SRH vs LSG: આજે લખનૌ અને હૈદરાબાદ વચ્ચે ટક્કર; જુઓ બન્નેની સંભવિત પ્લેઈંગ ઈલેવન, પિચ રિપોર્ટ અને મેચ પ્રિડિક્શન

SRH vs LSG Playing 11: આજે IPL 2026 માં સનરાઇઝર્સ હૈદરાબાદ અને લખનૌ સુપર જાયન્ટ્સ ટકરાશે. આજે બંને ટીમો વચ્ચે હાઇ-સ્કોરિંગ મુકાબલો થશે તેવી અપેક્ષા છે.

આઈપીએલ 2026

Source : social media

SRH vs LSG Playing 11: IPL 2026 ટૂર્નામેન્ટની 10મી મેચ આજે સનરાઈઝર્સ હૈદરાબાદ (SRH) અને લખનૌ સુપર જાયન્ટ્સ (LSG) વચ્ચે રમાશે. આ મુકાબલો હૈદરાબાદના રાજીવ ગાંધી ઇન્ટરનેશનલ ક્રિકેટ સ્ટેડિયમમાં યોજાવાનો છે. LSGની ટીમ પોતાની પ્રથમ મેચ હારીને આવી રહી છે, જ્યારે બીજી તરફ હૈદરાબાદને પાછલા મુકાબલામાં કોલકાતા નાઈટ રાઈડર્સ પર 65 રનની મોટી જીત મળી હતી.

ઈશાન કિશનથી લઈને ઋષભ પંત, મોહમ્મદ શમી, અભિષેક શર્મા અને ટ્રેવિસ હેડ જેવા સ્ટાર ખેલાડીઓ પર સૌની નજર ટકેલી હશે. બંને ટીમો પાસે મજબૂત બેટિંગ લાઇન-અપ છે, તેથી હૈદરાબાદમાં આજે હાઈ-સ્કોરિંગ મેચ જોવા મળે તો નવાઈ નહીં હોય.

કેપ્ટન પેટ કમિન્સ બહાર, ઈશાન કિશન સંભાળશે કમાન

હૈદરાબાદ ટીમના નિયમિત કેપ્ટન પેટ કમિન્સ કમરની ઈજાથી ઝઝૂમી રહ્યા છે. તેઓ તપાસ માટે ઓસ્ટ્રેલિયા પરત ફર્યા છે અને અહેવાલો મુજબ 17 એપ્રિલે ટીમમાં પરત જોડાશે. તેથી કમિન્સ આજે LSG સામે રમી શકશે નહીં. તેમની ગેરહાજરીમાં ઈશાન કિશન ટીમની કેપ્ટનશીપ કરશે. બીજી તરફ, લખનૌની ટીમ ઓપનિંગ કોમ્બિનેશનમાં ફેરફાર કરી શકે છે અને મિશેલ માર્શ સાથે એડન માર્કરમને મેદાનમાં ઉતારી શકે છે.

કેવો હશે પિચનો મિજાજ?

હૈદરાબાદની પિચ પર સામાન્ય રીતે સારો બાઉન્સ હોય છે, જેનાથી બેટ્સમેનોને શોટ રમવામાં સરળતા રહે છે. આ મેચ બપોરના સમયે રમાશે, તેથી 'ડ્યુ' (ઝાકળ) નો કોઈ રોલ નહીં હોય. અહીં પ્રથમ દાવમાં સરેરાશ સ્કોર 200 રનથી વધુ છે. અહીં ચેઝ કરનારી ટીમની જીતની ટકાવારી 56.63% છે, તેથી ટોસ જીતનાર ટીમ પહેલા બોલિંગ કરવાનું પસંદ કરી શકે છે.

હેડ ટુ હેડ રેકોર્ડ

 IPL માં લખનૌ અને હૈદરાબાદ વચ્ચે કુલ 6 વખત ટક્કર થઈ છે, જેમાં 4 વખત લખનૌ અને માત્ર 2 વખત હૈદરાબાદની ટીમ જીતી છે. જોકે, હૈદરાબાદના આ મેદાન પર રમાયેલી 3 મેચોમાંથી 2 વાર LSG એ હૈદરાબાદને તેના જ ઘરમાં હરાવ્યું છે.

સંભવિત પ્લેઈંગ ઈલેવન:

• SRH: ટ્રેવિસ હેડ, અભિષેક શર્મા, ઈશાન કિશન (કેપ્ટન અને વિકેટકીપર), હેનરિક ક્લાસેન, નીતિશ કુમાર રેડ્ડી, અનિકેત વર્મા, સલિલ અરોરા, હર્ષ દુબે, હર્ષલ પટેલ, જયદેવ ઉનડકટ, ઈશાન મલિંગા.

• LSG: મિશેલ માર્શ, એડન માર્કરમ, ઋષભ પંત (કેપ્ટન અને વિકેટકીપર), નિકોલસ પૂરન, આયુષ બદોની, અબ્દુલ સમદ, શાહબાઝ અહમદ, એનરિક નોર્ટજે, મોહમ્મદ શમી, પ્રિન્સ યાદવ, મોહસિન ખાન.

આ પણ વાંચો

Who is Ashok Sharma: કોણ છે અશોક શર્મા? જેણે IPL 2026 માં 154.2 કિમીની ઝડપે બોલ ફેંકીને સૌને ચોંકાવ્યા

GT vs RR: છેલ્લા બોલ સુધી ચાલેલા રોમાંચક મુકાબલામાં રાજસ્થાનની શાનદાર જીત, પોતાના જ ઘરમાં હાર્યું ગુજરાત!