India vs England: ઈગ્લેન્ડ સામે ભારતની નવ વિકેટથી કારમી હાર, ભારતીય બોલરો ફરી ફ્લોપ

India vs England: કેપ્ટન શ્રેયસ ઐયરે 49 બોલમાં અણનમ 80 રનની મદદથી ટીમને 7 વિકેટે 158 રનનો વિશાળ સ્કોર આપ્યો. ઇંગ્લેન્ડે 159 રનનો લક્ષ્યાંક 43 બોલ બાકી રહેતાં ફક્ત એક વિકેટ ગુમાવીને હાંસલ કર્યો હતો.

ઇંગ્લેન્ડે 159 રનનો લક્ષ્યાંક 43 બોલ બાકી રહેતાં ફક્ત એક વિકેટ ગુમાવીને હાંસલ કર્યો હતો.

Source : PTI

Show Quick Read

Key points generated by AI, verified by newsroom

• ભારતે ટોસ જીતી પ્રથમ બેટિંગ કરી 158 રન બનાવ્યા.
• કેપ્ટન શ્રેયસ ઐયરે 49 બોલમાં અણનમ 80 રન કર્યા.
• ઇંગ્લેન્ડે ફક્ત એક વિકેટે 159 રનનો લક્ષ્યાંક હાંસલ કર્યો.
• બ્રુક, સોલ્ટે અર્ધસદી ફટકારી ઇંગ્લેન્ડને શ્રેણીમાં જીત અપાવી.

India vs England:  ભારત અને ઇંગ્લેન્ડ વચ્ચે પાંચ મેચની ટી-20 શ્રેણીની ચોથી મેચ આજે (9 જુલાઈ) બ્રિસ્ટલમાં રમાઈ. ભારતે ટોસ જીતીને પહેલા બેટિંગ કરવાનો નિર્ણય લીધો. કેપ્ટન શ્રેયસ ઐયરે 49 બોલમાં અણનમ 80 રનની મદદથી ટીમને 7 વિકેટે 158 રનનો વિશાળ સ્કોર આપ્યો. ઇંગ્લેન્ડે 159 રનનો લક્ષ્યાંક 43 બોલ બાકી રહેતાં ફક્ત એક વિકેટ ગુમાવીને હાંસલ કર્યો હતો.

ઇંગ્લેન્ડ માટે કેપ્ટન હેરી બ્રુકે 35 બોલમાં અણનમ 79 રન બનાવ્યા હતા. ફિલ સોલ્ટે પણ 42 બોલમાં 59 રન બનાવ્યા. ઇંગ્લેન્ડે જોસ બટલરની એકમાત્ર વિકેટ ગુમાવી હતી. જે 8 બોલમાં આઠ રન બનાવ્યા બાદ ઇનિંગના ત્રીજા ઓવરમાં અર્શદીપ સિંહની ઓવરમાં વિકેટકીપર ઇશાન કિશનને કેચ આપી બેઠો હતો. જ્યારે બટલર આઉટ થયો ત્યારે ઇંગ્લેન્ડનો સ્કોર 13 હતો.

બ્રિસ્ટલમાં વિજય બાદ ઇંગ્લેન્ડે સાઉધમ્પ્ટનમાં રમવાની બાકી રહેલી પાંચ મેચની શ્રેણીમાં 3-0ની અજેય લીડ મેળવી લીધી છે. ચેસ્ટર-લે-સ્ટ્રીટમાં રમાયેલી પહેલી મેચ વરસાદને કારણે રદ થઈ ગઈ હતી. એ નોંધનીય છે કે શ્રેયસ ઐયરની કેપ્ટનશીપ હેઠળ ટીમ ઈન્ડિયા હજુ સુધી એક પણ ટી-20 જીતી શકી નથી.

England win the 4th T20I by nine wickets to take a 3-0 lead in the series.

Scorecard ▶️ https://t.co/vKZQwVKyYP#TeamIndia | #ENGvIND pic.twitter.com/h8dw0OgWw6

— BCCI (@BCCI) July 9, 2026

કેપ્ટન શ્રેયસે ભારત માટે સંઘર્ષ કર્યો

આ મેચમાં કેપ્ટન શ્રેયસ ઐયરે ભારત માટે સંઘર્ષ કર્યો, તેણે 49 બોલમાં 80 રન બનાવ્યા. શિવમ દુબેએ તેમને અમુક હદ સુધી ટેકો આપ્યો. ઈંગ્લેન્ડ માટે જોશ ટંગ અને જોફ્રા આર્ચરે બે-બે વિકેટ લીધી, જ્યારે વિલ જેક્સ અને આદિલ રશીદે એક-એક વિકેટ લીધી.

શરૂઆત ફરી ખરાબ રહી હતી. વૈભવ સૂર્યવંશીએ કેટલાક સારા શોટ રમ્યા બાદ જોફ્રા આર્ચરનો શિકાર બન્યો હતો. ત્યારબાદ આવેલા ઈશાન કિશન પણ સારી બેટિંગ કરી શક્યો નહીં અને તેણે જોશ ટંગના બોલ પર સેમ કુરન દ્વારા કેચ આઉટ થયા પહેલા ફક્ત 4 રન બનાવ્યા. અભિષેક કેપ્ટન શ્રેયસ ઐયર સાથે સારી બેટિંગ કરી રહ્યો હતો પરંતુ તે પણ 14 રનમાં આદિલ રશીદના હાથે કેચ એન્ડ બોલ્ડ થયો જેના કારણે ભારતનો સ્કોર 48/3 થયો.

શિવમ દુબે (22) એ કેપ્ટન ઐયર સાથે 53 રનની ભાગીદારી કરી પરંતુ વિલ જેક્સના બોલ પર સિક્સર ફટકારવાનો પ્રયાસ કરતી વખતે તે ટોમ બેન્ટનના હાથે કેચ આઉટ થયો. તિલક વર્મા પણ ખાસ કંઈ કરી શક્યો નહીં, અંતિમ ઓવરમાં ઝડપથી રમવાનો પ્રયાસ કરતા અને જોશ ટંગનો શિકાર બન્યો હતો. આ મેચમાં સામેલ વોશિંગ્ટન સુંદર પણ કંઈ કરી શક્યો નહીં, અંતિમ ઓવરમાં જોફ્રા આર્ચરને ફક્ત 5 રનમાં આઉટ થયો. અક્ષર પટેલ પણ અંતિમ ઓવરમાં ફક્ત 1 રન માટે રન આઉટ થયો.

આ પણ વાંચો

ભારત-ઈંગ્લેન્ડ T20 શ્રેણી વચ્ચે સંજૂ સેમસનનો મોટો નિર્ણય, ટૂર્નામેન્ટમાંથી નામ પરત ખેંચીને સૌને ચોંકાવ્યા

ZIM vs BAN: ઝિમ્બાબ્વેનો વધુ એક ધમાકો, બાંગ્લાદેશને 13 રને હરાવીને સીરીઝ જીતી