Team India Victory For Victims Of Pahalgam Terror Attack: ભારતે એશિયા કપ 2025ના લીગ સ્ટેજ મેચમાં પાકિસ્તાનને 7 વિકેટથી હરાવ્યું હતું. આ જીત બાદ ભારતીય ટીમના કેપ્ટન સૂર્યકુમાર યાદવે એક જોરદાર નિવેદન આપ્યું છે. સૂર્યકુમારે પાકિસ્તાન સામેની આ જીત પહલગામ આતંકવાદી હુમલાના પીડિતોને સમર્પિત કરી છે. આ સાથે સૂર્યાએ કહ્યું હતું કે આ જીત ભારતીય સેના માટે છે, જે આપણા દેશના પરાક્રમ અને બહાદુરીનું વર્ણન કરે છે. સૂર્યકુમાર યાદવે મેચ પછી કહ્યું હતું કે અમે પહલગામ આતંકવાદી હુમલાના પીડિતો સાથે મજબૂતીથી ઉભા છીએ.
સૂર્યકુમાર યાદવે સંયુક્ત આરબ અમીરાત (UAE) માં યોજાઈ રહેલા પાકિસ્તાન એશિયા કપ 2025 ને યોગ્ય જવાબ આપ્યો હતો. ભારતીય કેપ્ટન સૂર્યકુમાર યાદવે પાકિસ્તાન સામેની જીત પહલગામ આતંકવાદી હુમલાના પીડિતોને સમર્પિત કરીને પાકિસ્તાનને યોગ્ય જવાબ આપ્યો છે. સૂર્યકુમાર યાદવે ટોસ સમયે પણ પાકિસ્તાન ટીમના કેપ્ટન સલમાન અલી આગા સાથે હાથ મિલાવ્યા ન હતા. મેચ જીત્યા પછી પણ ભારતીય બેટ્સમેનોએ પાકિસ્તાની ખેલાડીઓ તરફ જોયું પણ નહીં અને હાથ મિલાવ્યા વિના ડ્રેસિંગ રૂમમાં પાછા ફર્યા હતા.
મેચ જીત્યા બાદ સૂર્યકુમાર યાદવે કહ્યું હતું કે 'અમે પહલગામ આતંકવાદી હુમલાના પીડિતો સાથે અમારી એકતા વ્યક્ત કરીએ છીએ. અમે આ વિજય ભારતીય સશસ્ત્ર દળોને સમર્પિત કરીએ છીએ, જેમણે હિંમત બતાવી છે. મને આશા છે કે તેઓ અમને આ રીતે પ્રેરણા આપતા રહેશે અને અમે હંમેશા તેમને મેદાન પરથી સ્મિત કરવાની તક આપીશું. જ્યારે પણ અમને તક મળશે, ત્યારે અમે તેમના ચહેરા પર ખુશી લાવીશું'. સૂર્યકુમાર યાદવે આ નિવેદન સાથે આતંકવાદ સામે ભારતની એકતાનું ઉદાહરણ રજૂ કર્યું છે.