Virat Kohli Meets Pakistani Players: 2022ના ટી-20 વર્લ્ડ કપમાં ટીમ ઈન્ડિયાનું શાનદાર પ્રદર્શન ચાલુ છે. ભારતીય ટીમ ગ્રુપ બીમાં અત્યાર સુધી રમાયેલી બંને મેચ જીતીને 4 પોઈન્ટ સાથે પોઈન્ટ ટેબલમાં પ્રથમ સ્થાને છે. ટીમ ઇન્ડિયાએ 30 ઓક્ટોબરે દક્ષિણ આફ્રિકા સામે તેની ત્રીજી મેચ રમવાની છે. આ મેચ પહેલા પૂર્વ ભારતીય કેપ્ટન અને સ્ટાર બેટ્સમેન વિરાટ કોહલી પાકિસ્તાની ખેલાડીઓને મળ્યો હતો.
આ મેચ પહેલા ભારતના દિગ્ગજ બેટ્સમેન અને વર્લ્ડ કપમાં શાનદાર ફોર્મમાં ચાલી રહેલા વિરાટ કોહલીની એક તસવીર સોશિયલ મીડિયા પર વાયરલ થઈ રહી છે. જેમાં વિરાટ કોહલી પાકિસ્તાની ખેલાડીઓ શાહીન આફ્રિદી અને હારિસ રઉફને મળ્યો હતો.
વિરાટ પાકિસ્તાની ખેલાડીઓને મળ્યો હતો
T20 વર્લ્ડ કપમાં દક્ષિણ આફ્રિકા સામેની આગામી મેચ માટે ટીમ ઈન્ડિયા પર્થ પહોંચી ગઈ છે. સાથે જ પાકિસ્તાને પણ તેની આગામી મેચ પર્થમાં જ રમવાની છે. આવી સ્થિતિમાં ભારતીય ટીમના દિગ્ગજ બેટ્સમેન વિરાટ કોહલી પાકિસ્તાનના ખેલાડીઓ શાહીન આફ્રિદી અને હારિસ રઉફ સાથે મુલાકાત કરતો જોવા મળ્યો હતો. પાકિસ્તાની ખેલાડીઓ સાથે કોહલીની મુલાકાતની આ તસવીર સોશિયલ મીડિયા પર ખૂબ વાયરલ થઈ રહી છે.
વિરાટે પાકિસ્તાન સામે મેચ વિનિંગ ઇનિંગ્સ રમી હતી
નોંધનીય છે કે ટી-20 વર્લ્ડકપ 2022માં ટીમ ઈન્ડિયાએ પાકિસ્તાન સામેની મેચથી પોતાના પ્રવાસની શરૂઆત કરી હતી. બંને ટીમો વચ્ચેની આ મેચ ખૂબ જ રોમાંચક રહી અને તેનું પરિણામ મેચના છેલ્લા બોલે આવ્યું હતું.
પાકિસ્તાન સામેની આ શાનદાર મેચમાં વિરાટ કોહલીએ મેચ વિનિંગ અડધી સદી ફટકારી હતી. તેણે મેચના ટર્નિંગ પોઈન્ટ પર પાકિસ્તાનના ફાસ્ટ બોલર હારિસ રઉફની ઓવરમાં બે સિક્સ ફટકારી હતી. કોહલીની આ સિક્સરની મદદથી ભારતીય ટીમ આ મેચ જીતવામાં સફળ રહી હતી. હવે ભારતીય ટીમના ક્રિકેટ ચાહકોને પૂરી આશા છે કે કોહલી દક્ષિણ આફ્રિકા સામે પણ શાનદાર પ્રદર્શન કરશે અને ટીમ ઇન્ડિયાને સેમિફાઇનલમાં પહોંચવામાં મદદ મળશે.
T20 World Cup 2022 NZ vs SL: ટી-20 વર્લ્ડ કપ 2022 ની તેમની ત્રીજી મેચમાં ન્યૂઝીલેન્ડે શ્રીલંકા સામે 168 રનનો ટાર્ગેટ આપ્યો હતો. પાવરપ્લેમાં જ ત્રણ વિકેટ પડી ગયા બાદ કિવી ટીમે જોરદાર વાપસી કરીને મજબૂત સ્કોર બનાવ્યો હતો. ન્યૂઝીલેન્ડ માટે ગ્લેન ફિલિપ્સે શાનદાર બેટિંગ કરતા 104 રનની ઇનિંગ રમી હતી. આ સાથે જ શ્રીલંકા તરફથી કસુન રજિથાએ સૌથી વધુ બે વિકેટ ઝડપી હતી.