સોઢીએ આઠ આઇપીએલ મેચમાં રાજસ્થાન રોયલ્સનું પ્રતિનિધિત્વ કર્યું છે અને 6.69ની ઇકોનોમી રેટથી નવ વિકેટ ઝડપી છે. સોઢીએ એક નિવેદનમાં કહ્યું કે, રોયલ્સ માટે બે સીઝન રમ્યા બાદ ફ્રેન્ચાઇઝી સાથે જોડાયેલા તમામ લોકો સાથે મારો તાલમેલ વધી ગયો છે જે મારા માટે ખૂબ મદદગાર રહ્યો છે.
સોઢીએ કહ્યું કે, રોયલ્સ મેનેજમેન્ટ દ્ધારા આ તકની ઓફર કર્યા બાદ મે ફરીથી વિચાર્યું નથી. સોઢીએ ન્યૂઝીલેન્ડ માટે 40 ટી-20 ઇન્ટરનેશનલ મેચમાં 47 વિકેટ ઝડપી છે. તેણે 17 ટેસ્ટ અને 31 વન-ડે રમી છે. ઇશ સોઢીનું પુરુ નામ ઇન્દ્રબીરસિંહ સોઢી છે. સોઢીનો જન્મ ભારતના લુધિયાણામાં 31 ઓક્ટોબર 1992માં થયો હતો.