શું ખરેખર વિરાટ કોહલી અને રોહિત શર્મા વચ્ચેની મિત્રતામાં કોઈ તિરાડ પડી છે? આ સવાલ અત્યારે સોશિયલ મીડિયા પર ક્રિકેટ ચાહકો વચ્ચે ભારે ચર્ચાનો વિષય બન્યો છે. આનું કારણ છે વિરાટ કોહલીનું એક તાજેતરનું ચોંકાવનારું નિવેદન. વિરાટ કોહલીએ T20 ક્રિકેટના બેસ્ટ ઓપનિંગ બેટ્સમેન તરીકે પોતાના ખાસ મિત્ર અને ભારતીય ટીમના સાથી રોહિત શર્માને નકારી દીધો છે! એટલું જ નહીં, તેણે ક્રિકેટના ભગવાન ગણાતા સચિન તેંડુલકરને પણ આ લિસ્ટમાં પાછળ રાખી દીધા છે. RCB (રોયલ ચેલેન્જર્સ બેંગ્લોર) દ્વારા શેર કરવામાં આવેલા એક મજેદાર વીડિયોમાં વિરાટે પોતાના પૂર્વ ઓપનિંગ પાર્ટનર અને 'યુનિવર્સ બોસ' ક્રિસ ગેલને T20 ફોર્મેટનો સર્વશ્રેષ્ઠ ઓપનર ગણાવ્યો છે. ચાલો જાણીએ આખી ઘટના શું છે અને આ પસંદગી કેવી રીતે થઈ.
RCB ની 'ધીસ ઓર ધેટ' ચેલેન્જ
તાજેતરમાં જ રોયલ ચેલેન્જર્સ બેંગ્લોરે (RCB) પોતાના સોશિયલ મીડિયા એકાઉન્ટ પર એક મજેદાર વીડિયો શેર કર્યો હતો. આ વીડિયોમાં વિરાટ કોહલી 'ધીસ ઓર ધેટ' (આ કે પેલું) ચેલેન્જ રમતો જોવા મળે છે. આ ગેમનો નિયમ એવો હતો કે વિરાટને બે ખેલાડીઓના નામ આપવામાં આવતા હતા અને તેમાંથી તેણે કોઈ એકને બેસ્ટ ઓપનર તરીકે પસંદ કરવાનો હતો. જે ખેલાડીને તે પસંદ કરે, તેની સરખામણી પછી બીજા નવા ખેલાડી સાથે થતી હતી. આ આખી ગેમના અંતે વિરાટે ક્રિસ ગેલ પર પસંદગીનો કળશ ઢોળ્યો હતો.
સચિન કરતા સેહવાગ બેસ્ટ, પણ ગેલ સૌથી ઉપર!
સૌથી પહેલા વિરાટને સુનીલ નારાયણ અને એડમ ગિલક્રિસ્ટ વચ્ચે પસંદગી કરવાનું કહેવામાં આવ્યું, જેમાં તેણે ગિલક્રિસ્ટને પસંદ કર્યો.
ત્યારબાદ ટ્રેવિસ હેડ સામે વિરાટે પૂર્વ ભારતીય ઓપનર વીરેન્દ્ર સેહવાગને પસંદ કર્યો.
નવાઈની વાત તો એ હતી કે જ્યારે સચિન તેંડુલકરનું નામ આવ્યું, ત્યારે પણ વિરાટે T20 ક્રિકેટમાં સચિન કરતા સેહવાગને જ વધુ સારો ઓપનર ગણાવ્યો.
પરંતુ, જ્યારે સેહવાગની સામે ક્રિસ ગેલનું નામ આવ્યું, ત્યારે કોહલીએ સેહવાગને છોડીને ગેલ પર પોતાની પસંદગી ઉતારી.
ફાઈનલ મુકાબલો: રોહિત શર્મા વિરુદ્ધ ક્રિસ ગેલ
આ ગેમના અંતમાં સૌથી મોટો અને મુશ્કેલ સવાલ આવ્યો. વિરાટ કોહલીને ક્રિસ ગેલ અને રોહિત શર્મામાંથી કોઈ એકને T20 ના બેસ્ટ ઓપનર તરીકે પસંદ કરવાનો હતો. સૌને લાગતું હતું કે વિરાટ પોતાના મિત્ર રોહિતનું નામ લેશે, પરંતુ તેણે રોહિત શર્માને અવગણીને ક્રિસ ગેલને T20 ક્રિકેટનો ઐતિહાસિક અને શ્રેષ્ઠ ઓપનિંગ બેટ્સમેન જાહેર કર્યો. અગાઉ RCB માં ગેલ અને કોહલી વર્ષો સુધી એકસાથે ઓપનિંગ કરી ચૂક્યા છે, કદાચ આ મિત્રતા અને અનુભવ અહી કામ કરી ગયો!
પણ ખરાખરીના આંકડાઓ શું કહે છે? રોહિત ઘણો આગળ છે!
ભલે વિરાટે ગેલને પસંદ કર્યો હોય, પણ જો આંતરરાષ્ટ્રીય T20 ક્રિકેટના આંકડા (Stats) જોઈએ તો રોહિત શર્મા ગેલ કરતા ઘણો આગળ છે:
રોહિત શર્મા: ભારત માટે 124 T20I મેચોમાં ઓપનિંગ કર્યું છે. તેણે 32.61 ની શાનદાર સરેરાશ અને 143.02 ના તોફાની સ્ટ્રાઈક રેટથી કુલ 3,750 રન ફટકાર્યા છે.
ક્રિસ ગેલ: વેસ્ટ ઈન્ડિઝ માટે ઓપનર તરીકે 59 T20 મેચ રમી છે, જેમાં તેણે 31.32 ની સરેરાશ અને 141.76 ના સ્ટ્રાઈક રેટથી 1,660 રન બનાવ્યા છે.