ભારતે ટી-20 વર્લ્ડ કપમાં પાકિસ્તાનને 61 રનથી હરાવ્યું. આ શાનદાર પ્રદર્શન સાથે ટીમ ઈન્ડિયાએ સુપર 8 રાઉન્ડમાં પોતાનું સ્થાન સુરક્ષિત કર્યું હતું. સતત ત્રણ જીત સાથે ભારત ગ્રુપ A પોઈન્ટ ટેબલમાં ટોચ પર રહ્યું હતું. મેચ સમાપ્ત થતાં જ પાકિસ્તાન સોશિયલ મીડિયા પર ટ્રેન્ડ કરવાનું શરૂ થયું હતું. એક્સ અને ઇન્સ્ટાગ્રામ પર મીમ્સનો છલકાવ થયો. ઘણા યુઝર્સે 176 રનના લક્ષ્યાંક અને 114 રનના ઓલઆઉટ સ્કોરની તુલના કરતી રમૂજી પોસ્ટ્સ શેર કરી હતી. મીમ સર્જકોએ પાકિસ્તાનની બેટિંગ પર કટાક્ષ કર્યો હતો.
બાબર આઝમની ટીકા
પાકિસ્તાનના કેપ્ટન બાબર આઝમ આ મોટી મેચમાં અપેક્ષા અનુસાર સારુ પ્રદર્શન કરી શક્યો નહીં. તેણે ફક્ત 5 રન બનાવ્યા હતા. 7 બોલ રમ્યા પછી તેનો સ્ટ્રાઈક રેટ 71.43 હતો. પાવરપ્લેમાં પાકિસ્તાન 34/4 પર હતું જ્યારે અક્ષર પટેલે તેને ક્લીન બોલ્ડ કર્યો. તેના આઉટ થયા બાદ તરત જ સોશિયલ મીડિયા પર મીમ્સ બનવા લાગ્યા હતા.
કોલંબોના આર. પ્રેમદાસા સ્ટેડિયમમાં પાકિસ્તાન 176 રનના લક્ષ્યનો પીછો કરી રહ્યું હતું. પરંતુ તેમની બેટિંગ ભારતીય બોલરો સામે ટકી શકી નહીં. આખી ટીમ 18 ઓવરમાં 114 રનમાં સમેટાઈ ગઈ હતી. ઉસ્માન ખાને થોડો સંઘર્ષ કર્યો હતો પરંતુ તેણે 44 રન બનાવ્યા, પરંતુ અન્ય બેટ્સમેન મોટી ઇનિંગ્સ બનાવવામાં નિષ્ફળ ગયા હતા.
ટી20 વર્લ્ડ કપ 2026માં રવિવાર, 15 ફેબ્રુઆરી 2026ના રોજ શ્રીલંકાના કોલંબો સ્થિત આર. પ્રેમદાસા સ્ટેડિયમ ખાતે રમાયેલા હાઈ-વોલ્ટેજ મુકાબલામાં ભારતે પાકિસ્તાનને 61 રનથી કચડી નાખ્યું છે. આ શાનદાર વિજય સાથે જ ભારતીય ટીમે સતત ત્રણ જીત મેળવી ગ્રુપ-A (Group-A) ના પોઈન્ટ ટેબલમાં ટોચનું સ્થાન મેળવી સુપર-8 (Super-8) તબક્કા માટે ક્વોલિફાય કરી લીધું છે. પાકિસ્તાન સામે રનની દ્રષ્ટિએ મળેલી આ જીત ભારતની અત્યાર સુધીની સૌથી મોટી જીત છે.
જુઓ કેટલાક રમૂજી મીમ્સ