IND A vs SL A: સુપર ઓવરમાં હાર બાદ મેદાન પર ભયંકર બબાલ, આખી ટીમ સામે એકલો લડ્યો વૈભવ! જુઓ વીડિયો

ઇન્ડિયા A અને શ્રીલંકા A વચ્ચે રમાયેલી રોમાંચક મેચ સુપર ઓવરમાં ટાઇ થયા બાદ હાર મળતા મેદાન પર જ ખેલાડીઓ વચ્ચે ઉગ્ર ધક્કામુક્કી અને બોલાચાલી થઈ ગઈ.

vaibhav suryavanshi fight video india vs sri lanka super over cricket

Source : Social Media

Show Quick Read

Key points generated by AI, verified by newsroom

• ઇન્ડિયા A, શ્રીલંકા A ખેલાડીઓ વચ્ચે મેદાન પર બોલાચાલી.
• વૈભવ સૂર્યવંશી, શેડગે શ્રીલંકન ખેલાડીઓ સાથે ધક્કામુક્કીમાં સામેલ.
• સુપર ઓવરમાં હાર બાદ પેવેલિયન જતા વિવાદ સર્જાયો.

Vaibhav Suryavanshi fight video: ઇન્ડિયા A અને શ્રીલંકા A વચ્ચે રમાયેલી રોમાંચક ક્રિકેટ મેચમાં હાર-જીત કરતાં પણ વધુ મેદાન પર થયેલો એક હાઇવોલ્ટેજ ડ્રામા અત્યારે ભારે ચર્ચામાં છે. ટ્રૉય સિરીઝની 4થી મેચમાં તિલક વર્માના નેતૃત્વવાળી ઇન્ડિયા A ટીમ સુપર ઓવરમાં શ્રીલંકા સામે હારી ગઈ હતી. પરંતુ આ હાર પછી પેવેલિયન પરત ફરતી વખતે ભારતીય યુવા બેટ્સમેન વૈભવ સૂર્યવંશી આખી શ્રીલંકન ટીમ સામે એકલો લડી પડ્યો હતો. સોશિયલ મીડિયા પર આ ઘટનાનો એક વીડિયો ખૂબ જ ઝડપથી વાયરલ થઈ રહ્યો છે, જેમાં બંને ટીમના ખેલાડીઓ વચ્ચે ઉગ્ર બોલાચાલી અને ધક્કામુક્કી થતી જોવા મળી રહી છે. આ વીડિયોએ અત્યારે ક્રિકેટ ફેન્સના હોશ ઉડાવી દીધા છે.

હાર પછી મેદાન પર જ જામી પડી ઉગ્ર લડાઈ

વાયરલ થઈ રહેલા આ વીડિયોમાં જોઈ શકાય છે કે સુપર ઓવરમાં શ્રીલંકાની જીત બાદ જ્યારે બધા ખેલાડીઓ મેદાનની બહાર જઈ રહ્યા હતા, ત્યારે આ વિવાદ શરૂ થયો હતો. સુપર ઓવરમાં બેટિંગ કરવા ઉતરેલા વૈભવ સૂર્યવંશી અને સૂર્યાંશ શેડગે નિરાશ થઈને પેવેલિયન તરફ પાછા ફરી રહ્યા હતા, ત્યારે શ્રીલંકન ખેલાડીઓ સાથે તેમની કોઈ વાતને લઈને ટક્કર થઈ ગઈ. જોતજોતામાં વાત એટલી વધી ગઈ કે બંને પક્ષો વચ્ચે ઉગ્ર દલીલો અને ધક્કામુક્કી શરૂ થઈ ગઈ. આ દરમિયાન સૂર્યાંશ શેડગે પણ ગુસ્સામાં હવામાં બેટ ઉંચું કરીને શ્રીલંકાના ખેલાડીઓને કંઈક કહેતો નજરે પડ્યો હતો. જોકે, શ્રીલંકાના કેટલાક સીનિયર ખેલાડીઓએ વચ્ચે પડીને મામલો શાંત પાડ્યો હતો.

કેવી રહી મેચની સ્થિતિ?

ઇન્ડિયા A ની બેટિંગ: શ્રીલંકા A ટીમે ટોસ જીતીને પહેલા બોલિંગ કરવાનો નિર્ણય કર્યો હતો. પ્રથમ બેટિંગ કરવા ઉતરેલી ઇન્ડિયા A ટીમ 49.2 ઓવરમાં 265 રન બનાવીને ઓલઆઉટ થઈ ગઈ હતી. ભારત તરફથી સૂર્યાંશ શેડગેએ સૌથી વધુ 72 રન અને વિપ્રજ નિગમે 51 રનનું મહત્વનું યોગદાન આપ્યું હતું.

Clip of Kalesh b/w Vaibhav Sooryavanshi and Sri Lanka Team

pic.twitter.com/zb0KwvsUYL https://t.co/sipZaP6rdv

— Ghar Ke Kalesh (@gharkekalesh) June 15, 2026

શ્રીલંકા A નો પીછો: જીતવા માટે 266 રનના લક્ષ્યનો પીછો કરવા ઉતરેલી શ્રીલંકા A ટીમ પણ નિર્ધારિત ઓવરોમાં 9 વિકેટ ગુમાવીને માત્ર 265 રન જ બનાવી શકી અને આ રીતે મુખ્ય મેચ ટાઇમાં પરિણમી હતી.

સુપર ઓવરમાં આ રીતે નક્કી થયું પરિણામ

મેચ ટાઇ થતાં જ પરિણામ લાવવા માટે સુપર ઓવર રમાડવામાં આવી. સુપર ઓવરમાં પહેલા બેટિંગ કરતા શ્રીલંકાની ટીમે 16 રન ફટકાર્યા હતા, જેમાં ભારત તરફથી અરશદ ખાને ઓવર નાખી હતી. હવે ટીમ ઇન્ડિયાને જીતવા માટે 17 રનની જરૂર હતી, પરંતુ લક્ષ્યનો પીછો કરવા ઉતરેલા વૈભવ સૂર્યવંશી અને સૂર્યાંશ શેડગે સુપર ઓવરમાં માત્ર 9 રન જ બનાવી શક્યા હતા. આ હારની નિરાશા વચ્ચે જ મેદાન બહાર જતી વખતે આ મોટો હંગામો થયો હતો.

આ પણ વાંચોઃ IND vs PAK: ભારતે પાકિસ્તાનને 64 રને કચડ્યું; T20 વર્લ્ડ કપમાં આ સંયોગ સાથે રચ્યો ઇતિહાસ