Virat Kohli and Rohit Sharma Record: વિરાટ કોહલી અને રોહિત શર્માએ ઈંગ્લેન્ડ સામે કાર્ડિફમાં રમાઈ રહેલી બીજી વનડે દરમિયાન મોટો રેકોર્ડ પોતાના નામે કર્યો છે. બંનેએ ભાગીદારીમાં 8 હજારથી વધુ રન પૂર્ણ કરીને ભારત માટે ત્રણેય ફોર્મેટ (ટેસ્ટ, વનડે અને ટી20)માં આ સિદ્ધિ હાંસલ કરનાર ત્રીજી જોડી બનવાનું ગૌરવ મેળવ્યો છે. આ યાદીમાં હવે રોહિત-વિરાટની જોડી સૌરવ ગાંગુલી અને રાહુલ દ્રવિડની જોડીને પાછળ છોડી ત્રીજા સ્થાને પહોંચી ગઈ છે.
આ યાદીમાં સચિન તેંડુલકર અને સૌરવ ગાંગુલીની જોડી ટોચ પર છે, જેમણે કુલ 12,400 રન બનાવ્યા છે. આ યાદીમાં બીજા ક્રમે સચિન તેંડુલકર અને રાહુલ દ્રવિડની જોડી છે, જેમણે ભાગીદારીમાં 11,037 રન બનાવ્યા છે.
ભારત માટે ત્રણેય ફોર્મેટમાં સૌથી વધુ પાર્ટનરશિપ રન
12,400 રન – સચિન તેંડુલકર અને સૌરવ ગાંગુલી11,037 રન – સચિન તેંડુલકર અને રાહુલ દ્રવિડ8,008 રન – રોહિત શર્મા અને વિરાટ કોહલી*7,626 રન – સૌરવ ગાંગુલી અને રાહુલ દ્રવિડ7,199 રન – વીરેન્દ્ર સેહવાગ અને ગૌતમ ગંભીર
બીજી વનડેમાં 61 રનની ભાગીદારી
કાર્ડિફમાં રમાયેલી બીજી વનડેમાં શુભમન ગિલની વિકેટ પડ્યા બાદ વિરાટ કોહલી ત્રીજા ક્રમે બેટિંગ કરવા આવ્યા હતા. ત્યારબાદ રોહિત શર્મા અને વિરાટ કોહલીએ મળીને બીજા વિકેટ માટે 61 બોલમાં 60 રનની ભાગીદારી નોંધાવી હતી. આ દરમિયાન રોહિતે 17 જ્યારે વિરાટે 36 રનનું યોગદાન આપ્યું હતું.
પ્રથમ વનડેમાં બંને રહ્યા હતા નિષ્ફળ
આ પહેલા 14 જુલાઈએ બર્મિંગહામના એજબેસ્ટન ખાતે રમાયેલી પ્રથમ વનડેમાં રોહિત શર્મા અને વિરાટ કોહલી બંનેનું બેટ શાંત રહ્યું હતું. રોહિતે 21 બોલમાં માત્ર 11 રન બનાવ્યા હતા, જ્યારે વિરાટ કોહલી 6 બોલમાં માત્ર 5 રન બનાવી આઉટ થયા હતા.
આ પણ વાંચો- England vs India: બીજી વનડેમાં ઇંગ્લેન્ડે ટોસ જીતીને પ્રથમ બેટિંગ લીધી; જુઓ પ્લેઇંગ ઇલેવનમાં શું થયો ફેરફાર
ટી20 શ્રેણી ગુમાવ્યા બાદ હવે વનડે શ્રેણી જીતવા પર નજર
ઈંગ્લેન્ડ પ્રવાસ દરમિયાન ભારતીય ટીમે પ્રથમ પાંચ મેચની ટી20 શ્રેણી રમી હતી, જેમાં ટીમ ઈન્ડિયાને 0-4થી કારમી હારનો સામનો કરવો પડ્યો હતો. હવે ભારતીય ટીમની નજર વનડે શ્રેણી જીતવા પર છે. આગામી મેચોમાં ટીમ કેવી રમત દેખાડે છે અને શ્રેણીનું પરિણામ શું આવે છે, તેના પર ક્રિકેટ ચાહકોની નજર રહેશે.