સંજૂ સેમસનને ICC એ આ એવોર્ડ માટે નૉમિનેટ કર્યો, આ ખેલાડીઓ સાથે ટક્કર
શરૂઆતની મેચોમાં તેને ભારતની પ્લેઇંગ ઇલેવનમાંથી બહાર રાખવામાં આવ્યો હતો, પરંતુ જ્યારે તેને તક મળી ત્યારે તેણે વધારે રન બનાવ્યા ન હતા.
- સંજુ સેમસને T20 વર્લ્ડ કપ 2026 માં શાનદાર પ્રદર્શન કર્યું.
- વેસ્ટ ઇન્ડીઝ અને ઇંગ્લેન્ડ સામેની મેચોમાં 97 અને 89 રન બનાવ્યા.
- ફાઇનલમાં પણ 89 રન ફટકારી ICC પ્લેયર ઓફ ધ મન્થ માટે નોમિનેટ.
ICC T20 વર્લ્ડ કપ 2026 સંજુ સેમસન માટે સારો રહ્યો. શરૂઆતની મેચોમાં તેને ભારતની પ્લેઇંગ ઇલેવનમાંથી બહાર રાખવામાં આવ્યો હતો, પરંતુ જ્યારે તેને તક મળી ત્યારે તેણે વધારે રન બનાવ્યા ન હતા. જોકે, જેમ જેમ ટુર્નામેન્ટ આગળ વધતી ગઈ સંજુએ વિસ્ફોટક બેટિંગ કરીને બધાને આશ્ચર્યચકિત કરી દિધા હતા. આ દરમિયાન, ICC એ સંજુને પ્લેયર ઓફ ધ મન્થ માટે નોમિનેટ કર્યા છે. તેની ટક્કર પહેલા તો ભારતના દિગ્ગજ ફાસ્ટર બોલર જસપ્રીત બુમરાહ સામે થશે અને સાથે જ દક્ષિણ આફ્રિકાના કોનર એસ્ટરહુઈઝન સામે પણ જીતવું પડશે.
વેસ્ટ ઇન્ડીઝ અને ઇંગ્લેન્ડની મેચો પછી સંજુએ ફાઇનલમાં પણ શાનદાર ઇનિંગ રમી
ICC એ માર્ચ માટે પ્લેયર ઓફ ધ મન્થ માટે નામાંકિત ત્રણ ખેલાડીઓની જાહેરાત કરી છે. સંજુ સેમસન તેમાંથી પ્રથમ છે. T20 વર્લ્ડ કપ 2026 ફેબ્રુઆરીમાં શરૂ થયો હોવા છતાં સંજુનું સાચું ફોર્મ માર્ચમાં જોવા મળ્યું હતું. વેસ્ટ ઇન્ડીઝ સામેની જીતવા માટે મહત્વપૂર્ણ મેચમાં સંજુએ 97 રનની અણનમ ઇનિંગ રમી અને તેની ટીમને સેમિફાઇનલમાં લઈ જવામાં મુખ્ય ભૂમિકા ભજવી.
માર્ચ મહિનામાં સંજુનું પ્રભાવશાળી પ્રદર્શન
આ પછી ભારત અને ઇંગ્લેન્ડ વચ્ચેની સેમિફાઇનલ મેચમાં, સંજુએ ધમાકેદાર 89 રન બનાવ્યા. સંજુના બેટે ન્યૂઝીલેન્ડ સામેની ફાઇનલમાં પણ શાનદાર પ્રદર્શન કર્યું, ટાઇટલ મુકાબલામાં 89 રન બનાવ્યા. આમ, સંજુએ ICC ટુર્નામેન્ટના નોકઆઉટ તબક્કામાં સતત ત્રણ અડધી સદી ફટકારી. જેના કારણે સંજુને પ્લેયર ઓફ ધ ટુર્નામેન્ટનો એવોર્ડ મળ્યો. માર્ચ મહિનામાં જ સંજુએ 137.50 ની પ્રભાવશાળી સરેરાશ અને 199.27 ના સ્ટ્રાઇક રેટથી 275 રન બનાવ્યા.
જસપ્રીત બુમરાહ અને કોનર એસ્ટરહુઇઝન પણ નામાંકિત થયા
ફાસ્ટ બોલર જસપ્રીત બુમરાહ વિશે વાત કરીએ. તેને ICC દ્વારા પણ નામાંકિત કરવામાં આવ્યો છે. જસપ્રીત બુમરાહએ પણ ભારતની વર્લ્ડ કપ જીતમાં મહત્વપૂર્ણ ભૂમિકા ભજવી હતી. તેણે વેસ્ટ ઇન્ડીઝ સામેની મેચમાં બે વિકેટ લીધી હતી. ત્યારબાદ તેણે સેમિફાઇનલમાં શાનદાર બોલિંગ કરી એક વિકેટ લીધી. જોકે તેને વધારે વિકેટ મળી ન હતી, પરંતુ તેની બોલિંગ શાનદાર હતી. વર્લ્ડ કપ ફાઇનલમાં, બુમરાહે ચાર ઓવરમાં માત્ર 15 રન આપીને ચાર બેટ્સમેનોને આઉટ કર્યા હતા. આ બે ભારતીયો ઉપરાંત, ICC એ દક્ષિણ આફ્રિકાના કોનર એસ્ટરહુઈઝનને પણ સામેલ કર્યા છે, જેમણે માર્ચમાં પણ સારું પ્રદર્શન કર્યું હતું.
ટોપ સ્ટોરી
ટ્રેન્ડિંગ સમાચાર
