વિહારી અને અશ્વિન ઓસ્ટ્રેલિયન બોલર્સનો મક્કમતાથી સામનો કરી રહ્યા હતા ત્યારે કાંગારુએ સ્લેજિંગ કરીને તેમને પરેશાન કર્યા હતા. છતાં આ બંનેએ એકાગ્રતા ગુમાવી નહોતી. સ્ટમ્પ્સ પાછળ રહેલા ઑસ્ટ્રેલિયાના કેપ્ટન ટિમ પેને અશ્વિનનું ધ્યાન ભટકાવવાનો પ્રયત્ન કર્યો, પરંતુ એવો જવાબ મળ્યો કે તે પછી કંઈ કહી ના શક્યો.
પેને અશ્વિનને કહ્યું કે, “હવે ગાબા ટેસ્ટ માટે વધારે રાહ નથી જોઇ શકતો.” આગામી ટેસ્ટ બ્રિસ્બેનના ગાબામાં થવાની છે. આના પર અશ્વિને કહ્યું કે, “તને ભારતમાં જોવાનો ઇંતઝાર રહેશે. તે તારી અંતિમ સિરીઝ હશે.” ત્યારબાદ પેન થોડીકવાર તો કંઈ બોલી ના શક્યો અને પછી તેણે અશ્વિન માટે અપશબ્દોનો પ્રયોગ કર્યો. પેન જ નહીં, ઑસ્ટ્રેલિયાના દરેક ખેલાડીએ અશ્વિન અને વિહારીને હેરાન કરવાનો પ્રયત્ન કર્યો હતો.