IND vs ZIM: ઝિમ્બાબ્વેને હરાવી ભારતની સેમીફાઈનલની આશા જીવંત, મોટો સ્કોર કરી 72 રનથી મેચ જીતી
ભારતે ઝિમ્બાબ્વેને 72 રનથી હરાવ્યું હતું. આ જીત સાથે ટીમ ઈન્ડિયાએ સેમિફાઈનલમાં પહોંચવાની પોતાની આશા જીવંત રાખી છે.
India vs Zimbabwe Highlights: ભારતે ઝિમ્બાબ્વેને 72 રનથી હરાવ્યું હતું. આ જીત સાથે ટીમ ઈન્ડિયાએ સેમિફાઈનલમાં પહોંચવાની પોતાની આશા જીવંત રાખી છે. ભારતની જીતથી દક્ષિણ આફ્રિકા પણ સેમિફાઈનલ માટે ક્વોલિફાય થયું. પહેલા બેટિંગ કરતા ભારતે 256 રનનો ઐતિહાસિક સ્કોર બનાવ્યો. જવાબમાં ઝિમ્બાબ્વે ફક્ત 184 રન જ બનાવી શક્યું. બ્રાયન બેનેટે શાનદાર ઈનિંગ રમી પરંતુ પોતાની ટીમને જીત અપાવી શક્યો નહીં.
A comprehensive victory 🙌#TeamIndia clinch the #INDvZIM clash by 7️⃣2️⃣ runs courtesy of an all-round effort!
— BCCI (@BCCI) February 26, 2026
Scorecard ▶️ https://t.co/p4GxtxGkBf#T20WorldCup | #MenInBlue pic.twitter.com/Sk1dlTQ4FD
આ મેચમાં ઝિમ્બાબ્વેએ ટોસ જીતીને ભારતને પહેલા બેટિંગ માટે આમંત્રણ આપ્યું હતું. પ્લેઈંગ ઈલેવનમાં સામેલ સંજુ સેમસન 24 રન બનાવીને આઉટ થઈ ગયો. સતત સંઘર્ષ કરી રહેલા અભિષેક શર્માએ આખરે 55 રન કરી અડધી સદી ફટકારી. હાર્દિક પંડ્યાએ પણ 50 રન બનાવ્યા અને તિલક વર્માએ પણ 44 રનની ધમાકેદાર ઇનિંગ રમી. આ પહેલા ભારતે 2026ના T20 વર્લ્ડ કપનો સૌથી વધુ સ્કોર અને T20 વર્લ્ડ કપ ઇતિહાસનો બીજો સૌથી વધુ સ્કોર બનાવ્યો હતો.
શું ટીમ ઈન્ડિયા સેમિફાઇનલમાં પહોંચશે?
ઝિમ્બાબ્વે સામેની આ 72 રનની જીતથી ભારત સેમિફાઇનલમાં પ્રવેશી શક્યું નહીં. જોકે, તેનાથી સેમિફાઇનલમાં પહોંચવાનો તેમનો માર્ગ થોડો સરળ બન્યો. 257 રનના રેકોર્ડ લક્ષ્યનો પીછો કરતા બ્રાયન બેનેટે લડાયક ઈનિંગ રમી હતી. બેનેટ શરૂઆતથી અંત સુધી ક્રીઝ પર રહ્યો. તેની 97 રનની ઇનિંગમાં આઠ ચોગ્ગા અને છ છગ્ગાનો સમાવેશ થતો હતો.
ઝિમ્બાબ્વે હવે વર્લ્ડ કપમાંથી બહાર થઈ ગયું છે. ભારત તરફથી અર્શદીપ સિંહે સૌથી વધુ ત્રણ વિકેટ લીધી હતી. વરુણ ચક્રવર્તી, શિવમ દુબે અને અક્ષર પટેલે એક-એક વિકેટ લીધી.
T20 વર્લ્ડ કપમાં બીજો સૌથી વધુ સ્કોર
ભારતીય ટીમે ઝિમ્બાબ્વે સામે 20 ઓવરમાં 256 રન પર પોતાનો દાવ પૂરો કર્યો હોવાથી, તેમણે T20 વર્લ્ડ કપના ઇતિહાસમાં બીજો સૌથી વધુ સ્કોર હાંસલ કર્યો. શ્રીલંકાની ટીમ આ યાદીમાં ટોચ પર છે જેણે 2007ના T20 વર્લ્ડ કપમાં કેન્યા સામે 20 ઓવરમાં 260 રન બનાવ્યા હતા.
T20 વર્લ્ડ કપના ઇતિહાસમાં સૌથી વધુ સ્કોર
શ્રીલંકા - કેન્યા સામે 260 રન (2007)
ભારત - 256 રન વિરુદ્ધ ઝિમ્બાબ્વે (2026)
વેસ્ટ ઇન્ડીઝ - 254 રન વિરુદ્ધ ઝિમ્બાબ્વે (2026)
આયર્લેન્ડ - 235 રન વિરુદ્ધ ઓમાન (2026)
ઇંગ્લેન્ડ - 230 રન વિરુદ્ધ દક્ષિણ આફ્રિકા (2016)
ટોપ સ્ટોરી
ટ્રેન્ડિંગ સમાચાર
