Shahid Afridi on Suryakumar Yadav: ટી20 વર્લ્ડકપ 2022માં સૂર્યકુમાર યાદવ (Suryakumar Yadav) પોતાની 360 ડિગ્રી બેટિંગ સ્ટાઇલથી ખુબ રન ફટકારી રહ્યો છે, તે પોતાના અતરંગી શૉટ્સથી વિપક્ષી ટીમોને હંફાવી રહ્યો છે, અને એટલુ જ નહીં વર્લ્ડકપમાં બેટિંગ કરવાના કારણે હવે તે આઇસીસી ટી20 બેટિંગ રેન્કિંગમાં નંબર વનની પૉઝિશનમાં આવી ગયો છે, તેને પાકિસ્તાનના ઓપનર બેટ્સમેન મોહમ્મદ રિઝવાનને પછાડીને આ સ્થાન હાંસલ કર્યુ છે. 


ટીમ ઇન્ડિયા અત્યારે આઇસીસી ટી20 વર્લ્ડકપ 2022ની સેમિ ફાઇનલમાં પહોંચી ચૂકી છે, અને આગામી દિવસમાં ઇંગ્લેન્ડ સામે સેમિ ફાઇનલ મેચ રમવાની છે. આ પહેલા સૂર્યાની બેટિંગની તમામ દિગ્ગજો પ્રસંશા કરી રહ્યાં છે, પહેલા રવિ શાસ્ત્રી, બેન સ્ટૉક્સથી લને રાહુલ દ્રવિડ તેની વર્લ્ડકપ ઇનિંગોની પ્રસંશી કરી ચૂક્યા છે, પરંતુ હવે પાકિસ્તાની દિગ્ગજ શાહિદ આફ્રિદી પણ તેના પર ફિદા થઇ ગયો છે, તેને એક પાકિસ્તાની ટીવી શૉમાં ચાલુ ડિબેટ દરમિયાન સૂર્યકુમાર યાદવની બેટિંગની ભરપુર પ્રસંશા કરી હતી. 


પાકિસ્તાનના બેટ્સમેન મોહમ્મદ રિઝવાન માટે ટી20 વર્લ્ડકપ 2022 અત્યાર સુધી ફ્લૉપ સાબિત થઇ રહ્યો છે, તેની બેટિંગમાં ધાર નથી જોવા મળી રહી. આવામાં પાકિસ્તાનમાં એક ટીવી ચેનલમાં ચાલુ ડિબેટમાં રિઝવાન અને સૂર્યકુમાર યાદવની બેટિંગની તુલના કરવામાં આવી રહી હતી. પાકિસ્તાની એન્કરે જ્યારે પૂર્વ પાક દિગ્ગજ શાહિદ આફ્રિદીને સવાલ કર્યો કે સૂર્યાની બેટિંગમાં તમને શું લાગી રહ્યું છે, રિઝવાને કંઇક શીખવુ જોઇએ કે નહીં ?


આ ડિટેબ પાકિસતાની ટીવી ચેનલ સમાં ટીવી પર ચાલી રહી હતી, સમાં ટીવી પર એન્કરને જવાબ આપતા શાહિદ આફ્રિદીએ કહ્યું કે, રિઝવાને સૂર્યાના શૉટથી શીખવુ જોઇએ. આફ્રિદીએ કહ્યું- સૂર્યકુમાર વિશે સૌથી ખાસ વાત એ છે કે, તે છોકરો 200-250 ઘરેલુ મેચો રમીને ટીમ ઇન્ડિયામાં આવ્યો છે, તે છોકરાને રમતની ખબર છે, તે જેટલા શૉટ ફટકારી રહ્યો છે, તેની તેને ખુબ પ્રેક્ટિસ કરી છે. તમારી પાસે જેટલી સ્કીલ્સ હશે, તમે તેટલા ઇમ્પેક્ટ પ્લેયર બની શકશો. સૂર્યાની જેમ મોહમ્મદ રિઝવાને નવા શૉટ ડેવલપ કરવા પડશે, આ ફોર્મેટ જ આવુ છે, હાલમાં સૂર્યા રિઝવાનથી ક્યાંક આગળ છે. 


સેમિ ફાઇનલ મેચ પહેલા બેન સ્ટૉક્સે પણ કરી સૂર્યકુમારની પ્રસંશા -
ઇંગ્લેન્ડના ઓલરાઉન્ડર ક્રિકેટર બેન સ્ટૉક્સે સેમિ ફાઇનલમાં ટીમ ઇન્ડિયા સામે મેચ પહેલા સૂર્યકુમાર યાદવની ભરપુર પ્રસંશા કરી છે, સ્ટૉક્સે કહ્યં- તેને ઝિમ્બાબ્વે વિરુદ્ધ જે શૉટ ફટકાર્યા છે, તેના પર હજુ પણ મને વિશ્વાસ નથી થઇ રહ્યો. બેન સ્ટૉક્સ ઇંગ્લેન્ડનો સક્સેસ ઓલરાઉન્ડર છે, તે એકલા હાથે મેચનું પાસુ પલટી નાંખવામાં સક્ષમ છે, અને તેનો દમખમ વિરોધી ટીમોએ જોયેલો છે. 


સૂર્યકુમારનુ ફોર્મ છે કમાલનું -
આઇસીસી ટી20 વર્લ્ડકપ 2022માં સૂર્યકુમાર યાદવ કમાલના ફોર્મમાં ચાલી રહ્યો છે, તેને અત્યાર સુધી રમેલી 5 મેચોમાં 3 ફિફ્ટી ફટકારી દીધી છે. વળી, તે વર્લ્ડકપમાં અત્યાર સુધી 225 રન બનાવી ચૂક્યો છે. આ દરમિયાન તેની એવરેજ 75 થી પણ વધુની રહી છે, વળી, તેને આ ટી20 વર્લ્ડકપમાં 193 થી પણ વધુની સ્ટ્રાઇકથી રન બનાવી રહ્યો છે. 


ઝિમ્બાબ્વે વિરુદ્ધ કરી હતી 360 ડિગ્રી સ્ટાઇલમાં બેટિંગ - 
ઝિમ્બાબ્વે વિરુદ્ધ મેલબૉર્ન ક્રિકેટ ગ્રાઉન્ડમાં ભારતના સ્ટાર બેટ્સમેન સૂર્યકુમાર યાદવે પોતાના બેટથી તોફાન મચાવી દીધુ હતુ. તેને આ મેચમાં 25 બૉલ પર 61 રનોની તાબડતોડ ઇનિંગ રમી હતી, તેને પોતાની ઇનિંગમાં 6 ચોગ્ગા અને 4 છગ્ગા ફટકાર્યા હતા. 


ટી20 વર્લ્ડકપ 2022માં સૂર્યાની ધમાલ  -


પહેલી મેચ, ભારત વિરુદ્ધ પાકિસ્તાન – 15 રન 10 બૉલ


બીજી મેચ, ભારત વિરુદ્ધ નેધરલેન્ડ્સ – 51 રન 25 બૉલ


ત્રીજી મેચ, ભારત વિરુદ્ધ દક્ષિણ આફ્રિકા – 68 રન 40 બૉલ


ચોથી મેચ, ભારત વિરુદ્ધ બાંગ્લાદેશ – 30 રન 16 બૉલ


પાંચમી મેચ, ભારત વિરુદ્ધ ઝિમ્બાબ્વે – 61 રન 25 બૉલ