IPL 2021 સીઝનની 18મી મેચમાં રાજસ્થાન રોયલ્સે કોલકાતા નાઈટ રાઈડર્સેને 6 વિકેટથી હાર આપી છે. રાજસ્થાન રોયલ્સની ટીમે 18.5 ઓવરમાં 4 વિકેટ ગુમાવી ટાર્ગેટ હાંસિલ કરી લીધો હતો. સંજુ સૈમસને કેપ્ટન ઈનિંગ રમી હતી. સૈમસને નોટઆઉટ 42 રન બનાવ્યા હતા. આ સિવાય મિલરે નોટ આઉટ 24 રનનું યોગદાન આપ્યું હતું. કોલકાતા તરફથી વરુણ ચક્રવર્તીએ 2 વિકેટ ઝડપી હતી.
પ્રથમ બેટિંગ કરતા કોલકાતાએ રાજસ્થાન રોયલ્સને જીત માટે 134 રનનો ટાર્ગેટ આપ્યો છે. કોલકાતાએ 20 ઓવરમાં 9 વિકેટના નુકસાને 133 રન બનાવ્યા છે. કોલકાતા તરફથી રાહુલ ત્રિપાઠીએ સૌથી વધુ 36 રન બનાવ્યા હતા. આ સિવાય દિનેશ કાર્તિક 25 રન બનાવ્યા હતા. રાજસ્થાન તરફથી ક્રિસ મોરિસે 4 વિકેટ ઝડપી હતી.
આઈપીએલ 2021નો 18મો મુકાબલો રાજસ્થાન રોયલ્સ અને કોલકાતા નાઈટ રાઈડર્સ વચ્ચે રમાઈ રહ્યો છે. રાજસ્થાનના કેપ્ટન સંજૂ સૈમસને ટોસ જીતીને પ્રથમ બોલિંગ કરવાનો નિર્ણય કર્યો હતો.
કોલકાતા પ્લેઈંગ ઈલેવન: ઓઈન મોર્ગન (કેપ્ટન), નીતીશ રાણા, શુભમન ગિલ, રાહુલ ત્રિપાઠી, દિનેશ કાર્તિક, સુનીલ નરેન, આંદ્રે રસેલ, પેટ કમિન્સ, વરૂણ ચક્રવર્તી, શિવમ માવી, પ્રસિદ્ધ કૃષ્ણા.
રાજસ્થાન પ્લેઈંગ ઈલેવન: સંજુ સેમસન (કેપ્ટન), જોસ બટલર, યશસ્વી જયસ્વાલ, ડેવિડ મિલર, રિયાન પરાગ, રાહુલ તેવટિયા, શિવમ દુબે, ક્રિસ મોરિસ, જયદેવ ઉનાદકટ, મુસ્તફિઝુર રહેમાન અને ચેતન સાકરીયા.