Virat Kohli Comeback: ટીમ ઈન્ડિયા ઈંગ્લેન્ડ સામે 5 ટેસ્ટ મેચની સિરીઝ રમી રહી છે. વિરાટ કોહલીએ પ્રથમ 2 ટેસ્ટ મેચમાંથી પોતાનું નામ પાછું ખેંચવાનો નિર્ણય લીધો હતો. કેએલ રાહુલ હૈદરાબાદ ટેસ્ટમાં ઈજાગ્રસ્ત થયો હતો. તેથી, આ વિકેટકીપર બેટ્સમેન વિશાખાપટ્ટનમ ટેસ્ટમાં ટીમ ઈન્ડિયાની પ્લેઈંગ ઈલેવનનો ભાગ નથી. પરંતુ ભારતીય ચાહકો માટે સારા સમાચાર આવી રહ્યા છે. વાસ્તવમાં ભારત અને ઈંગ્લેન્ડ વચ્ચે ત્રીજી ટેસ્ટ 15 ફેબ્રુઆરીથી રમાશે. કેએલ રાહુલ ત્રીજી ટેસ્ટમાંથી વાપસી કરશે. આ વિકેટકીપર બેટ્સમેનની વાપસી લગભગ નિશ્ચિત છે.
શું વિરાટ કોહલી ત્રીજી ટેસ્ટમાં રમશે ?
પરંતુ શું વિરાટ કોહલી ત્રીજી ટેસ્ટમાં ટીમ ઈન્ડિયાનો ભાગ બનશે ? વિરાટ કોહલીની વાપસી પર સસ્પેન્સ છે. મીડિયા અહેવાલો અનુસાર, પસંદગીકારો ત્રીજી ટેસ્ટ માટે વિરાટ કોહલીની ઉપલબ્ધતાની રાહ જોઈ રહ્યા છે, પરંતુ વિરાટ કોહલી રમશે કે નહીં તેનો નિર્ણય વિરાટ કોહલીએ પોતે કરવાનો છે. એટલે કે વિરાટ કોહલીની વાપસી પર સસ્પેન્સ યથાવત છે. એવું માનવામાં આવે છે કે વિરાટ કોહલીએ અંગત કારણોસર પોતાનું નામ પાછું ખેંચવાનો નિર્ણય લીધો હતો. પરંતુ એ જોવાનું રસપ્રદ રહેશે કે શું વિરાટ કોહલી ત્રીજી ટેસ્ટમાં વાપસી કરશે ?
શું છે ભારત-ઈંગ્લેન્ડ ટેસ્ટ શ્રેણીનું શેડ્યૂલ ?
ભારત અને ઈંગ્લેન્ડ વચ્ચે 5 ટેસ્ટ મેચની શ્રેણીની પ્રથમ મેચ હૈદરાબાદમાં રમાઈ હતી. ટીમ ઈન્ડિયાને પ્રથમ ટેસ્ટમાં હારનો સામનો કરવો પડ્યો હતો. રોહિત શર્માની આગેવાની હેઠળની ભારતીય ટીમને ઈંગ્લેન્ડે 28 રનથી હરાવ્યું હતું. હવે બંને ટીમો વિશાખાપટ્ટનમમાં આમને-સામને છે. ત્રીજી ટેસ્ટ 15 ફેબ્રુઆરીથી રાજકોટમાં રમાશે. જ્યારે ચોથી ટેસ્ટ 23 ફેબ્રુઆરીથી રાંચીમાં રમાશે. આ પછી સિરીઝની છેલ્લી ટેસ્ટ 7 માર્ચથી ધર્મશાલામાં રમાશે.
ભારતીય ટીમમાં ત્રણ બદલાવ
ઈંગ્લેન્ડ સામેની બીજી ટેસ્ટમાં ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. ભારતીય ટીમ માત્ર ત્રણ સ્પિનરો અને બે ઝડપી બોલરો સાથે મેદાનમાં ઉતરી છે. રવીન્દ્ર જાડેજા અને કેએલ રાહુલ ઈજાના કારણે બહાર છે. સાથે જ મોહમ્મદ સિરાજને આરામ આપવામાં આવ્યો છે. કેપ્ટન રોહિતે કહ્યું કે જાડેજાની જગ્યાએ કુલદીપ, રાહુલની જગ્યાએ રજત પાટીદાર અને સિરાજની જગ્યાએ મુકેશ કુમાર રમી રહ્યો છે.
રોહિત શર્મા (કેપ્ટન), યશસ્વી જયસ્વાલ, શુભમન ગિલ, શ્રેયસ ઐયર, રજત પાટીદાર, અક્ષર પટેલ, એસ ભરત (વિકેટકિપર), રવિચંદ્રન અશ્વિન, કુલદીપ યાદવ, જસપ્રીત બુમરાહ, મુકેશ કુમાર