ફાઇનલમાં ભારતની જીતનો સૌથી મોટો હીરો કોણ? કોણે ટીમ ઇન્ડિયાને બનાવી વર્લ્ડ ચેમ્પિયન?

T20 World Cup 2026: ટીમ ઇન્ડિયાએ ફાઇનલમાં ન્યુઝીલેન્ડને હરાવીને T20 વર્લ્ડ કપ 2026 જીત્યો. તો ચાલો જાણીએ કે આ જીતમાં ભારતનો હીરો કોણ હતો.

ટી20 વર્લ્ડ કપ 2026

Source : PTI

T20 World Cup 2026: ભારતે 2026 T20 વર્લ્ડ કપ ફાઈનલનો ખિતાબ જીતી લીધો છે. ફાઈનલમાં ભારત તરફથી ખૂબ જ શાનદાર પ્રદર્શન જોવા મળ્યું. ટીમ ઈન્ડિયાએ એકતરફી 96 રનથી જીત હાંસલ કરી. ટીમ માટે ઘણા ખેલાડીઓએ શાનદાર પ્રદર્શન કર્યું. પરંતુ અમે તમને જણાવીશું કે આખરે ફાઈનલમાં ભારતનો અસલી હીરો કોણ રહ્યો.

મુકાબલામાં સંજુ સેમસને ભારત માટે સૌથી મોટું યોગદાન આપ્યું. ઓપનિંગમાં ઉતરેલા સંજુએ 46 બોલમાં 5 ચોગ્ગા અને 8 છગ્ગાની મદદથી 89 રનનો સ્કોર કર્યો. સંજુની આ ઈનિંગે ટીમ ઈન્ડિયાને 255 રનના મોટા ટોટલ સુધી પહોંચવામાં મદદ કરી.

 

3️⃣2️⃣1️⃣ RUNS 🔥
3️⃣ FIFTIES 👏
8️⃣0️⃣.2️⃣5️⃣ AVERAGE ✨

A performance for the ages from SANJU SAMSON 🫡#TeamIndia | #T20WorldCup | #MenInBlue | #Final | #INDvNZ | @IamSanjuSamson pic.twitter.com/oUDtppO3Mv

— BCCI (@BCCI) March 8, 2026

સંજુએ પ્રથમ વિકેટ માટે અભિષેક શર્મા સાથે મળીને 43 બોલમાં 98 રનની ભાગીદારી કરી. ત્યારબાદ બીજી વિકેટ માટે સંજુએ ઈશાન કિશન સાથે મળીને 48 બોલમાં 105 રનની ભાગીદારી કરી. આ ઈનિંગની સૌથી મોટી ભાગીદારી રહી. આ રીતે સંજુએ ટીમ માટે સૌથી મહત્વનું યોગદાન આપીને પોતાને હીરો સાબિત કર્યો.

મુકાબલાની સ્થિતિ          

મુકાબલામાં પહેલા બેટિંગ કરવા ઉતરેલી ભારતીય ટીમે 20 ઓવરમાં 255/5 રન બોર્ડ પર લગાવ્યા. ટીમ માટે સંજુએ સૌથી મોટી ઈનિંગ રમી. આ સિવાય અભિષેક શર્મા અને ઈશાન કિશને ફિફ્ટી ફટકારી. પછી રન ચેઝ માટે ઉતરેલી કીવી ટીમ 19 ઓવરમાં 159 રન પર ઓલઆઉટ થઈ ગઈ. આ રીતે મેન ઈન બ્લુને 96 રનથી જીત મળી.

છેલ્લી ત્રણ મેચમાં ચાલ્યું સંજુનું બેટ

સંજુએ માત્ર ફાઈનલમાં જ મહત્વની ઈનિંગ નથી રમી, પરંતુ તેણે સુપર-8 ની છેલ્લી મેચ અને સેમીફાઈનલમાં પણ મોટું યોગદાન આપ્યું. સુપર-8 માં વેસ્ટ ઈન્ડિઝ સામેના મુકાબલામાં સંજુએ 50 બોલમાં 12 ચોગ્ગા અને 4 છગ્ગાની મદદથી 97* રન સ્કોર કર્યા. પછી સેમીફાઈનલમાં ઈંગ્લેન્ડ સામે સંજુએ 42 બોલમાં 8 ચોગ્ગા અને 7 છગ્ગા લગાવીને 89 રન બનાવ્યા. અંતમાં ફાઈનલમાં તેણે 89 રનની ઈનિંગ રમી. આ રીતે સંજુએ છેલ્લી ત્રણ મેચમાં મહત્વનું યોગદાન આપીને ટીમને ખિતાબ જીતાડવામાં મદદ કરી.            

𝐂.𝐇.𝐀.𝐌.𝐏.𝐈.𝐎.𝐍.𝐒 🇮🇳#TeamIndia clinch a record 3️⃣rd ICC Men's #T20WorldCup title 🏆

Take. A. Bow 🫡#MenInBlue | #Final | #INDvNZ pic.twitter.com/nml1AZY5tK

— BCCI (@BCCI) March 8, 2026

આ પણ વાંચો

T20 World Cup Winner 2026: માહિકા શર્માને કિસ, ઈશાન કિશન સાથે ગરબા, હાર્દિક પંડ્યાએ આ રીતે કરી ઉજવણી

T20 વર્લ્ડ ચેમ્પિયન ટીમ ઈન્ડિયા પર વરસ્યા કરોડો રૂપિયા, રનર્સઅપ ન્યૂઝીલેન્ડને પણ મળ્યું કરોડોનું ઈનામ