Cricket News: મુંબઈ ઈન્ડિયન્સ ફ્રેન્ચાઈઝી વિદેશમાં પણ ઘણા પૈસા રોકાણ કરી રહી છે. થોડા અઠવાડિયા પહેલા, MI ફ્રેન્ચાઈઝીએ ધ હંડ્રેડ લીગની ઓવલ ઈન્વિન્સીબલ્સ ટીમમાં 49 ટકા હિસ્સો ખરીદ્યો હતો. હવે એક મીડિયા રિપોર્ટમાં ખુલાસો થયો છે કે ઓવલ ઈન્વિન્સીબલ્સ 'MI લંડન' તરીકે ઓળખાશે. આ નવું નામ આગામી સીઝનથી લાગુ કરવામાં આવશે. તમને જણાવી દઈએ કે ઓવલ ઈન્વિન્સીબલ્સ છઠ્ઠી ટીમ બની છે જેની માલિકી મુંબઈ ઈન્ડિયન્સ પાસે છે.
ધ ટેલિગ્રાફ અનુસાર, ધ હંડ્રેડ સીઝન 2026 પહેલા ઓવલ ઇન્વિન્સિબલ્સનું નામ બદલીને 'MI લંડન' કરવામાં આવશે. 2025 સીઝન શરૂ થાય તે પહેલાં, ધ હંડ્રેડ ટીમોમાં ઓછામાં ઓછા 49 ટકા હિસ્સા માટે બોલી લગાવવાની શરૂઆત થઈ હતી. આમાંથી, MI ફ્રેન્ચાઇઝીએ ઓવલ ઇન્વિન્સિબલ્સ ટીમ માટે બોલી લગાવી હતી, જેનું મૂલ્યાંકન 123 મિલિયન પાઉન્ડ હોવાનું કહેવાય છે. કારણ કે મુંબઈ ઇન્ડિયન્સે 49 ટકા હિસ્સો ખરીદ્યો છે, જેના માટે તેને 60 મિલિયન પાઉન્ડથી વધુ ચૂકવવા પડશે. જે ભારતીય ચલણમાં 700 કરોડ રૂપિયાથી વધુ હશે.
મુંબઈ ઈન્ડિયન્સ હવે ઓવલ ઈન્વિન્સીબલ્સમાં 49 ટકા હિસ્સો ધરાવે છે, બાકીના 51 ટકા હજુ પણ સરે કાઉન્ટી ક્લબ પાસે છે. ધ ટેલિગ્રાફના એક અહેવાલ મુજબ, સરે ઇચ્છતું હતું કે ઓવલ ઈન્વિન્સીબલ્સ તેનું નામ રાખે, તેમ છતાં, આગામી સીઝનથી ટીમનું નામ બદલીને MI લંડન કરવામાં આવશે.
મુંબઈ ઈન્ડિયન્સ પાસે કુલ 6 ટીમો છે મુંબઈ ઈન્ડિયન્સ ફ્રેન્ચાઇઝી પાસે હવે વિશ્વભરમાં કુલ 6 ટીમો છે. મુંબઈ ઈન્ડિયન્સ ટીમ BCCI દ્વારા સંચાલિત ઈન્ડિયન પ્રીમિયર લીગ (IPL) અને મહિલા પ્રીમિયર લીગ (WPL) માં રમે છે. અમેરિકાની મેજર લીગ ક્રિકેટ (MLC) માં મુંબઈ ઈન્ડિયન્સ MI ન્યૂ યોર્કની માલિકી ધરાવે છે. આ ઉપરાંત, દક્ષિણ આફ્રિકાની SA20 માં MI કેપ ટાઉન, ઇન્ટરનેશનલ લીગ T20 (ILT20) માં MI અમીરાત અને ઈંગ્લેન્ડની ધ હન્ડ્રેડ લીગમાં ઓવલ ઇન્વિન્સિબલ્સ, આ બધી MI ફ્રેન્ચાઇઝીની માલિકીની છે.