IPL 2026 Flop Stars: IPL 2026 માં ધમાકેદાર બેટિંગ જોવા મળી રહી છે. 15 વર્ષના વૈભવ સૂર્યવંશીથી લઈને 37 વર્ષના વિરાટ કોહલી સુધી, લગભગ તમામ બેટ્સમેનો બોલરો માટે કાળ બની રહ્યા છે. પરંતુ આ સીઝનમાં કેટલાક એવા બેટ્સમેનો પણ જોવા મળી રહ્યો છે, જેમની સેલેરી તો 15 કરોડ રૂપિયાથી વધુ છે, પરંતુ તેમનું પર્ફોર્મન્સ બિલકુલ ઝીરો જોવા મળી રહ્યું છે. અમે તમને આવા 5 ખેલાડીઓ વિશે જણાવીશું.
1- ઋષભ પંત (લખનૌ સુપર જાયન્ટ્સ)
લિસ્ટમાં સૌથી પહેલું નામ લખનૌ સુપર જાયન્ટ્સના કેપ્ટન ઋષભ પંતનું આવે છે. પંત આ સીઝનમાં લખનૌ માટે 27 કરોડ રૂપિયાની સેલેરી સાથે રમી રહ્યો છે. પંત IPL ઇતિહાસનો સૌથી મોંઘા ખેલાડી છે, પરંતુ તેમનું પર્ફોર્મન્સ ઘણું 'સસ્તું' જોવા મળી રહ્યું છે. વર્તમાન સીઝનમાં પંતે 8 મેચ રમી છે, જેની 8 ઇનિંગ્સમાં બેટિંગ કરતા 27 ની સરેરાશ અને 126.84 ના સ્ટ્રાઈક રેટથી 189 રન બનાવ્યા છે. તેમના બેટથી માત્ર 1 અડધી સદી નીકળી છે.
2- સૂર્યકુમાર યાદવ (મુંબઈ ઈન્ડિયન્સ)
સૂર્યકુમાર યાદવ 19મી સીઝનમાં મુંબઈ ઈન્ડિયન્સ માટે 16.35 કરોડ રૂપિયાની સેલેરી સાથે રમી રહ્યો છે. સીઝનમાં સૂર્યાએ 8 મેચ રમી લીધી છે. આ મેચોની 8 ઇનિંગ્સમાં બેટિંગ કરતા તેમણે 20.25 ની સરેરાશ અને 140.86 ના સ્ટ્રાઈક રેટથી માત્ર 162 રન બનાવ્યા છે. તેમના બેટથી 1 અડધી સદી નીકળી છે.
3- કેમેરોન ગ્રીન (કોલકાતા નાઈટ રાઈડર્સ)
કોલકાતા નાઈટ રાઈડર્સે કેમેરોન ગ્રીનને IPL 2026 માટે 25.20 કરોડ રૂપિયાની કિંમતે ખરીદ્યો હતો. ગ્રીન હાલમાં તો પોતાના આ પ્રાઇસ ટેગને જસ્ટિફાય કરી શક્યો નથી, એટલે કે સેલેરી મુજબ તે પ્રદર્શન કરી શક્યો નથી. સીઝનમાં તેણે 8 મેચ રમી છે, જેની 8 ઇનિંગ્સમાં બેટિંગ કરતા 28 ની સરેરાશ અને 153.12 ના સ્ટ્રાઈક રેટથી 196 રન બનાવ્યા છે, જેમાં 1 ફિફ્ટી સામેલ રહી. આ સિવાય 4 ઇનિંગ્સમાં બોલિંગ કરતા માત્ર 02 વિકેટ ઝડપી છે.
4- નિકોલસ પૂરન (લખનૌ સુપર જાયન્ટ્સ)
લિસ્ટમાં ચોથું નામ નિકોલસ પૂરનનું આવે છે. પૂરન આ સીઝનમાં લખનૌ સુપર જાયન્ટ્સ માટે 21 કરોડ રૂપિયાની સેલેરી પર રમી રહ્યો છે. વેસ્ટ ઈન્ડિઝથી આવતા પૂરને સીઝનમાં 8 મેચ રમી છે, જેની 8 ઇનિંગ્સમાં બેટિંગ કરતા તેણે 10.25 ની સરેરાશથી 82 રન બનાવ્યા છે, જેમાં તેનો હાઈ સ્કોર 22 રનનો રહ્યો છે. કોલકાતા સામેના મુકાબલામાં થયેલી સુપર ઓવરમાં પણ પૂરન ફ્લોપ રહ્યો હતો. તે ખાતું ખોલાવ્યા વિના જ પેવેલિયન પરત ફર્યો હતો.
5- હાર્દિક પંડ્યા
લિસ્ટમાં મુંબઈ ઈન્ડિયન્સના કેપ્ટન હાર્દિક પંડ્યાનું નામ પણ સામેલ છે. હાર્દિક આ સીઝનમાં MI માટે 16.35 કરોડ રૂપિયાની સેલેરીમાં રમી રહ્યો છે. હાર્દિકે સીઝનમાં 7 મેચ રમી છે, જેની 7 ઇનિંગ્સમાં બેટિંગ કરતા માત્ર 128 રન બનાવ્યા અને બોલિંગ કરતા 4 વિકેટ લીધી છે.