IPL 2026: વિરાટ કોહલીએ રચ્યો ઇતિહાસ, બનાવ્યો એવો મહારેકોર્ડ જે તોડવો લગભગ અશક્ય છે

virat kohli 500 runs ipl 2026: પંજાબ કિંગ્સ સામે 500 રન પૂરા કરતાની સાથે જ કિંગ કોહલી 9 અલગ-અલગ સિઝનમાં આવું કરનાર વિશ્વનો પ્રથમ બેટ્સમેન બની ગયો.

virat kohli 500 runs 9 ipl seasons record breaking history rcb 2026

Source : PTI

Show Quick Read

Key points generated by AI, verified by newsroom

• વિરાટ કોહલીએ IPL 2026 માં 500 રન પૂરા કર્યા.
• તે 9 સિઝનમાં 500+ રન કરનાર પ્રથમ ખેલાડી બન્યો.
• આ સિઝનમાં તેનો સ્ટ્રાઇક રેટ IPL કરિયરમાં શ્રેષ્ઠ રહ્યો.
• વિરાટે 2016 માં એક સિઝનમાં સૌથી વધુ રન બનાવ્યા.

virat kohli 500 runs ipl 2026: ક્રિકેટ જગતમાં વિરાટ કોહલીને અમસ્તો જ "રેકોર્ડ્સનો રાજા" નથી કહેવાતો. IPL 2026 માં રમાયેલી પંજાબ કિંગ્સ સામેની મેચમાં વિરાટ કોહલીએ પોતાના 500 રન પૂરા કરી લીધા છે. આ સાથે જ તેણે ઇન્ડિયન પ્રીમિયર લીગ (IPL) ના ઇતિહાસમાં એક એવો મોટો રેકોર્ડ પોતાના નામે કરી લીધો છે, જેને ભવિષ્યમાં તોડવો કોઈ પણ ખેલાડી માટે લગભગ અશક્ય લાગી રહ્યો છે. વિરાટ હવે 9 અલગ-અલગ સિઝનમાં 500 કે તેથી વધુ રન બનાવનાર દુનિયાનો સૌપ્રથમ બેટ્સમેન બની ગયો છે.

2026 ની સિઝનમાં વિરાટનું બેસ્ટ પ્રદર્શન

આ વખતની સિઝનમાં વિરાટના પ્રદર્શન પર નજર કરીએ તો, અત્યાર સુધીમાં રમાયેલી 13 ઇનિંગ્સમાં તેણે 542 રન ફટકારી દીધા છે. આ દરમિયાન તેના બેટમાંથી 1 શાનદાર સદી અને 4 ફિફ્ટી પણ જોવા મળી છે. સૌથી ખાસ વાત એ છે કે, IPL 2026 માં વિરાટનો સ્ટ્રાઇક રેટ તેની અત્યાર સુધીની આખી IPL કરિયરમાં સૌથી બેસ્ટ રહ્યો છે. આ સિઝનમાં તે 164.74 ના જબરદસ્ત સ્ટ્રાઇક રેટથી બોલરોની ધોલાઈ કરી રહ્યો છે.

કોની પાસે છે સૌથી વધુ વખત 500+ રન બનાવવાનો રેકોર્ડ?

IPL ની સિઝનમાં સૌથી વધુ વખત 500 નો આંકડો પાર કરવાનો તાજ હવે વિરાટ કોહલીના શિરે છે. તેણે અત્યાર સુધી 9 વાર આ સિદ્ધિ મેળવી છે. તેના પછી આ લિસ્ટમાં ડેવિડ વોર્નર અને કેએલ રાહુલનું નામ આવે છે, જેમણે 7-7 વખત એક સિઝનમાં 500 થી વધુ રન બનાવ્યા છે.

વિરાટ કોહલી: 9 વખત

ડેવિડ વોર્નર: 7 વખત

કેએલ રાહુલ: 7 વખત

શિખર ધવન: 5 વખત

આ પણ વાંચોઃ IPL વચ્ચે હાર્દિક પંડ્યા ફરી બનશે વરરાજા? આ તારીખે માહિકા શર્મા સાથે કરશે લગ્ન, જાણો અપડે

વિરાટે કઈ-કઈ સિઝનમાં બનાવ્યા 500 થી વધુ રન?

વિરાટે પહેલી વાર 2011 ની સિઝનમાં 16 મેચ રમીને 557 રન બનાવ્યા હતા. આ ઉપરાંત, એક જ સિઝનમાં સૌથી વધુ રન બનાવવાનો અકબંધ રેકોર્ડ પણ કિંગ કોહલીના નામે જ છે, જે તેણે 2016 માં (973 રન) બનાવ્યો હતો. ચાલો જોઈએ સિઝન પ્રમાણે તેના આંકડા:

557 રન - IPL 2011

634 રન - IPL 2013

505 રન - IPL 2015

973 રન - IPL 2016

530 રન - IPL 2018

639 રન - IPL 2023

741 રન - IPL 2024

657 રન - IPL 2025

542+ રન - IPL 2026 (હજુ સિઝન ચાલુ છે)

આ પણ વાંચોઃ 2027 વર્લ્ડ કપ માટે વિરાટ કોહલીનું BCCI ને સીધું અલ્ટીમેટમ: 'મારી જરૂર ના હોય તો કહી દો'