Champions Trophy 2025: ભારતીય ફાસ્ટ બોલર મોહમ્મદ શમીએ વધુ એક કમાલ કરી દેખાડી છે. ચેમ્પિયન્સ ટ્રોફી 2025માં બાંગ્લાદેશ સામેની મેચમાં શાનદાર બોલિંગ કરીને તેણે વનડે ક્રિકેટમાં એક નવો વિશ્વ રેકોર્ડ પોતાના નામે કર્યો છે. શમીએ આ મેચમાં ત્રણ વિકેટ ઝડપીને વનડે ક્રિકેટમાં સૌથી ઓછા બોલમાં 200 વિકેટ લેવાનો વર્લ્ડ રેકોર્ડ બનાવ્યો છે. આ સાથે જ તેણે ઓસ્ટ્રેલિયાના મિચેલ સ્ટાર્કને પાછળ છોડી દીધો છે.
ભારત અને બાંગ્લાદેશ વચ્ચે રમાઈ રહેલી મેચમાં બાંગ્લાદેશના કેપ્ટન નઝમુલ હસન શાંતોએ ટોસ જીતીને બેટિંગ કરવાનો નિર્ણય કર્યો હતો, જે ભારતીય બોલરોના શાનદાર પ્રદર્શન સામે ખોટો સાબિત થયો હતો. બાંગ્લાદેશે શરૂઆતમાં જ પોતાની પાંચ વિકેટ માત્ર 35 રનમાં ગુમાવી દીધી હતી. ભારતીય બોલરોએ શરૂઆતથી જ બાંગ્લાદેશી બેટ્સમેનોને દબાણમાં રાખ્યા હતા અને રન બનાવવા માટે સંઘર્ષ કરાવ્યો હતો.
મોહમ્મદ શમી, જે હંમેશા આઈસીસી ટૂર્નામેન્ટમાં પોતાની બોલિંગથી પ્રભાવિત કરે છે, તેણે આ મેચમાં પણ પોતાની બોલિંગનો જાદુ ચલાવ્યો હતો. તેણે બાંગ્લાદેશ સામેની મેચમાં ત્રણ મહત્વની વિકેટ લઈને વનડે ક્રિકેટમાં પોતાની 200 વિકેટ પૂરી કરી હતી. આ વિકેટ સાથે જ તે વનડે ક્રિકેટના ઈતિહાસમાં સૌથી ઓછા બોલમાં 200 વિકેટ લેનાર બોલર બની ગયો છે. શમીએ આ સિદ્ધિ માત્ર 5126 બોલમાં હાંસલ કરી છે, જ્યારે મિચેલ સ્ટાર્કે આ માઈલસ્ટોન સુધી પહોંચવા માટે 5240 બોલ ફેંક્યા હતા.
સૌથી ઓછા બોલમાં 200 ODI વિકેટ લેનાર બોલર:
|
ક્રમ |
બોલર |
બોલ |
|
1 |
મોહમ્મદ શમી |
5126 |
|
2 |
મિચેલ સ્ટાર્ક |
5240 |
|
3 |
સકલીન મુશ્તાક |
5451 |
|
4 |
બ્રેટ લી |
5640 |
|
5 |
ટ્રેન્ટ બોલ્ટ |
5783 |
વિકેટની સંખ્યાની વાત કરીએ તો, મોહમ્મદ શમી વનડે ક્રિકેટમાં સૌથી ઓછી મેચોમાં 200 વિકેટ લેનાર સંયુક્ત રીતે બીજો બોલર પણ બની ગયો છે. તેણે સકલીન મુશ્તાકની બરાબરી કરી છે, જેમણે 104 મેચમાં 200 વિકેટ લીધી હતી. આ યાદીમાં મિચેલ સ્ટાર્ક પ્રથમ સ્થાને છે, જેણે માત્ર 102 મેચમાં આ સિદ્ધિ મેળવી હતી. શમીએ અત્યાર સુધી 104 વનડે મેચ રમી છે અને 201 વિકેટ પોતાના નામે કરી છે.
મોહમ્મદ શમી ભારતીય ક્રિકેટના સર્વશ્રેષ્ઠ બોલરોમાંના એક છે. તેણે વર્ષ 2013માં ભારતીય ટીમ માટે વનડે ક્રિકેટમાં ડેબ્યૂ કર્યું હતું અને ત્યારથી તે ટીમનો મહત્વનો ભાગ રહ્યો છે. શમી પોતાની સીમ બોલિંગ અને પરિસ્થિતિને ઝડપથી સમજવાની ક્ષમતા માટે જાણીતો છે. તેણે ભારત માટે 64 ટેસ્ટ મેચ અને 25 T20 આંતરરાષ્ટ્રીય મેચ પણ રમી છે અને ત્રણેય ફોર્મેટમાં પોતાની બોલિંગનો દમ દેખાડ્યો છે.
આ પણ વાંચો...