3 ટીમો ક્વોલિફાય, ઈંગ્લેન્ડ સામે હારથી ભારત વર્લ્ડ કપમાંથી બહાર? જુઓ પોઈન્ટ ટેબલ
Womens World Cup 2025: મહિલા વર્લ્ડ કપ 2025 માં રવિવારે રમાયેલી મેચમાં ભારતીય મહિલા ટીમે જીતની આશા જગાવી, પરંતુ અંતે ઈંગ્લેન્ડની ટીમ સામે 4 રનથી નજીકની હારનો સામનો કરવો પડ્યો.
Womens World Cup 2025: મહિલા વનડે વર્લ્ડ કપ 2025 માં રવિવારે ઈન્દોરના હોલ્કર સ્ટેડિયમમાં રમાયેલી રોમાંચક મેચમાં ભારતીય મહિલા ટીમને ઈંગ્લેન્ડ સામે 4 રનથી હારનો સામનો કરવો પડ્યો છે. આ જીત સાથે ઈંગ્લેન્ડે સેમિફાઇનલમાં પોતાનું સ્થાન નિશ્ચિત કરી લીધું છે અને હવે ક્વોલિફાય થનારી ટીમોની સંખ્યા ત્રણ થઈ ગઈ છે. ઓસ્ટ્રેલિયા (9 પોઈન્ટ), ઈંગ્લેન્ડ (9 પોઈન્ટ), અને દક્ષિણ આફ્રિકા (8 પોઈન્ટ) ટોચના ત્રણ સ્થાનો પર છે. આ સતત ત્રીજી હાર હોવા છતાં, ટીમ ઈન્ડિયા હજી સેમિફાઇનલની દોડમાંથી બહાર થઈ નથી. ભારત 4 પોઈન્ટ સાથે ચોથા સ્થાને છે, પરંતુ તેનો આગામી મુકાબલો 23 ઓક્ટોબરે ન્યૂઝીલેન્ડ સામે છે, જે ભારત માટે 'કરો યા મરો' સમાન છે. આ મેચનું પરિણામ જ ચોથી સેમિફાઇનલિસ્ટ ટીમનું ભાવિ નક્કી કરશે.
ભારતને ઈંગ્લેન્ડ સામે હાર: સેમિફાઇનલની રેસ થઈ રોમાંચક
મહિલા વર્લ્ડ કપ 2025 માં રવિવારે રમાયેલી મેચમાં ભારતીય મહિલા ટીમે જીતની આશા જગાવી, પરંતુ અંતે ઈંગ્લેન્ડની ટીમ સામે 4 રનથી નજીકની હારનો સામનો કરવો પડ્યો. આ મેચમાં ઈંગ્લેન્ડે ટોસ જીતીને બેટિંગ પસંદ કરી અને કેપ્ટન હીથર નાઈટની સદી (109) અને એમી જોન્સના 56 રન ની મદદથી ભારતને 289 રનનો લક્ષ્યાંક આપ્યો. ભારત તરફથી દીપ્તિ શર્માએ 4 વિકેટ લીધી. લક્ષ્યનો પીછો કરતી વખતે, ભારતે સ્મૃતિ મંધાના (88), હરમનપ્રીત કૌર (70), અને દીપ્તિ શર્મા (57 બોલમાં 50 રન) ના શાનદાર પ્રદર્શન છતાં અંતે નિષ્ફળતા મળી. દીપ્તિ જ્યારે આઉટ થઈ ત્યારે ભારતને જીતવા માટે 19 બોલમાં 27 રનની જરૂર હતી, પરંતુ ટીમ લક્ષ્યથી 5 રન દૂર રહી ગઈ.
પોઈન્ટ ટેબલની સ્થિતિ: 3 ટીમોએ મેળવ્યું સ્થાન
આ મેચના પરિણામ બાદ પોઈન્ટ ટેબલમાં સેમિફાઇનલનું ચિત્ર લગભગ સ્પષ્ટ થઈ ગયું છે. ત્રણ ટીમોએ સત્તાવાર રીતે પોતાનું સ્થાન નિશ્ચિત કરી લીધું છે, અને હવે માત્ર એક સ્થાન બાકી છે.
- ઓસ્ટ્રેલિયા: 5 માંથી 4 મેચ જીત અને 1 મેચ રદ થવાથી કુલ 9 પોઈન્ટ સાથે ટેબલમાં ટોચ પર છે.
- ઈંગ્લેન્ડ: 5 માંથી 4 મેચ જીત અને 1 મેચ રદ થવાથી કુલ 9 પોઈન્ટ સાથે બીજા ક્રમે છે.
- દક્ષિણ આફ્રિકા: 5 માંથી 4 મેચ જીત અને 1 હાર સાથે કુલ 8 પોઈન્ટ સાથે ત્રીજા ક્રમે છે.
One final spot up for grabs in the #CWC25 semis 👀
— ICC Cricket World Cup (@cricketworldcup) October 19, 2025
Latest state of play ➡️ https://t.co/wbGUBVunRS pic.twitter.com/PZirznwmza
ટીમ ઈન્ડિયા માટે 'કરો યા મરો'નો મુકાબલો
સતત ત્રીજો પરાજય હોવા છતાં, ભારતીય ક્રિકેટ ટીમ હજી વર્લ્ડ કપ 2025 ની સેમિફાઇનલ રેસમાંથી બહાર થઈ નથી. હરમનપ્રીત કૌરની ટીમ 5 માંથી 2 મેચ જીતી અને 3 હારીને 4 પોઈન્ટ સાથે પોઈન્ટ ટેબલમાં ચોથા ક્રમે છે.
ભારતનો આગામી અને નિર્ણાયક મુકાબલો 23 ઓક્ટોબરે ન્યૂઝીલેન્ડ સામે છે. આ મેચ ભારત માટે 'કરો યા મરો' ની સ્થિતિ સમાન છે. જો ટીમ ઈન્ડિયા ન્યૂઝીલેન્ડ સામે હારી જાય છે, તો ન્યૂઝીલેન્ડ ચોથા સ્થાને આવી જશે અને ભારત ટોચના ચારમાંથી બહાર થઈ જશે. નોંધનીય છે કે ન્યૂઝીલેન્ડની ટીમે 5 માંથી ફક્ત 1 મેચ જીતી છે, પરંતુ તેમની બે મેચ વરસાદને કારણે રદ થઈ હોવાથી તેમના પણ ભારતની જેમ 4 પોઈન્ટ છે. આથી, બંને ટીમો વચ્ચેનો મુકાબલો ચોથી સેમિફાઇનલ ટિકિટ માટેની નિર્ણાયક લડાઈ બનશે.
ટોપ સ્ટોરી
ટ્રેન્ડિંગ સમાચાર
