IND vs AUS 3rd Test, Mitchell Starc: ઓસ્ટ્રેલિયન ટીમને બોર્ડર-ગાવસ્કર ટ્રોફીની પ્રથમ બે ટેસ્ટ મેચમાં હારનો સામનો કરવો પડ્યો હતો. નાગપુર બાદ મહેમાન ટીમને દિલ્હી ટેસ્ટમાં હારનો સામનો કરવો પડ્યો હતો. તે જ સમયે, આ શ્રેણીની ત્રીજી ટેસ્ટ મેચ 1 માર્ચથી ઇન્દોરમાં રમાશે. જો કે ઈન્દોર ટેસ્ટ પહેલા કાંગારૂ ટીમ માટે સારા સમાચાર છે. હકીકતમાં ઓસ્ટ્રેલિયાના ફાસ્ટ બોલર મિચેલ સ્ટાર્કનું ઈન્દોર ટેસ્ટમાં રમવું લગભગ નિશ્ચિત માનવામાં આવે છે. જો કે મિચેલ સ્ટાર્ક સંપૂર્ણ સ્વસ્થ થયો નથી, પરંતુ તે મેચ રમવા માટે તૈયાર છે.
'હું સંપૂર્ણપણે સાજો થયો નથી, પરંતુ...'
નાગપુર ટેસ્ટ બાદ મિચેલ સ્ટાર્ક દિલ્હી ટેસ્ટમાં ઓસ્ટ્રેલિયન ટીમનો ભાગ નહોતો, પરંતુ હવે આ ફાસ્ટ બોલર ઈન્દોર ટેસ્ટ માટે તૈયાર છે. મિચેલ સ્ટાર્કે કહ્યું કે હવે હું સારું અનુભવી રહ્યો છું. છેલ્લા દિવસોથી હું સારું અનુભવતો ન હતો, પરંતુ હવે મને સારુ છે. મને નથી લાગતું કે હું 100 ટકા ફિટ છું, પરંતુ હું મેચ રમવા માટે પૂરતો સારો છું, હું મેચ રમી શકું છું. તેણે કહ્યું કે બોલિંગ કરતી વખતે મને ખૂબ સારું લાગે છે. આ સિવાય તેણે કહ્યું કે આ પ્રથમ વખત નહીં હોય જ્યારે હું સંપૂર્ણ સ્વસ્થ ન હોવા છતાં મેચ રમીશ. આ પહેલા પણ હું આ રીતે રમી ચૂક્યો છું.
આ મેચમાં સ્પિનરોની ભૂમિકા મહત્વની રહેશે
મિચેલ સ્ટાર્કે કહ્યું કે જો હું 100 ટકા ફિટ થવાની રાહ જોઉં તો કદાચ હું માત્ર 5-10 ટેસ્ટ મેચ જ રમી શકીશ. તેણે કહ્યું કે આ શ્રેણીમાં અમારા ફાસ્ટ બોલરો માટે પડકાર છે, પરંતુ સ્પિનરોના ખભા પર મોટી અને મહત્વપૂર્ણ જવાબદારી છે. જોકે નવા બોલ સાથે ફાસ્ટ બોલરની ભૂમિકા મહત્વની બની જાય છે. ઓસ્ટ્રેલિયાના ફાસ્ટ બોલરે કહ્યું કે તેમાં કોઈ શંકા નથી કે પ્રથમ બે ટેસ્ટ મેચની જેમ ત્રીજી ટેસ્ટમાં પણ સ્પિનરોની ભૂમિકા ખૂબ જ મહત્વપૂર્ણ રહેશે, પરંતુ હું જાણું છું કે વિપક્ષી ટીમના 20 ખેલાડીઓને આઉટ કરવામાં સ્પિનરો સાથે- મારી પણ ભૂમિકા મહત્વપૂર્ણ છે.
મહિલા ટી20 વર્લ્ડ કપ 'ટીમ ઓફ ટૂર્નામેન્ટ'ની જાહેરાત
ટુર્નામેન્ટની મોસ્ટ વેલ્યુએબલ ટીમ એટલે કે ટુર્નામેન્ટની ટીમ જાહેર કરવામાં આવી. આ ટીમમાં ભારતની વિકેટકીપર બેટર ઋચા ઘોષને સ્થાન મળ્યું છે. ઋચા ઘોષે આ વર્લ્ડ કપમાં પોતાના શાનદાર પ્રદર્શનથી બધાને પ્રભાવિત કર્યા હતા. બેટ સિવાય તેણે સમગ્ર ટૂર્નામેન્ટ દરમિયાન વિકેટકીપિંગમાં પણ કમાલ કરી હતી. ઋચા ટૂર્નામેન્ટમાં 136 રન બનાવવામાં સફળ રહી હતી. તેણે આ રન માત્ર 68 બોલમાં 130.76ની સ્ટ્રાઈક રેટથી બનાવ્યા હતા. આ સિવાય તેણે વિકેટ પાછળ સાત શિકાર કર્યા.
પ્લેઈંગ XI
ICC ટીમ ઓફ ધ ટૂર્નામેન્ટમાં સ્થાન મેળવનાર ખેલાડીઓના નામ આ પ્રમાણે છે. તાજમિન બ્રિટ્સ સાઉથ આફ્રિકા 186 રન, એલિસા હીલી (વિકેટકીપર) ઓસ્ટ્રેલિયા 189 રન, લૌરા વોલ્વાર્ટ સાઉથ આફ્રિકા 230 રન, નેટ સિવર બ્રન્ટ (કેપ્ટન) ઈંગ્લેન્ડ 216 રન, એશ્લે ગાર્ડનર ઓસ્ટ્રેલિયા 110 રન અને 10 વિકેટ, ઋચા ઘોષ ઈન્ડિયા 136 રન, સોફી ઈક્લસ્ટોન ઈંગ્લેન્ડ 11 વિકેટ, કરિશ્મા રામહરક વેસ્ટ ઈન્ડિઝ 5 વિકેટ, શબનિમ ઈસ્માઈલ સાઉથ આફ્રિકા 8 વિકેટ, ડાર્સી બ્રાઉન ઓસ્ટ્રેલિયા 7 વિકેટ, મેગન શૂટ ઓસ્ટ્રેલિયા 10 વિકેટ. આ સાથે જ ટીમમાં 12મા ખેલાડી તરીકે આયર્લેન્ડની ઓર્લા પ્રેન્ડરગૈસ્ટ સામેલ છે. જેણે મહિલા T20 વર્લ્ડ કપ 2023માં 109 રન બનાવવા ઉપરાંત 3 વિકેટ લીધી હતી.