T20 World Cup 2026: 24 કલાકમાં ચાર ખેલાડી ટી-20 વર્લ્ડકપમાંથી બહાર, હવે માઈકલ બ્રેસવેલ થયો ઈજાગ્રસ્ત

T20 World Cup 2026:  ટી-20 વર્લ્ડ કપ 2026માં અત્યાર સુધીમાં 12 મેચ રમાઈ છે. ચાહકો પહેલાથી જ ટુર્નામેન્ટના શરૂઆતના રાઉન્ડમાં જબરદસ્ત સ્પર્ધા જોઈ રહ્યા છે.

ન્યૂઝીલેન્ડ ટીમ

Source : PTI

T20 World Cup 2026: ટી-20 વર્લ્ડ કપ 2026માં અત્યાર સુધીમાં 12 મેચ રમાઈ છે. ચાહકો પહેલાથી જ ટુર્નામેન્ટના શરૂઆતના રાઉન્ડમાં જબરદસ્ત સ્પર્ધા જોઈ રહ્યા છે. જોકે, કેટલીક ટીમો માટે તણાવ પણ વધી ગયો છે. વાસ્તવમાં છેલ્લા 24 કલાકમાં ચાર ખેલાડીઓ ટુર્નામેન્ટમાંથી બહાર થઈ ગયા છે. તાજેતરના નામ ન્યૂઝીલેન્ડના સ્ટાર ઓલરાઉન્ડર માઈકલ બ્રેસવેલનું છે. ડાબા હેમસ્ટ્રિંગની ઈજાને કારણે માઈકલ બ્રેસવેલ ટુર્નામેન્ટના બાકીના મેચોમાંથી બહાર થઈ ગયો છે. આ ઈજા વોર્મ-અપ દરમિયાન ફરી થઈ હતી અને તે પહેલાથી જ તે જ ઈજામાંથી સ્વસ્થ થઈ રહ્યો હતો.

ન્યૂઝીલેન્ડને મોટો ફટકો

ગયા મહિને ભારત સામેની ત્રીજી વનડેમાં બ્રેસવેલને આ ઈજા થઈ હતી, જ્યાં તે ફિલ્ડિંગ કરી શક્યો ન હતો. ત્યારબાદ તેને પાંચ મેચની T20 શ્રેણીમાંથી બહાર કરવામાં આવ્યો હતો. તેણે રિહેબિલિટેશન પૂર્ણ કર્યું અને વર્લ્ડ કપ માટે ટીમમાં પાછો ફર્યો, પરંતુ સ્કેનમાં ઈજા ફરીથી થઈ હોવાની પુષ્ટી થઈ હતી. મેડિકલ ટીમના મતે, તેને સ્વસ્થ થવામાં લગભગ ત્રણ અઠવાડિયા લાગશે, જેના કારણે તે વર્લ્ડ કપમાં કોઈપણ મેચ રમી શકશે નહીં.

ટીમ મેનેજમેન્ટે બ્રેસવેલને સ્થાન પર ઓલરાઉન્ડર કોલ મેકકોન્ચીને ટીમમાં સામેલ કર્યો હતો. તેને ભારતમાં ટ્રાવેલિંગ રિઝર્વ તરીકે ટીમમાં સામેલ કરવામાં આવશે, જ્યાં ફાસ્ટ બોલર બેન સીયર્સ પણ રિઝર્વ છે. માઈકલ બ્રેસવેલ અગાઉ ઈજાને કારણે મોટી ટુર્નામેન્ટમાંથી બહાર થઈ ચૂક્યો છે. 2023ના વન-ડે વર્લ્ડ કપ પહેલા તેને ઈજા થઈ હતી અને તે પછી પણ તે ટુર્નામેન્ટમાંથી બહાર રહ્યો હતો.

24 કલાકમાં T20 વર્લ્ડ કપમાંથી ચાર ખેલાડીઓ બહાર

માઈકલ બ્રેસવેલ છેલ્લા 24 કલાકમાં ટુર્નામેન્ટમાંથી બહાર થનાર ચોથા ખેલાડી છે. તેમની પહેલા અમેરિકાનો જસદીપ સિંહ હતો, જે ઈજાને કારણે ટુર્નામેન્ટમાંથી બહાર થઈ ગયો છે. દરમિયાન, યુએઈના મોહમ્મદ ઝોહૈબને ટીમ દ્વારા અનુશાસનહીનતાને કારણે ઘરે મોકલી દેવામાં આવ્યો છે. વધુમાં, શ્રીલંકાના સ્ટાર ઓલરાઉન્ડર વાનિન્દુ હસરંગાને ગંભીર હેમસ્ટ્રિંગ ઈજાને કારણે ટુર્નામેન્ટમાંથી બહાર કરવામાં આવ્યો છે.                                                                                

આ પણ વાંચો

PAK Vs USA: પાકિસ્તાન માટે વર્લ્ડકપ રમી ચૂકેલો આ ખેલાડી, આજે USA વતી રમતો દેખાશે મેચ

IND vs PAK: પાકિસ્તાન કેવી રીતે માની ગયું? કોના કહેવાથી લીધો 'યુ-ટર્ન'? જાણો Inside Story