Nathan Ellis Ruled Out IPL 2026: IPL 2026 શરૂ થાય તે પહેલા ચેન્નાઈ સુપર કિંગ્સને બહુ મોટો ઝટકો લાગ્યો છે. ટીમનો ઓસ્ટ્રેલિયન ફાસ્ટ બોલર નાથન એલિસ ઈજાના કારણે સમગ્ર ટૂર્નામેન્ટમાંથી બહાર થઈ ગયો છે. ચેન્નાઈની ટીમે હજુ સુધી તેમના રિપ્લેસમેન્ટની જાહેરાત કરી નથી. સ્પોર્ટસ્ટારના એક રિપોર્ટ અનુસાર, નાથન એલિસ હેમસ્ટ્રિંગની ઈજાને કારણે સમગ્ર ટૂર્નામેન્ટમાંથી બહાર થઈ ગયો છે.
નાથન એલિસનું બહાર થવું ચેન્નાઈ સુપર કિંગ્સ માટે મોટો ફટકો છે કારણ કે તેને ટીમના ડેથ ઓવર સ્પેશિયાલિસ્ટ તરીકે જોવામાં આવતો હતો. સ્પોર્ટસ્ટારના રિપોર્ટ મુજબ ટીમ તેમના રિપ્લેસમેન્ટની શોધ કરી રહી છે. એલિસના બહાર થવાથી મેટ હેનરીને નિયમિત રીતે પ્લેઈંગ ઈલેવનમાં તક મળવાની આશા વધી ગઈ છે. ઓસ્ટ્રેલિયાથી આવતા નાથન એલિસ પોતાની 186 મેચોની ટી20 કારકિર્દીમાં 231 વિકેટ લઈ ચૂક્યા છે. તો વળી આંતરરાષ્ટ્રીય ટી20 કારકિર્દીમાં તેમણે 36 મેચ રમીને 55 વિકેટ લીધી છે. આંકડા સ્પષ્ટપણે દર્શાવે છે કે એલિસ એક વિકેટ ટેકર બોલર છે. તેમનું આઈપીએલ 2026 માંથી બહાર થવું પાંચ વખતની ચેમ્પિયન ટીમ માટે ઘણો મોટો ઝટકો છે.
CSK નું ફાસ્ટ બોલિંગ લાઇન-અપ
ચેન્નાઈ સુપર કિંગ્સના ફાસ્ટ બોલિંગ લાઇન-અપની વાત કરીએ તો તેમાં મેટ હેનરી, ગુરજપનીત સિંહ, મુકેશ ચૌધરી, ખલીલ અહેમદ હાજર છે. આ સિવાય ઓલરાઉન્ડર શિવમ દુબે, જાક ફાઉલ્કેસ, અંશુલ કંબોજ, જેમી ઓવરટન તરીકે પણ ચેન્નાઈ સુપર કિંગ્સ પાસે ફાસ્ટ બોલિંગના વિકલ્પો ઉપલબ્ધ છે.
ચેન્નાઈ સુપર કિંગ્સનો સ્ક્વોડ:
ઋતુરાજ ગાયકવાડ (કેપ્ટન), આયુષ મ્હાત્રે, એમએસ ધોની, ડેવાલ્ડ બ્રેવિસ, ઉર્વિલ પટેલ, શિવમ દુબે, જેમી ઓવરટન, રામકૃષ્ણ ઘોષ, નૂર અહેમદ, ખલીલ અહેમદ, અંશુલ કંબોજ, ગુરજપનીત સિંહ, શ્રેયસ ગોપાલ, મુકેશ ચૌધરી, નાથન એલિસ, સંજુ સેમસન, કાર્તિક શર્મા, પ્રશાંત વીર, રાહુલ ચહર, અકીલ હોસેન, મેટ હેનરી, મેથ્યુ શોર્ટ, અમન ખાન, સરફરાજ ખાન, જેકરી ફૉલ્કેસ.
સંજુ સેમસન રાજસ્થાન રોયલ્સ છોડી CSK સાથે કેમ જોડાયો?
સંજુ સેમસને કહ્યું કે તેને લાગ્યું કે રાજસ્થાન રોયલ્સ સાથે તેનો સમય પૂરો થઈ ગયો છે, જેના કારણે તેણે ફ્રેન્ચાઇઝી છોડી દીધી અને એક નવી શરૂઆત કરવાનું નક્કી કર્યું. સંજુ એ બેટ્સમેન છે જેણે રાજસ્થાન રોયલ્સ માટે રમ્યો છે અને સૌથી વધુ રન બનાવ્યા છે.
રાજસ્થાન સાથે IPL ડેબ્યૂ
સંજુએ 2013 માં રાજસ્થાન રોયલ્સ સાથે તેની IPL કારકિર્દીની શરૂઆત કરી હતી. તે શરૂઆતમાં 2013 થી 2015 સુધી ચાર સીઝન માટે રાજસ્થાન માટે રમ્યો હતો. ત્યારબાદ તે 2016 અને 2017 માં દિલ્હી કેપિટલ્સ માટે રમ્યો હતો. 2018 થી 2025 સુધી સંજુ ફરી એકવાર રાજસ્થાન માટે રમ્યો. સંજુ પહેલી વાર ચેન્નાઈ માટે રમશે. તે ફ્રેન્ચાઇઝી માટે કેવું પ્રદર્શન કરે છે તે જોવું રસપ્રદ રહેશે.