RCB vs DC WPL 2026 Final : RCB એ 6 વિકેટથી જીતી ફાઈનલ, 2024 બાદ બીજી વખત જીત્યો ખિતાબ

WPL 2026 ટાઇટલ મેચ દિલ્હી કેપિટલ્સ અને રોયલ ચેલેન્જર્સ બેંગ્લોર વચ્ચે રમાશે. આ મહિલા IPL ની સતત ચોથી સીઝન છે જેમાં દિલ્હી ફાઇનલમાં પહોંચી છે.

બ્રેકગ્રાઉન્ડ

મહિલા પ્રીમિયર લીગ 2026 (WPL 2026) ટાઇટલ મેચ દિલ્હી કેપિટલ્સ અને રોયલ ચેલેન્જર્સ બેંગ્લોર વચ્ચે રમાશે. આ મહિલા IPL ની સતત ચોથી સીઝન છે જેમાં દિલ્હી ફાઇનલમાં પહોંચી છે. જોકે, દિલ્હી અગાઉની ત્રણેય સીઝનમાં રનર-અપ રહી છે. આ વખતે, દિલ્હી કેપિટલ્સ મહિલા ટીમ તેમની પહેલી ટ્રોફી જીતવાનું લક્ષ્ય રાખશે.બીજી બાજુ, રોયલ ચેલેન્જર્સ બેંગ્લોર મહિલા ટીમ તેમની બીજી ટ્રોફી જીતવાનું લક્ષ્ય રાખશે. RCB એ 2023-24 સીઝનમાં તેમનો પહેલો WPL ટાઇટલ જીત્યો હતો. આ વખતે ફાઇનલમાં ટીમ કેવું પ્રદર્શન કરે છે તે જોવું રસપ્રદ રહેશે.ટુર્નામેન્ટમાં દિલ્હી કેપિટલ્સનું પ્રદર્શનદિલ્હીએ આઠ લીગ મેચમાંથી ચાર જીતીને પ્લેઓફ માટે ક્વોલિફાય કર્યું. ત્યારબાદ તેઓએ એલિમિનેટરમાં ગુજરાત ટાઇટન્સને સાત વિકેટથી હરાવીને ફાઇનલમાં પ્રવેશ કર્યો. લીગ સ્ટેજની વાત કરીએ તો દિલ્હીએ સતત બે હાર સાથે શરૂઆત કરી. ત્યારબાદ ટીમે ત્રીજી મેચ જીતી અને ચોથી હારી ગઈ. ત્યારબાદ તેઓએ આગામી બે મેચ જીતી, પછી સાતમી હાર અને આઠમી જીત મેળવી.લીગ સ્ટેજમાં બેંગલુરુની શાનદાર રમતબેંગલુરુએ શાનદાર પ્રદર્શન કર્યું અને ફાઇનલમાં સીધો પ્રવેશ મેળવ્યો. લીગ સ્ટેજ મેચ પૂર્ણ થયા પછી, ટેબલમાં ટોચની ટીમને ફાઇનલમાં સીધો પ્રવેશ આપવામાં આવે છે. બેંગલુરુએ લીગ સ્ટેજ ટોચ પર સમાપ્ત કર્યો. આરસીબીએ આઠમાંથી છ લીગ મેચ જીતી. સૌથી વધુ પોઈન્ટ (12) સાથે બેંગલુરુ સીધું ફાઇનલમાં પહોંચ્યું. ટીમ દિલ્હી અને મુંબઈ સામે બે મેચ હારી ગઈ. હવે, તેઓ ફાઇનલમાં દિલ્હીનો સામનો કરશે. આનાથી ટાઇટલ ટક્કર વધુ રસપ્રદ બને છે. લીગ સ્ટેજમાં હારનો સામનો કર્યા પછી, આરસીબી ફાઇનલમાં દિલ્હી સામે કેવું પ્રદર્શન કરશે?

05/02/2026 23:12:33

RCB vs DC WPL 2026 Final Live: RCB એ બીજી વખત ખિતાબ જીત્યો

રોયલ ચેલેન્જર્સ બેંગ્લોરે રેકોર્ડ રન ચેઝ સાથે તેમની બીજી મહિલા પ્રીમિયર લીગ 2026 (WPL 2026) ટ્રોફી મેળવી. વડોદરામાં રમાયેલી મેચમાં પ્રથમ બેટિંગ કરતા દિલ્હીએ 20 ઓવરમાં 203/4 રન બનાવ્યા. જવાબમાં, બેંગ્લોરે 19.4 ઓવરમાં 204/4 રન બનાવીને વિજય મેળવ્યો.

05/02/2026 22:31:47

RCB vs DC WPL 2026 Final Live: સ્મૃતિ મંધાનાએ અડધી સદી ફટકારી

સ્મૃતિ મંધાનાએ માત્ર 23 બોલમાં પાંચ ચોગ્ગા અને ત્રણ છગ્ગા ફટકારીને પોતાની અડધી સદી પૂર્ણ કરી. 12 ઓવર પછી રોયલ ચેલેન્જર્સ બેંગ્લોરનો સ્કોર 124/1 છે. મંધાના સાથે બીજા છેડે રહેલી જ્યોર્જિયા વોલે 60 રન બનાવ્યા છે. 

05/02/2026 22:19:11

RCB vs DC WPL 2026 Final Live: 7 ઓવર પછી RCBનો સ્કોર 71/1

204 રનનો પીછો કરતા રોયલ ચેલેન્જર્સ બેંગ્લોર રફતાર પકડી રહ્યું હોય તેવું લાગે છે. 7 ઓવર પછી ટીમ 71/1 પર પહોંચી ગઈ છે. જ્યોર્જિયા વોલ 36 રન બનાવીને ક્રીઝ પર છે, જ્યારે કેપ્ટન સ્મૃતિ મંધાના 23 રન બનાવીને રમી રહી છે. 

05/02/2026 22:07:23

RCB vs DC WPL 2026 Final Live: 5 ઓવર પછી RCBનો સ્કોર 43/1

204 રનનો પીછો કરતા રોયલ ચેલેન્જર્સ બેંગ્લોરે બીજી ઓવરમાં એક વિકેટ ગુમાવી દીધી. ત્યારબાદ જ્યોર્જિયા વોલ ક્રીઝ પર આવી અને ઈનિંગ સંભાળી. 5 ઓવર પછી RCBનો સ્કોર 43/1 છે. જ્યોર્જિયાએ ટીમ માટે 25 રન બનાવ્યા છે. બીજા છેડે કેપ્ટન સ્મૃતિ મંધાના 6 રન પર બેટિંગ કરી રહી છે. 

05/02/2026 21:27:40

RCB vs DC WPL 2026 Final Live: દિલ્હીએ RCB ને 204 રનનો લક્ષ્યાંક આપ્યો

ફાઇનલમાં પ્રથમ બેટિંગ કરતા દિલ્હી કેપિટલ્સે 20 ઓવરમાં 203 રન બનાવ્યા અને વિરોધી ટીમને 204 રનનો લક્ષ્યાંક આપ્યો. આ સાથે, દિલ્હીએ આરસીબીને ટુર્નામેન્ટ ફાઇનલનો સૌથી મોટો લક્ષ્યાંક આપ્યો. દિલ્હી માટે કેપ્ટન જેમીમા રોડ્રિગ્સે અડધી સદી ફટકારી, 37 બોલમાં 8 ચોગ્ગાની મદદથી 57 રન બનાવ્યા. બેંગલુરુ માટે સયાલી સતઘરે, અરુંધતી રેડ્ડી અને નાદીન ડી ક્લાર્કે 1-1 વિકેટ લીધી.

05/02/2026 20:53:29

RCB vs DC WPL 2026 Final Live: જેમીમા રોડ્રિગ્સે અડધી સદી ફટકારી

દિલ્હીની કેપ્ટન જેમીમા રોડ્રિગ્સે ઈનિંગનું નેતૃત્વ કર્યું, તેણે 32 બોલમાં સાત ચોગ્ગા સાથે પોતાની અડધી સદી પૂરી કરી. 15 ઓવર પછી દિલ્હીનો સ્કોર 140/2 થયો. 

05/02/2026 20:29:29

RCB vs DC WPL 2026 Final Live: દિલ્હી કેપિટલ્સે બીજી વિકેટ ગુમાવી

દિલ્હી કેપિટલ્સનો બીજો વિકેટ લિઝેલ લીગના રૂપમાં લાગ્યો જે 30 બોલમાં ત્રણ ચોગ્ગા અને ત્રણ છગ્ગા સહિત 37 રન બનાવીને  આઉટ થઈ ગઈ. કેપ્ટન જેમીમા રોડ્રિગ્સ હવે બેટિંગ કરવા મેદાનમાં છે. દિલ્હીએ આઠ ઓવરમાં 74/2 રન બનાવ્યા છે.

05/02/2026 20:14:51

RCB vs DC WPL 2026 Final Live: શેફાલી વર્મા આઉટ

દિલ્હી કેપિટલ્સને પહેલો ઝટકો શેફાલી વર્માના રૂપમાં લાગ્યો છે. તે છઠ્ઠી ઓવરના પાંચમા બોલ પર 13 બોલમાં ત્રણ ચોગ્ગાની મદદથી 20 રન બનાવીને આઉટ થઈ ગઈ.  દિલ્હીનો સ્કોર 53/1 છે. આક્રમક બેટિંગ કરી રહેલી લિઝેલ લીએ 22 રન બનાવ્યા છે.

05/02/2026 20:05:27

RCB vs DC WPL 2026 Final Live: દિલ્હી કેપિટલ્સનો સ્કોર 4 ઓવર પછી 29/0

ફાઇનલમાં પ્રથમ બેટિંગ કરતા દિલ્હી કેપિટલ્સે 4 ઓવરમાં એક પણ વિકેટ ગુમાવ્યા વગર 29 રન બનાવ્યા છે. ટીમ માટે શેફાલી વર્માએ 6 રન બનાવ્યા છે, જ્યારે લિઝેલ લી 17 રન બનાવીને બેટિંગ કરી રહી છે. 

05/02/2026 19:48:57

RCB vs DC WPL 2026 Final Live: ફાઇનલની થઈ ગઈ શરુઆત

દિલ્હી કેપિટલ્સ અને રોયલ ચેલેન્જર્સ બેંગ્લોર વચ્ચે WPL 2026 ફાઇનલ શરૂ થઈ ગઈ છે. પહેલા બેટિંગ કરતા દિલ્હી કેપિટલ્સે પ્રથમ ઓવરમાં 5 રન બનાવ્યા. શેફાલી વર્મા 4 રને અને લિઝેલ લી 1 રને રમતમાં હતા.

05/02/2026 19:38:04

RCB vs DC WPL 2026 Final Live: માસ્ક મેન તલવિંદરે દર્શકોને મંત્રમુગ્ધ કર્યા

માસ્ક મેન તલવિંદરે પણ  અનેક ગીતો ગાઈને ક્લોઝિંગ સેરેમનીમાં દર્શકોને મંત્રમુગ્ધ કર્યા, જેનો એક વીડિયો મહિલા પ્રીમિયર લીગના સોશિયલ મીડિયા પર શેર કરવામાં આવ્યો હતો.

05/02/2026 19:29:48

RCB vs DC WPL 2026 Final Live: ક્લોઝિંગ સેરેમની

મહિલા પ્રીમિયર લીગ 2026 ની ક્લોઝિંગ સેરેમનીમાં મલાઈકા અરોરાએ પોતાના ડાન્સ મૂવ્સથી પ્રેક્ષકોને મંત્રમુગ્ધ કરી દીધા હતા.  ત્યારબાદ સંગીતકાર તલવિંદરે પોતાના લોકપ્રિય ગીતો દ્વારા પ્રેક્ષકોને મનોરંજન કરાવ્યું હતું. 

05/02/2026 19:07:06

RCB vs DC WPL 2026 Final Live: ફાઈનલ માટે બેંગલુરુની પ્લેઈંગ 11

ગ્રેસ હૈરિસ, સ્મૃતિ મંધાના (કેપ્ટન), જ્યોર્જિયા વોલ, ઋચા ઘોષ (વિકેટકીપર), રાધા યાદવ, નાદીન ડી ક્લાર્ક, પૂજા વસ્ત્રાકર, અરુંધતી રેડ્ડી, સયાલી સતઘરે, શ્રેયંકા પાટિલ, લોરેન બેલ.

05/02/2026 19:05:44

RCB vs DC WPL 2026 Final Live: ફાઇનલ માટે દિલ્હી કેપિટલ્સની પ્લેઈંગ 11

લિઝેલ લી (વિકેટકીપર), શેફાલી વર્મા, લૌરા વોલ્વાર્ડ્ટ, જેમિમાહ રોડ્રિગ્સ (કેપ્ટન), મારિઝૈન કપ્પ, ચિનેલે હેનરી, નિકી પ્રસાદ, સ્નેહ રાણા, મિન્નુ મણિ, શ્રી ચરણી, નંદની શર્મા.

05/02/2026 19:03:48

RCB vs DC WPL 2026 Final Live: બેંગ્લોરે ટોસ જીતીને ફિલ્ડિંગ પસંદ કરી

રોયલ ચેલેન્જર્સ બેંગ્લોરે ફાઇનલ મુકાબલામાં ટોસ જીતીને બોલિંગ પસંદ કરી છે. દિલ્હી કેપિટલ્સની ટીમ મેદાનમાં પહેલા બેટિંગ કરવા ઉતરશે.