આઉટ કે નોટ આઉટ? વૈભવ સૂર્યવંશીના વિવાદિત કેચ પર મચ્યો હોબાળો, જુઓ વાયરલ વિડીયો
vaibhav suryavanshi catch video: ભારત A ટીમે અફઘાનિસ્તાન A ને 101 રનથી હરાવી ફાઇનલમાં એન્ટ્રી કરી, પરંતુ 15 વર્ષીય વૈભવ સૂર્યવંશીના શાનદાર કેચ પર કોમેન્ટેટરે ઉઠાવ્યા મોટા સવાલ.
- ભારત A એ અફઘાનિસ્તાન A ને હરાવી ફાઇનલમાં પહોંચ્યું.
- વૈભવ સૂર્યવંશીના ડાઇવિંગ કેચથી 'આઉટ-નોટ આઉટ' વિવાદ સર્જાયો.
- કેચ બે પ્રયાસમાં પકડાયો, જમીનને અડવાનો સંદેહ હતો.
vaibhav suryavanshi catch video: બુધવારે (17 જૂન) રમાયેલી ત્રિકોણીય શ્રેણીની મેચમાં ભારત A ટીમે અફઘાનિસ્તાન A ને 101 રનથી હરાવીને શાનદાર રીતે ફાઇનલમાં પોતાની જગ્યા પાકી કરી લીધી છે. આ મેચમાં ભલે ભારતની જોરદાર જીતની ચર્ચા થઈ રહી હોય, પરંતુ સૌથી વધુ ધ્યાન 15 વર્ષીય યુવા ભારતીય ખેલાડી વૈભવ સૂર્યવંશીએ પકડેલા એક ડાઇવિંગ કેચે ખેંચ્યું છે. આ કેચને લઈને અત્યારે 'આઉટ કે નોટ આઉટ' નો મોટો વિવાદ ઊભો થયો છે, જેના પર લાઈવ મેચમાં કોમેન્ટેટરે પણ સવાલો ઉઠાવ્યા હતા. ચાલો જાણીએ આ સમગ્ર વિવાદ, મેચની વિગતો અને વૈભવના પ્રદર્શન વિશે.
શું હતો કેચનો વિવાદ?
મેચ દરમિયાન અફઘાનિસ્તાન A ની બેટિંગ વખતે વૈભવ સૂર્યવંશીએ હવામાં છલાંગ લગાવીને એક અદભુત કેચ પકડ્યો હતો. વૈભવે આ કેચ એક વારમાં નહીં પણ બે વારમાં પકડ્યો હતો. રિપ્લેમાં જોવા મળ્યું કે, બોલ પહેલા તેના હાથમાં આવ્યો અને પછી છટકી ગયો, ત્યારબાદ તેને ફરી પકડવા માટે વૈભવે લાંબી ડાઇવ લગાવી હતી. આ જ સમયે કોમેન્ટેટરે શંકા વ્યક્ત કરતા કહ્યું કે આ 'હાફ કેચ' (અડધો કેચ) હોઈ શકે છે, એટલે કે ડાઇવ મારતી વખતે બોલ જમીનને અડી ગયો હોય તેવું લાગી રહ્યું હતું. જોકે, વૈભવનો આ પ્રયાસ જોવામાં ખૂબ જ શાનદાર હતો અને અમ્પાયરે પણ તેને યોગ્ય માનીને અફઘાન ખેલાડીને આઉટ જાહેર કર્યો હતો.
ભારત A નો શાનદાર વિજય
મેચના પરિણામની વાત કરીએ તો, પ્રથમ બેટિંગ કરતા ભારત A ટીમે 50 ઓવરમાં 9 વિકેટના નુકસાને 319 રનનો વિશાળ સ્કોર ખડકી દીધો હતો. મોટા ટાર્ગેટનો પીછો કરવા ઉતરેલી અફઘાનિસ્તાન A ની ટીમ 36.5 ઓવરમાં માત્ર 218 રન બનાવીને જ ઓલઆઉટ થઈ ગઈ હતી. 101 રનની આ મોટી જીત સાથે ટીમ ઈન્ડિયાએ સિરીઝની ફાઇનલમાં પ્રવેશ કરી લીધો છે.
આ પણ વાંચોઃ IND A vs AFG A: ભારતે અફઘાનિસ્તાનને 101 રનથી હરાવ્યું, ફાઇનલમાં પહોંચવાની આશા જીવંત
સિરીઝમાં વૈભવનું બેટ રહ્યું શાંત
ભલે વૈભવે ફિલ્ડિંગમાં કમાલ કરી હોય અને ચર્ચામાં રહ્યો હોય, પરંતુ આ સિરીઝમાં તેનું બેટ એકદમ શાંત જોવા મળ્યું છે. તેણે અત્યાર સુધી રમેલી 4 મેચમાં અનુક્રમે 14, 44, 21 અને 38 રન જ બનાવ્યા છે. એટલે કે 4 મેચમાં તેના નામે કુલ માત્ર 117 રન જ નોંધાયા છે.
A VAIBHAV SOORYAVANSHI STUNNER. 🥶 pic.twitter.com/OS7SP2X83A
— Mufaddal Vohra (@mufaddal_vohra) June 17, 2026
Unreal catch from Vaibhav Sooryavanshi 🥶 #indvsslA #vaibhav pic.twitter.com/F9oaCjZJ0D
— Arman Cricket Updates (@arman7590) June 17, 2026
અત્રે ઉલ્લેખનીય છે કે, IPL 2026 માં વૈભવ સૂર્યવંશીએ પોતાની વિસ્ફોટક બેટિંગથી ધૂમ મચાવી દીધી હતી. રાજસ્થાન રોયલ્સ તરફથી રમતા તેણે 16 મેચની 16 ઇનિંગ્સમાં 48.50 ની શાનદાર સરેરાશ અને 237.30 ના ખતરનાક સ્ટ્રાઇક રેટથી 776 રન બનાવીને ઓરેન્જ કેપ પોતાના નામે કરી હતી. આ ટૂર્નામેન્ટ દરમિયાન તેના બેટમાંથી 1 સદી અને 5 અડધી સદી પણ નીકળી હતી.
આ પણ વાંચોઃ શ્રીલંકન ખેલાડીઓ સાથે બાખડનારા વૈભવ સૂર્યવંશી પર શું પ્રતિબંધ લાગશે? જાણો ICC નો નિયમ
ટોપ સ્ટોરી
ટ્રેન્ડિંગ સમાચાર
