Team India: હેડ કોચ ગૌતમ ગંભીરના ઘરે ડિનર માટે પહોંચી ટીમ ઈન્ડિયા, પત્ની નતાશા સાથે ખેલાડીઓનું કર્યું સ્વાગત
Team India Arrived At Head Coach Gautam Gambhir Delhi House For Dinner:
Team India Arrived At Head Coach Gautam Gambhir Delhi House For Dinner: ટીમ ઈન્ડિયાના મુખ્ય કોચ ગૌતમ ગંભીરે 8 ફેબ્રુઆરી, રવિવારના રોજ તેમના દિલ્હી નિવાસસ્થાને ભારતીય ક્રિકેટ ટીમ માટે ખાસ ડિનરનું આયોજન કર્યું હતું. આ ડિનર 12 ફેબ્રુઆરીએ નવી દિલ્હીના અરુણ જેટલી સ્ટેડિયમ ખાતે નામિબિયા સામેની ICC મેન્સ T20 વર્લ્ડ કપ મેચ પહેલા યોજાયું હતું. ભારતીય ક્રિકેટ કંટ્રોલ બોર્ડ (BCCI) ના ઉપાધ્યક્ષ રાજીવ શુક્લા પણ ગૌતમના નિવાસસ્થાને પહોંચ્યા હતા. 7 ફેબ્રુઆરીના રોજ મુંબઈના વાનખેડે સ્ટેડિયમ ખાતે ડિફેન્ડિંગ ચેમ્પિયન ભારતે અમેરિકા સામેની પોતાની પહેલી ગ્રુપ સ્ટેજ મેચ 29 રનથી જીતી હતી. ગૌતમ ગંભીરે તેની પત્ની નતાશા અને બાળકો સાથે ભારતીય ટીમના ખેલાડીઓ અને સપોર્ટ સ્ટાફનું સ્વાગત કર્યું હતું.
#WATCH | Members of the Indian T20 cricket team arrive at the residence of Indian Cricket Team Head Coach Gautam Gambhir in Delhi.
— ANI (@ANI) February 8, 2026
Gautam Gambhir is hosting a special dinner for the team https://t.co/VQ2symRZ2M pic.twitter.com/tXgiuAwN6D
ટીમ ઈન્ડિયાએ T20 વર્લ્ડ કપની શરૂઆત જીત સાથે કરી
ટીમ ઈન્ડિયાએ ICC T20 વર્લ્ડ કપ 2026ની શરૂઆત જીત સાથે કરી હતી. ટીમ ઈન્ડિયાએ અમેરિકા સામેની પોતાની પહેલી મેચ 29 રનથી જીતી હતી. આ મેચ મુંબઈના વાનખેડે સ્ટેડિયમમાં રમાઈ હતી. ટોસ હાર્યા બાદ ભારતીય ટીમે પહેલા બેટિંગ કરી હતી. ટીમ ઈન્ડિયાનો ટોપ ઓર્ડર અમેરિકન બોલરો સામે નિષ્ફળ ગયો. બાદમાં સૂર્યકુમાર યાદવે શાનદાર ઇનિંગ્સ રમીને ભારતને સન્માનજનક સ્કોર સુધી પહોંચાડ્યું હતું.
ટીમ ઈન્ડિયાનો આગામી મેચ નામિબિયા સામે
ટી20 વર્લ્ડ કપ 2026 ગ્રુપ સ્ટેજની પહેલી મેચ જીત્યા બાદ ડિફેન્ડિંગ ચેમ્પિયન ટીમ ઈન્ડિયા 12 ફેબ્રુઆરીએ દિલ્હીના અરુણ જેટલી સ્ટેડિયમમાં નામિબિયા સામે ટકરાશે. ત્યારબાદ ભારત પાકિસ્તાનનો સામનો કરવા માટે કોલંબો જશે. જોકે, પાકિસ્તાને 15 ફેબ્રુઆરીના મેચનો બહિષ્કાર કરવાનો નિર્ણય લીધો છે, પરંતુ ટીમ ઈન્ડિયા શ્રીલંકા જશે. ભારત 18 ફેબ્રુઆરીએ અમદાવાદમાં નેધરલેન્ડ્સ સામે તેની છેલ્લી લીગ સ્ટેજ મેચ રમશે.
ટી20 વર્લ્ડ કપ 2026 માટે ટીમ ઈન્ડિયાની ટીમ
સૂર્યકુમાર યાદવ (કેપ્ટન), અભિષેક શર્મા, તિલક વર્મા, સંજુ સેમસન, શિવમ દુબે, ઈશાન કિશન, હાર્દિક પંડ્યા, અર્શદીપ સિંહ, જસપ્રીત બુમરાહ, મોહમ્મદ સિરાજ, વરુણ ચક્રવર્તી, કુલદીપ યાદવ, અક્ષર પટેલ, વોશિંગ્ટન સુંદર અને રિંકુ સિંહ.
ટોપ સ્ટોરી
ટ્રેન્ડિંગ સમાચાર
