Rohit Sharma Broke Sanath Jayasuriya ODI Sixes Record: ભારતીય ક્રિકેટ ટીમના કેપ્ટન રોહિત શર્માએ ન્યૂઝીલેન્ડ સામેની ત્રીજી વનડેમાં વધુ એક સિદ્ધિ હાંસલ કરી છે. તે ODI ક્રિકેટમાં સૌથી વધુ સિક્સર મારનાર વિશ્વનો ત્રીજો બેટ્સમેન બની ગયો છે. આ દરમિયાન તેણે શ્રીલંકાના પૂર્વ ઓપનર સનથ જયસૂર્યાનો રેકોર્ડ તોડ્યો હતો. મેચ પહેલા રોહિતને જયસૂર્યાનો રેકોર્ડ તોડવા માટે ચાર સિક્સરની જરૂર હતી. ઇનિંગની શરૂઆત કરવા આવેલા હિટમેને જયસૂર્યાને પાછળ છોડી દીધો હતો. જયસૂર્યાએ પોતાની ODI કરિયરમાં 270 સિક્સર ફટકારી હતી. તે જ સમયે, રોહિતે હવે ODI ક્રિકેટમાં 273 છગ્ગા ફટકાર્યા છે. રોહિતે ન્યૂઝીલેન્ડ સામે ઈન્દોરમાં રમાઈ રહેલી મેચમાં આ સિદ્ધિ મેળવી હતી.
સૌથી વધુ સિક્સર મારનાર બેટ્સમેન
વનડેમાં સૌથી વધુ સિક્સર ફટકારવાનો રેકોર્ડ પાકિસ્તાનના શાહિદ આફ્રિદીના નામે છે. આફ્રિદીએ 398 વનડેની 369 ઇનિંગ્સમાં બેટિંગ કરતા સૌથી વધુ 351 સિક્સર ફટકારી હતી. શાહિદ આફ્રિદી લગભગ 19 વર્ષ સુધી પાકિસ્તાન માટે રમ્યો. વનડેમાં સૌથી વધુ છગ્ગા મારવાના મામલે વેસ્ટ ઈન્ડિઝનો ક્રિસ ગેલ બીજા નંબર પર છે. યુનિવર્સ બોસે 301 ODIની 294 ઇનિંગ્સમાં 331 સિક્સર ફટકારી હતી. જ્યારે શ્રીલંકાના ભૂતપૂર્વ ઓપનર સનથ જયસૂર્યાએ 445 વનડેની 433 ઇનિંગ્સમાં 270 છગ્ગા ફટકાર્યા હતા.
ભારત વિશાળ સ્કોર તરફ આગળ વધી રહ્યું છે
ઈન્દોરમાં રમાઈ રહેલી ન્યૂઝીલેન્ડ સામેની ત્રીજી વનડેમાં ભારતે શાનદાર શરૂઆત કરી છે. રોહિત શર્મા અને શુભમન ગિલ સદી ફટકારી છે. આ બંને બેટ્સમેનો દ્વારા અત્યાર સુધી જે પ્રકારની બેટિંગ કરવામાં આવી છે તેનાથી ટીમ ઈન્ડિયા જોરદાર સ્કોર તરફ આગળ વધી રહી છે. સમાચાર લખાય છે ત્યાં સુધી ભારતે 32.1 ઓવરમાં 2 વિકેટ ગુમાવી 252 રન બનાવી લીધા હતા. રોહિત શર્મા 101 અને શુભમન ગિલ 112 રન બનાવીને આઉટ થયા હતા. ટીમ ઈન્ડિયા તરફથી વિરાટ કોહલી અને ઈશાન કિશન બંને રમતમાં છે.
ભારતીય ટીમની પ્લેઇંગ ઇલેવન
રોહિત શર્મા , શુભમન ગિલ, વિરાટ કોહલી, સૂર્યકુમાર યાદવ, ઈશાન કિશન, હાર્દિક પંડ્યા, વોશિંગ્ટન સુંદર, શાર્દુલ ઠાકુર, કુલદીપ યાદવ, યુઝવેન્દ્ર ચહલ, ઉમરાન મલિક.
કેપ્ટન રોહિત શર્માએ ત્રીજી વનડે માટે પ્લેઈંગ-11માં બે મોટા ફેરફાર કર્યા છે. ફાસ્ટ બોલર મોહમ્મદ શમી અને મોહમ્મદ સિરાજને આરામ આપવામાં આવ્યો છે. તેના સ્થાને ઝડપી બોલર ઉમરાન મલિક અને લેગ સ્પિનર યુઝવેન્દ્ર ચહલને તક આપવામાં આવી છે.