એક સવાલના જવાબમાં મૂડીએ ચેન્નઇ સુપર કિંગ્સને પોતાની ફેવરિટ આઇપીએલ ટીમ અને મહેન્દ્રસિંહ ધોનીને પોતાનો ફેવરિટ કેપ્ટન ગણાવ્યો હતો. જ્યારે મૂડીને ટીમ-20માં સર્વશ્રેષ્ઠ ઓપનિંગ બેટ્સમેન અંગે પૂછવામાં આવ્યુ તો તેમણે કહ્યું કે, ખૂબ મુશ્કેલ છે પરંતુ હું ડેવિડ વોર્નર અને રોહિત શર્માનું નામ લઇશ.
ભારતમાં ક્રિકેટની અપાર પ્રતિભાઓ છે પરંતુ મૂડીને લાગે છે તેમાં શુભમન ગિલ સૌથી સારો છે. ગિલે ભારત માટે બે વન-ડે રમી છે અને ટેસ્ટ ટીમમાં સ્થાન મેળવ્યું હતું પરંતુ પ્લેઇંગ ઇલેવનમાં તક મળી નહોતી.
મૂડી અનેક આઇપીએલ ટીમોને કોચિંગ આપી ચૂક્યા છે. તેમનું માનવું છે કેન્યૂઝિલેન્ડના કેપ્ટન કેન વિલિયમ્સનની ક્રિકેટની સમજ સારી છે અને તેમનો ફેવરિટ ભારતીય ફિલ્ડર રવિન્દ્ર જાડેજા છે. પસંદગીનો ભારતીય ખેલાડી પૂછવા પર મૂડીએ કેપ્ટન કોહલીનું નામ લીધું હતું.