મોહમ્મદ સિરાજ પોતાના શાનદાર પરફોર્મન્સ માટે મેન ઓફ ધન મેચ બન્યો હતો, મેચ બાદ સિરાજે કહ્યું- વિરાટે મને નવા બૉલ સાથે બૉલિંગ કરવાનો મોકો આપ્યો, અને આ કારણે હું સ્વિંગ હાંસલ કરી શક્યો. મેચ પહેલા ટીમે મારી પાવર પ્લેમાં બૉલિગ કરવાની યોજના ન હતી બનાવી.
મેદાનમાં ઉતરતા જ સિરાજને વિરાટ કોહલીનું સરપ્રાઇઝ મળ્યુ. ફાસ્ટ બૉલરે કહ્યું- મેદાન પર ગયા બાદ વિરાટે મને કહ્યું મિયા રેડી હો જાઓ. આ પછી અમે રણનીતિ પ્રમાણે પ્રદર્શન કરવામા સફળ રહ્યાં.
ઉલ્લેખનીય છે કેક મોહમ્મદ સિરાજે મેચની શરૂઆતમાં જ કેકેઆરને ત્રણ મોટા ઝટકા આપ્યા. સિરાજે પહેલી ઓવરમાં રાહુલ ત્રિપાઠીની વિકેટ લીધી, ત્યારબાદ સિરાજે બીજા બૉલ પર જ નીતિશ રાણાને બૉલ્ડ કરી દીધો. આ બન્ને ઉપરાંત સિરાજે ટૉમ બેન્ટૉનની પણ વિકેટ ઝડપી હતી.