T20 વર્લ્ડ કપ ક્લોઝિંગ સેરેમનીમાં ગ્લોબલ સ્ટાર મચાવશે ધમાલ, ગરબા ક્વિન ફાલ્ગુની પાઠક પણ આપશે પર્ફોમન્સ
T20 World Cup 2026 Closing Ceremony: ટી20 વર્લ્ડ કપ ફાઇનલ પહેલા અમદાવાદના નરેન્દ્ર મોદી સ્ટેડિયમ ખાતે સમાપન સમારોહ યોજાશે.
T20 World Cup 2026 Closing Ceremony: ટી20 વર્લ્ડ કપ 2026 ની ફાઈનલ 08 માર્ચ, રવિવારના રોજ અમદાવાદના નરેન્દ્ર મોદી સ્ટેડિયમમાં ભારત અને ન્યુઝીલેન્ડ વચ્ચે રમાશે. મુકાબલા પહેલા ટૂર્નામેન્ટની 'ક્લોઝિંગ સેરેમની' એટલે કે સમાપન સમારોહનું આયોજન થશે, જેમાં ઇન્ટરનેશનલ સ્ટાર્સ પણ પોતાનો જલવો વિખેરતા જોવા મળશે. ઇન્ટરનેશનલ ક્રિકેટ કાઉન્સિલ એટલે કે ICC એ ક્લોઝિંગ સેરેમનીમાં પર્ફોર્મ કરનારા કલાકારોની યાદી જાહેર કરી છે, જેમાં ઇન્ટરનેશનલ પોપ સિંગર રિકી માર્ટિનનું નામ પણ સામેલ છે.
ICC એ આપ્યું અપડેટ
ICC દ્વારા જાહેર કરવામાં આવેલા અપડેટમાં રિકી માર્ટિન સહિત ત્રણ સિંગર્સના નામ સામેલ છે. બાકીના બે નામ ભારતીય સિંગર્સ સુખબીર અને ફાલ્ગુની પાઠકનું છે. ICC એ પોસ્ટ કરીને કેપ્શનમાં લખ્યું, "મંચ વધુ મોટું થઈ રહ્યું છે! T20 વર્લ્ડ કપ ફાઈનલ પહેલા ક્લોઝિંગ સેરેમનીમાં ગ્લોબલ સુપરસ્ટાર રિકી માર્ટિન સાથે સંગીતના દિગ્ગજ સુખબીર અને ફાલ્ગુની પાઠક પણ સામેલ થશે! ક્રિકેટની સૌથી મોટી રાત્રે આ દિગ્ગજ કલાકારો પોતાનો જલવો વિખેરવાના છે, તેથી ગ્લોબલ હિટ ગીતો અને દેશી ગીતો માટે તૈયાર થઈ જાઓ".
🎤 The stage keeps getting bigger!
— ICC (@ICC) March 7, 2026
Joining Global Superstar Ricky Martin at the Closing Ceremony before the #T20WorldCup Final are music icons Sukhbir and Falguni Pathak!
Get ready for global hits and desi anthems as these legendary artists light up the biggest night in cricket.… pic.twitter.com/8kMK7yg31b
કેટલા વાગ્યે શરૂ થશે ક્લોઝિંગ સેરેમની
અમદાવાદના નરેન્દ્ર મોદી સ્ટેડિયમમાં ફાઈનલ મુકાબલાની શરૂઆત સાંજે 7 વાગ્યાથી થશે. તેની પહેલા 5:30 વાગ્યાથી ક્લોઝિંગ સેરેમની શરૂ થશે, જેમાં ત્રણેય સિંગર્સનું પર્ફોર્મન્સ જોવા મળશે.
ઇંગ્લેન્ડને હરાવીને ફાઈનલમાં પહોંચ્યું ભારત
નોંધનીય છે કે સૂર્યકુમાર યાદવની કેપ્ટનશીપવાળી ટીમ ઇન્ડિયાએ સેમીફાઈનલમાં ઇંગ્લેન્ડને 7 રનથી હરાવીને જીત મેળવી. મુંબઈના વાનખેડે સ્ટેડિયમમાં રમાયેલો મુકાબલો રોમાંચક રહ્યો હતો. હવે ફાઈનલમાં ભારત અને ન્યુઝીલેન્ડની ટીમો આમને-સામને હશે. ભારતીય ટીમ સતત બીજી વાર T20 વર્લ્ડ કપની ફાઈનલમાં પહોંચી છે. ગયા એટલે કે 2024 ના T20 વર્લ્ડ કપમાં ટીમ ઇન્ડિયાએ રોહિત શર્માની કેપ્ટનશીપમાં ખિતાબ પોતાના નામે કર્યો હતો. હવે જોવું રસપ્રદ રહેશે કે આ વખતે ભારતીય ટીમ કેવું પ્રદર્શન કરે છે.
ટોપ સ્ટોરી
ટ્રેન્ડિંગ સમાચાર
