Dhurandhar India: કયો પાકિસ્તાની ખેલાડી ભારત માટે છે સૌથી મોટો ખતરો? ABP ના શોમાં મોહમ્મદ કૈફે કર્યો ખુલાસો
India vs Pakistan T20 World Cup Match: મોહમ્મદ કૈફે એબીપીના શો "ધુરંધર ઇન્ડિયા"માં ખુલાસો કર્યો કે ટી20 વર્લ્ડ કપમાં કયો પાકિસ્તાની ખેલાડી ભારત માટે સૌથી મોટો ખતરો છે.
India vs Pakistan T20 World Cup Match: ટી20 વર્લ્ડ કપમાં 15 ફેબ્રુઆરીએ યોજાનારી ભારત અને પાકિસ્તાન વચ્ચેની મેચને લઈને અત્યારે દરેક વ્યક્તિ પોતાની ભવિષ્યવાણી કરી રહી છે. ભારતના પૂર્વ ક્રિકેટર મોહમ્મદ કૈફે ABP ના શો 'ધુરંધર ઈન્ડિયા' પર જણાવ્યું કે ટીમ ઈન્ડિયા માટે પાકિસ્તાનનો કયો ખેલાડી સૌથી મોટો ખતરો બનશે અને કેમ? આ જ શોમાં શોએબ અખ્તરે પણ જણાવ્યું કે ભારત માટે 'એક્સ ફેક્ટર' કોણ સાબિત થશે.
#WATCH | भारत vs पाकिस्तान, वर्ल्ड कप में घमासान@romanaisarkhan | @MohammadKaif
— ABP News (@ABPNews) February 14, 2026
https://t.co/smwhXUROiK#ABPNews #MohammadKaif #ShoaibAkhtar #T20WorldCup2026 #IndVsPak pic.twitter.com/GdHawe1s5C
ABP ના શો 'ધુરંધર ઈન્ડિયા' માં મોહમ્મદ કૈફે પાકિસ્તાનની નબળાઈ પણ ઉજાગર કરી હતી. તેમણે કહ્યું, "પાકિસ્તાન ટીમ હજુ પણ 1920 જેવી ક્રિકેટ રમી રહી છે, જ્યારે T20 ફોર્મેટમાં ક્રિકેટ સંપૂર્ણપણે બદલાઈ ગયું છે. બાબર આઝમને હજુ પણ લાગે છે કે 40 રન અને 120 ની સ્ટ્રાઈક રેટ પૂરતી છે, પરંતુ તે પૂરતું નથી."
ભારત માટે સૌથી મોટો ખતરો
મોહમ્મદ કૈફના મતે પાકિસ્તાની સ્પિનર ઉસ્માન તારિક ભારત માટે સૌથી મોટો ખતરો બની શકે છે. તેનું કારણ જણાવતા કૈફે કહ્યું, "ઉસ્માન તારિક ભારત માટે સૌથી મોટો પડકાર રહેશે, કારણ કે ટીમ ઈન્ડિયાએ હજુ સુધી તેમની સામે રમી નથી. તેમની એક્શન અલગ છે, તે 'નકલ બોલ' (knuckle ball) નાખે છે, તેથી તે ભારત માટે ચેલેન્જ રહેશે."
ઉસ્માન તારિકની એક્શન અને બોલ રિલીઝ કરતા પહેલા અટકી જવા પર સવાલો ઉઠી રહ્યા છે. આ અંગે પાકિસ્તાનના કેપ્ટન સલમાન અલી આઘાએ ભારત-પાકિસ્તાન મેચ પહેલા પ્રેસ કોન્ફરન્સમાં કહ્યું કે, "ઉસ્માને ICC ના તમામ ટેસ્ટ પાસ કર્યા છે, તેથી હવે કેમ વિવાદ થઈ રહ્યો છે તે ખબર નથી."
રોહિત શર્મા પાસેથી શીખી રહ્યા છે પાકિસ્તાનના કેપ્ટન: કૈફ
મોહમ્મદ કૈફે ABP લાઈવ પર કહ્યું, "સલમાન અલી આઘાએ સારું કામ કર્યું છે કે તે પાકિસ્તાનમાં આક્રમક અભિગમ લાવ્યો છે. તેમને જોઈને બાબર આઝમ પણ હવે ઝડપથી રમવા લાગ્યો છે. રોહિત શર્માએ પણ 2024 માં આવું જ કર્યું હતું. મને લાગે છે કે તેઓ રોહિત પાસેથી શીખી રહ્યા છે કે તેમણે શું અલગ કર્યું અને કેવી રીતે વર્લ્ડ કપ જીત્યો."
ટોપ સ્ટોરી
ટ્રેન્ડિંગ સમાચાર
