મસૂરીમાં લગ્ન કરશે કુલદીપ યાદવ, આ લક્ઝરી હોટેલ કરવામાં આવી બુક, 6 હજારની ડીસ આરોગશે મહેમાનો

Kuldeep Yadav Wedding: ભારતીય ક્રિકેટ ટીમના સ્ટાર સ્પિનર કુલદીપ યાદવ ટૂંક સમયમાં જ પોતાના જીવનની નવી ઇનિંગ શરૂ કરવા જઈ રહ્યા છે. તેમની લગ્નવિધિ ઉત્તરાખંડની સુંદર ખીણોની વચ્ચે ‘પહાડોની રાણી’ મસૂરીમાં થવા જઈ રહી છે. આ

કુલદીપ યાદવના લગ્નની તૈયારી શરુ

Source : Social Media

Kuldeep Yadav Wedding: ભારતીય ક્રિકેટ ટીમના સ્ટાર સ્પિનર કુલદીપ યાદવ ટૂંક સમયમાં જ પોતાના જીવનની નવી ઇનિંગ શરૂ કરવા જઈ રહ્યા છે. તેમની લગ્નવિધિ ઉત્તરાખંડની સુંદર ખીણોની વચ્ચે ‘પહાડોની રાણી’ મસૂરીમાં થવા જઈ રહી છે. આ ભવ્ય આયોજન માટે મસૂરીની પ્રતિષ્ઠિત સવાય હોટેલને સંપૂર્ણપણે બુક કરી લેવામાં આવી છે.

મળેલી માહિતી મુજબ, કુલદીપ યાદવ અને તેમની મંગેતર વંશિકાના લગ્નની વિધિઓ 13 અને 14 માર્ચે સંપન્ન થશે. લગ્ન હિન્દુ પરંપરાઓ અને રીતિ-રિવાજો મુજબ યોજાશે.

લગ્નનો કાર્યક્રમ

લગ્નના કાર્યક્રમો 13 માર્ચથી શરૂ થશે. આ દિવસે હલ્દી, મહેંદી અને મંગળ સ્નાન જેવી પરંપરાગત વિધિઓ કરવામાં આવશે. ત્યારબાદ 14 માર્ચે મુખ્ય સમારોહ યોજાશે, જ્યારે રાત્રિના સમયે સાત ફેરા લઈને કુલદીપ યાદવ અને વંશિકા લગ્નગ્રંથિથી જોડાશે. મસૂરીમાં લગ્ન બાદ 17 માર્ચે લખનઉમાં એક ભવ્ય રિસેપ્શનનું પણ આયોજન કરવામાં આવશે, જેમાં ઘણા ખાસ મહેમાનો હાજર રહે તેવી શક્યતા છે.

હોટેલ અને મહેમાનો માટે ખાસ વ્યવસ્થા

આ શાહી લગ્ન માટે સવાય હોટેલના લગભગ 80 રૂમ મહેમાનો માટે બુક કરવામાં આવ્યા છે. આ ઉપરાંત મહેમાનોના રોકાણ માટે JW મેરિયટ મસૂરી અને ફોર્ચ્યુન હોટેલમાં પણ વ્યવસ્થા કરવામાં આવી છે.

 

#WATCH | Uttarakhand | Indian Cricketer Kuldeep Yadav arrives at the Jolly Grant Airport in Dehradun with his family. pic.twitter.com/G2mBMU9rBM

— ANI (@ANI) March 12, 2026

હોટેલ પરિસરમાં ભવ્ય મંડપ, સંગીત સમારોહ અને અન્ય કાર્યક્રમો માટે ખાસ ડેકોરેશન કરવામાં આવ્યું છે. આ પ્રસંગને યાદગાર બનાવવા માટે સંપૂર્ણ વ્યવસ્થા ભવ્ય અને પરંપરાગત અંદાજમાં તૈયાર કરવામાં આવી છે. આ લગ્નમાં આશરે 200 ખાસ મહેમાનો હાજર રહે તેવી અપેક્ષા છે, જેમાં અનેક મોટા ક્રિકેટર્સ, ઉદ્યોગપતિઓ અને ફિલ્મ જગતની હસ્તીઓ પણ સામેલ થઈ શકે છે.

ભોજનમાં મળશે પહાડી સ્વાદ

લગ્ન ઉત્તરાખંડમાં થઈ રહ્યા હોવાથી, મહેમાનો માટેના મેનૂમાં પહાડી વ્યંજનોને ખાસ સ્થાન આપવામાં આવ્યું છે. માહિતી મુજબ, એક પ્લેટ જમવાની કિંમત આશરે 6000 રૂપિયાથી વધુ રાખવામાં આવી છે.

મેનૂમાં મડુવાની રોટલી, લાલ ચોખા, ગહતની દાળ, ફાણુ, ચૈંસૂ, કંડાળીનું શાક, કુમાઉની રાયતું, ભાંગની ચટણી અને ઝંગોરાની ખીર જેવા પરંપરાગત પહાડી વ્યંજનોનો સમાવેશ થાય છે. જ્યારે નાસ્તામાં ઈડલી-ઢોસા, છોલે-ભટૂરે અને પૌઆ જેવી લોકપ્રિય વાનગીઓ પણ પીરસવામાં આવશે.

મહેમાનો માટે લક્ઝરી ટ્રાન્સપોર્ટ

લગ્નમાં આવનારા મહેમાનો માટે દેહરાદૂન સ્થિત જોલી ગ્રાન્ટ એરપોર્ટથી મસૂરી સુધી પહોંચાડવા માટે લક્ઝરી ગાડીઓની ખાસ વ્યવસ્થા કરવામાં આવી છે. કુલદીપ ગુરુવારે (12 માર્ચ) તેમના પરિવાર સાથે દેહરાદૂન પહોંચી ગયા છે. ત્યાંથી તેઓ મસૂરી જશે. હવે મહેમાનોનું આગમન પણ શરૂ થઈ જશે. આ શાહી લગ્નને લઈને મસૂરીમાં ખૂબ જ ઉત્સાહ જોવા મળી રહ્યો છે.

આ પણ વાંચો

IPL 2026 ની ટીકીટ ક્યાં અને કઈ રીતે કરી શકશો બુક, જાણો ક્યારથી શરૂ થશે વેચાણ

T20 World Cup ની આ મેચ બાદ બહુ ગુસ્સામાં હતો અક્ષર પટેલ, સૂર્યકુમાર યાદવે માંગી હતી માફી, જાણો શું હતો મામલો