India vs Sri Lanka XI Warmup Test Match: વૉર્મઅપ ટેસ્ટ મેચમાં શ્રીલંકા XI એ ટોસ જીતીને પહેલાં બેટિંગ કરવાનો નિર્ણય લીધો છે. કોલંબોમાં રમાઈ રહેલી આ મેચમાં ભારતીય ટીમ પહેલાં બોલિંગ કરશે. આ વૉર્મઅપ મેચના પ્રથમ દિવસે શુભમન ગિલ નહીં રમે, તેથી કેએલ રાહુલ કપ્તાની કરતા જોવા મળશે. ટીમનો નિયમિત કેપ્ટન શુભમન ગિલ ગુરુવારે પ્રેક્ટિસ કરતી વખતે ઈજાગ્રસ્ત થયો હતો. તેના જમણા હાથની આંગળીમાં ઈજા થઈ હતી. આ કારણે સાવચેતીના ભાગરૂપે તેણે પ્રથમ દિવસે ન રમવાનો નિર્ણય કર્યો છે. ઉલ્લેખનીય છે કે કેએલ રાહુલ ટેસ્ટ ટીમના વાઈસ કેપ્ટન પણ છે. શ્રીલંકા સિરીઝ માટે આકિબ નબી અને સારાંશ જૈનને પહેલીવાર ટીમમાં પસંદ કરવામાં આવ્યા છે, જેથી આ બંને બોલરો પણ બોલિંગ કરતા જોવા મળી શકે છે.
વૉર્મઅપ મેચ હોવા છતાં આકિબ નબી અને સારાંશ જૈન પહેલીવાર ટીમ ઈન્ડિયાની જર્સી પહેરીને બોલિંગ કરતા દેખાઈ શકે છે. બીજી તરફ ગુરનૂર બ્રારે પણ હજુ સુધી ટીમ ઈન્ડિયા માટે ટેસ્ટ ડેબ્યૂ કર્યું નથી, તેઓ પણ પહેલીવાર સફેદ જર્સી પહેરીને મેદાન પર ઉતરી શકે છે. સામાન્ય રીતે વૉર્મઅપ કે પ્રેક્ટિસ મેચોમાં પ્લેઈંગ ઈલેવનની જાહેરાત કરવામાં આવતી નથી. આ પ્રકારની મેચોમાં ટીમો પાસે તક હોય છે કે તેઓ સ્ક્વોડના દરેક ખેલાડીને મેદાન પર ઉતારી શકે. ભારતીય સ્ક્વોડમાં કુલ 15 ખેલાડીઓ છે, જેમાંથી પહેલા દિવસે 14 ખેલાડીઓ મેદાન પર ઉતરી શકે છે. 15મા ખેલાડી શુભમન ગિલ છે, જેઓ ઈજાના કારણે પહેલા દિવસે રમવાના નથી.
આ પણ વાંચો...2026 એશિયા કપનું શેડ્યૂલ જાહેર, આ દિવસે ભારત અને પાકિસ્તાન વચ્ચે મહામુકાબલો
ભારતની સ્ક્વોડ:
શુભમન ગિલ, યશસ્વી જયસ્વાલ, સાઈ સુદર્શન, દેવદત્ત પડિક્કલ, કેએલ રાહુલ (કેપ્ટન), ઋષભ પંત (વિકેટકીપર), રવીન્દ્ર જાડેજા, ધ્રુવ જુરેલ, માનવ સુથાર, સારાંશ જૈન, કુલદીપ યાદવ, મહોમ્મદ સિરાજ, પ્રસિદ્ધ ક્રિષ્ના, આકિબ નબી, ગુરનૂર બ્રાર.
શ્રીલંકાની સ્ક્વોડ:
નિશાન મદુષ્કા, પસિંદુ સોરિયાબંદરા, પવન રથનાયકે, અહાન વિક્રમસિંઘે, સોનલ દિનુશા (કેપ્ટન), અંજલા બંડારા (વિકેટકીપર), નિપુણ ધનંજય, લાહિરૂ કુમારા, વિશ્વ ફર્નાન્ડો, અસંકા મનોજ, ઈસિથા વિજેસુંદરા, રમેશ મેન્ડિસ, દિલુમ સુદીરા, કેવિશારા નુવાંથા, રસંથા રસાંથા.