયસ્વાલ- 53 રનરોહિત શર્મા- 51 રનકેએલ રાહુલ- 50 રન
ગિલ પણ પાછળ રહી ગયો હતો
અભિષેક શર્માએ T20 ઈન્ટરનેશનલ મેચમાં 54 બોલમાં 135 રન બનાવ્યા છે, જેમાં તેણે 7 ફોર અને 13 સિક્સર ફટકારી છે. આ સાથે, તે T20I મેચમાં ભારતીય ટીમ માટે સૌથી મોટી ઇનિંગ્સ રમનાર બેટ્સમેન બની ગયો છે અને તેણે શુભમન ગિલનો રેકોર્ડ તોડ્યો છે. ગિલે વર્ષ 2023માં ન્યૂઝીલેન્ડ સામે 126 રનની ઇનિંગ રમી હતી. હવે અભિષેકે આ રેકોર્ડને પાછળ છોડી દીધો છે.
T20I માં ભારતીય ટીમ માટે સૌથી મોટી ઇનિંગ્સ રમનાર બેટ્સમેન
અભિષેક શર્મા- 135 રનશુભમન ગિલ - 126 રનરૂતુરાજ ગાયકવાડ-123 રનવિરાટ કોહલી- 122 રનરોહિત શર્મા- 121 રન
પાવરપ્લેમાં ભારતે સર્વશ્રેષ્ઠ સ્કોર બનાવ્યો હતો
ભારતીય ટીમે પાવરપ્લેમાં જ 95 રન બનાવ્યા, જે T20 ઇન્ટરનેશનલ મેચના પાવરપ્લેમાં ટીમ ઇન્ડિયાનો સર્વશ્રેષ્ઠ સ્કોર છે. અગાઉ વર્ષ 2021માં ભારતે T20I મેચના પાવરપ્લેમાં 82 રન બનાવ્યા હતા.
IND vs ENG: અભિષેક શર્માએ 10 સિક્સર સાથે માત્ર 37 બોલમાં ફટકારી વિસ્ફોટક સદી