વિરાટ કોહલીએ સચિન તેંડુલકરને પાછળ છોડી બનાવ્યો વિશ્વ રેકોર્ડ, લખ્યો નવો ઈતિહાસ
Most Player of The Series Awards: વિરાટ કોહલીએ દક્ષિણ આફ્રિકા સામેની ODI શ્રેણીમાં સૌથી વધુ 302 રન બનાવ્યા. આ પ્રદર્શન માટે, તેને પ્લેયર ઓફ ધ સિરીઝનો એવોર્ડ મળ્યો.
Most Player of The Series Awards: દક્ષિણ આફ્રિકા સામેની ODI શ્રેણીમાં વિરાટ કોહલીએ 302 રન બનાવ્યા, જે તેમનો અત્યાર સુધીનો સર્વોચ્ચ સ્કોર છે. તેમણે સતત બે મેચમાં સદી અને અંતિમ ODIમાં એક ફિફ્ટી ફટકારી હતી. આ પ્રદર્શન માટે તેમને પ્લેયર ઓફ ધ સિરીઝનો એવોર્ડ મળ્યો. આ સાથે, વિરાટે વધુ એક વર્લ્ડ રેકોર્ડ બનાવ્યો છે. તે હવે પુરુષોના આંતરરાષ્ટ્રીય ક્રિકેટમાં સૌથી વધુ વખત પ્લેયર ઓફ ધ સિરીઝનો એવોર્ડ જીતનાર ક્રિકેટર બની ગયો છે.
🗣️🗣️ It has always brought the best in us
— BCCI (@BCCI) December 6, 2025
Virat Kohli on the mindset he and Rohit Sharma had coming into the series decider in Vizag. 💪
Scorecard ▶️ https://t.co/HM6zm9o7bm#TeamIndia | #INDvSA | @IDFCFIRSTBank | @imVkohli | @ImRo45 pic.twitter.com/UluRdSXwvv
વિરાટ કોહલીએ વર્લ્ડ રેકોર્ડ બનાવ્યો
વિરાટ કોહલી હવે પુરુષોના આંતરરાષ્ટ્રીય ક્રિકેટમાં સૌથી વધુ વખત પ્લેયર ઓફ ધ સિરીઝનો એવોર્ડ જીતનાર ક્રિકેટર બની ગયો છે. આ તેની કારકિર્દીમાં 20મી વખત છે જ્યારે વિરાટ કોહલીને પ્લેયર ઓફ ધ સિરીઝ તરીકે પસંદ કરવામાં આવ્યો છે. તેણે સચિન તેંડુલકરના રેકોર્ડને પાછળ છોડી દીધા છે, જેમને તેની કારકિર્દીમાં 19 વખત આ સન્માન મળ્યું હતું. આ યાદીમાં બાંગ્લાદેશનો શાકિબ અલ હસન અને ઓસ્ટ્રેલિયાનો ડેવિડ વોર્નર પણ છે.
સૌથી વધુ વખત પ્લેયર ઓફ ધ સિરીઝનો એવોર્ડ જીતનારા ક્રિકેટરોની યાદી
20 વખત - વિરાટ કોહલી
19 વખત - સચિન તેંડુલકર
17 વખત - શાકિબ અલ હસન
14 વખત - જેક કાલિસ
13 વખત - સનથ જયસૂર્યા
13 વખત - ડેવિડ વોર્નર
વિરાટ કોહલી હાલમાં ઉત્તમ ફોર્મમાં છે. તેની છેલ્લી ચાર વનડે ઇનિંગ્સમાં, તેણે 374 રન બનાવ્યા છે, જેમાં બે સદી અને બે અડધી સદીનો સમાવેશ થાય છે. આ તેની કારકિર્દીમાં નવમી વખત છે જ્યારે તેણે સતત ચાર ઇનિંગ્સમાં 50 કે તેથી વધુ રન બનાવ્યા છે.
વિરાટ કોહલી 28 હજાર રન બનાવવાથી 25 રન દૂર
વિરાટ કોહલી હવે 28,000 આંતરરાષ્ટ્રીય રન સુધી પહોંચવાથી માત્ર 25 રન દૂર છે. ભારતીય ટીમ 2025માં કોઈ પણ વનડે મેચ રમશે નહીં, તેથી તેને આ સીમાચિહ્ન હાંસલ કરવા માટે આવતા વર્ષ સુધી રાહ જોવી પડશે.
ટોપ સ્ટોરી
ટ્રેન્ડિંગ સમાચાર
