"તને ખુલ્લો પાડીને..." 3 વખત શૂન્ય પર આઉટ થયેલા અભિષેક શર્મા વિશે આ શું બોલી ગયો પૂર્વ પાકિસ્તાની ખેલાડી
T20 World Cup 2026: મોહમ્મદ આમિરે વિશ્વના નંબર વન T20 બેટ્સમેન અભિષેક શર્માને ફક્ત એક સ્લોગર ગણાવ્યો હતો. આ નિવેદનની વ્યાપક ટીકા થઈ હતી, અને હવે તેણે અભિષેક વિશે બીજું નિવેદન આપ્યું છે.
T20 World Cup 2026: પાકિસ્તાનના પૂર્વ ખેલાડી મોહમ્મદ આમિરે અભિષેક શર્માને લઈને અગાઉ કહ્યું હતું કે તે માત્ર એક 'સ્લોગર' છે. આ નિવેદનની ઘણી ટીકા થઈ હતી કારણ કે અભિષેક દુનિયાનો નંબર-1 T20 બેટ્સમેન છે. જોકે, આ ટૂર્નામેન્ટમાં અભિષેકનું બેટ હજુ સુધી ચાલ્યું નથી. 3 ઇનિંગ્સ પછી પણ તેનું ખાતું ખુલ્યું નથી. હવે આમિરે અભિષેક વિશે વધુ એક નિવેદન આપ્યું છે અને ભારતીય બેટ્સમેનને એક સલાહ આપી છે.
અભિષેક શર્મા T20 વર્લ્ડ કપમાં પાકિસ્તાન સામે શૂન્ય રને આઉટ થયો હતો. આ ટૂર્નામેન્ટની પ્રથમ મેચમાં પણ તે ખાતું ખોલી શક્યો નહોતો અને નેધરલેન્ડ સામે પણ શૂન્ય રને આઉટ થયો હતો. અભિષેકના નામે એક શરમજનક રેકોર્ડ પણ નોંધાયો છે, તે T20 વર્લ્ડ કપના ઇતિહાસમાં સૌથી વધુ વખત શૂન્ય રને આઉટ થનાર ભારતીય બેટ્સમેન બની ગયો છે. તેણે આશિષ નેહરાની બરાબરી કરી છે. મોહમ્મદ આમિરનું માનવું છે કે અભિષેક દરેક બોલને પોતાના 'કમ્ફર્ટ ઝોન'માં ઈચ્છે છે. તેણે દરેક બોલ પર બાઉન્ડ્રી મારવાનો પ્રયાસ ન કરવાની સલાહ આપી છે.
અભિષેક શર્મા વિશે આમિરે શું કહ્યું?
જીયો ન્યૂઝ પર મોહમ્મદ આમિરે કહ્યું, "જ્યારે સઈમ અયુબે થોડા સમય પહેલા પાકિસ્તાન સુપર લીગમાં શરૂઆત કરી હતી, ત્યારે તેની સાથે પણ આ જ સમસ્યા હતી. તે ટીમમાં નવો આવ્યો હતો અને દરેક બોલ પર જોયા વગર શોટ મારી રહ્યો હતો. કોઈ તેની નબળાઈ જાણતું નહોતું, કારણ કે તેના મોટાભાગના શોટ્સ લેગ સાઈડ પર હતા. આવી સ્થિતિમાં, જો તમે ત્રીજા કે ચોથા સ્ટમ્પ પર બોલિંગ કરો છો તો તેમને તકલીફ થાય છે. તેની છેલ્લી મેચોમાં પણ તે ઓફ સાઈડ પર રમવાના પ્રયાસમાં આઉટ થયો હતો. જ્યાં સુધી તે તેની ઓફ સાઈડની રમત સુધારશે નહીં, ત્યાં સુધી તે આગળ વધી શકશે નહીં. મોટા બોલરો હંમેશા તમારી નબળાઈ જોશે અને તમારા કમ્ફર્ટ ઝોનથી બહાર બોલ નાખશે."
આમિરે આગળ ઉમેર્યું, "અભિષેક શર્મા માટે પણ એવું જ છે. તે દરેક બોલને પોતાના 'સ્લોટ'માં ઈચ્છે છે, જેથી તે તેને ફટકારી શકે. પરંતુ ક્રિકેટના સર્વોચ્ચ લેવલ પર, અથવા વનડે (ODI) માં તમે દરેક બોલ પર 'લપ્પા' (જોરથી બેટ ફેરવવું) મારી શકતા નથી. સલમાન અલી આગા અને આર્યન દત્તે તેને આ જ રીતે આઉટ કર્યો હતો. ઇન્ટરનેશનલ ક્રિકેટ તમારી નબળાઈઓને જગજાહેર (Expose) કરી દેશે."
ટોપ સ્ટોરી
ટ્રેન્ડિંગ સમાચાર
