6,6,6,6,6... IPL 2026 પહેલા વૈભવ સૂર્યવંશીની વિસ્ફોટક બેટિંગ, 14 બોલમાં ફટકારી ફિફ્ટી
Vaibhav Suryavanshi 14 Balls Fifty: આગામી IPL સીઝન પહેલા વૈભવ સૂર્યવંશીએ 14 બોલમાં ફિફ્ટી ફટકારીને પોતાનું પ્રભાવશાળી ફોર્મ દર્શાવ્યું છે.
Vaibhav Suryavanshi 14 Balls Fifty DY Patil T20 Cup: આઈપીએલ 2026 પહેલા વૈભવ સૂર્યવંશી ફરી એકવાર શાનદાર ફોર્મમાં જોવા મળી રહ્યો છે. વૈભવે હાલમાં રમાઈ રહેલી DY પાટિલ T20 ટૂર્નામેન્ટમાં આ કમાલ કરી બતાવી છે. તમને જણાવી દઈએ કે વૈભવે માત્ર 14 બોલમાં અડધી સદી પૂરી કરી હતી. તેના બેટથી આ ઇનિંગ રન ચેઝ દરમિયાન આવી હતી. વૈભવનું આ ફોર્મ રાજસ્થાન રોયલ્સ માટે મોટા સમાચાર છે.
14 ball 50 for Vaibhav Suryavanshi 👀 against the Indian Navy in the DY PATIL T20 CUP pic.twitter.com/KAcl0UOJ3V
— Rithik Rajeev Yadav (@Rithikdb5) February 26, 2026
DY પાટિલ બ્લૂ તરફથી રમતા વૈભવે ઇન્ડિયન નેવી સામેની મેચમાં ધમાકો કર્યો હતો. આ યુવા બેટ્સમેને 19 બોલમાં 331.58 ના તોફાની સ્ટ્રાઈક રેટથી 63 રનની ઇનિંગ રમી હતી. આ દરમિયાન તેના બેટથી 7 ચોગ્ગા અને 5 છગ્ગા નીકળ્યા હતા. ઉલ્લેખનીય છે કે, શરૂઆતી 12 બોલમાં જ વૈભવ 43 રનના સ્કોર પર પહોંચી ગયો હતો. ત્યારબાદ તેણે છગ્ગો અને ચોગ્ગો ફટકારીને પોતાની અડધી સદી પૂરી કરી હતી.
વૈભવની ટીમે જીતી મેચ
મેચની વાત કરીએ તો, પ્રથમ બેટિંગ કરવા ઉતરેલી ઇન્ડિયન નેવીની ટીમે 20 ઓવરમાં 219/4 રન બોર્ડ પર લગાવ્યા હતા. ટીમ માટે ઓપનર કુંવર પાઠકે સૌથી મોટી ઇનિંગ રમતા 53 બોલમાં 11 ચોગ્ગા અને 3 છગ્ગાની મદદથી 87 રન બનાવ્યા હતા. આ ઉપરાંત પાંચમા નંબરે ઉતરેલા નીતિન તનવરે 57 રનની ઇનિંગ રમી હતી.
ત્યારબાદ રન ચેઝ માટે ઉતરેલી વૈભવ સૂર્યવંશીની ટીમ DY પાટિલ બ્લૂએ 5 બોલ બાકી રહેતા એટલે કે 19.1 ઓવરમાં 225/5 રન બનાવીને જીત મેળવી લીધી હતી. ટીમ માટે વૈભવ ઉપરાંત અર્જુન તેંડુલકરે પણ શાનદાર ઇનિંગ રમી હતી. અર્જુને 29 બોલમાં 7 ચોગ્ગા અને 2 છગ્ગાની મદદથી 55 રન બનાવ્યા હતા.
IPL માં 35 બોલમાં સદી ફટકારીને લૂંટી હતી વાહવાહી
આ કોઈ પ્રથમ વખત નથી જ્યારે વૈભવે પોતાની આક્રમક ઇનિંગથી બધાનું ધ્યાન ખેંચ્યું હોય. 2025 ની IPL માં વૈભવે માત્ર 35 બોલમાં સદી પૂરી કરીને ક્રિકેટ જગતને ચોંકાવી દીધું હતું. આ સાથે તે IPL ના ઇતિહાસમાં સૌથી ઝડપી સદી ફટકારનાર ભારતીય બેટ્સમેન બની ગયો હતો. IPL માં તોફાની સદી ફટકારતી વખતે વૈભવની ઉંમર 14 વર્ષ 32 દિવસની હતી.
ટોપ સ્ટોરી
ટ્રેન્ડિંગ સમાચાર
