Gujarat Titans Retention List WPL 2025: ગુજરાત ટાઇટન્સે વુમન્સ પ્રીમિયર લીગ 2025 માટે તેની રીટેન્શન લિસ્ટ જાહેર કરી છે. ગુજરાતની ટીમ છેલ્લી બે સિઝનના પોઈન્ટ ટેબલમાં છેલ્લા સ્થાને હતી. હવે ગુજરાતે આગામી સિઝન માટે કુલ 13 ખેલાડીઓને રિટેન કર્યા છે. WPL 2025 મીની હરાજી પહેલા ગુજરાત પાસે તેમના પર્સમાં 4.4 કરોડ રૂપિયા બાકી છે અને તેને એક મજબૂત ટીમ ઉતારવાની જરૂર પડશે.
તમને યાદ અપાવી દઈએ કે પ્રથમ સિઝનની નિષ્ફળતા બાદ ગુજરાત ટાઇટન્સે પોતાની ટીમમાં મોટા ફેરફારો કર્યા હતા. બેટિંગને મજબૂત કરવા માટે ઓસ્ટ્રેલિયન ખેલાડીઓ ફોબી લિચફિલ્ડ અને કેથરીન બ્રાઇસને ટીમમાં સામેલ કરવામાં આવ્યા હતા. બોલિંગ લાઇન અપને મજબૂત કરવા માટે મેઘના સિંહ, પ્રિયા મિશ્રા અને કાશવી ગૌતમના રૂપમાં ત્રણ ભારતીય ખેલાડીઓને ટીમમાં લાવવામાં આવ્યા હતા. કમનસીબે, નવા ખેલાડીઓના આગમનથી પણ ટીમનું નસીબ બદલાયું નહીં. 13 ખેલાડીઓને રિટેન કરવા ઉપરાંત 6 ખેલાડીઓને પણ રિલીઝ કરવામાં આવ્યા છે. સ્નેહ રાણા, કેથરીન બ્રાઇસ, ત્રિશા પૂજાતા, વેદા કૃષ્ણમૂર્તિ, તરન્નુમ પઠાણ અને લિયા તાહુહુને બહારનો રસ્તો બતાવવામાં આવ્યો છે.
ગુજરાત માટે ગત સિઝનમાં બેથ મૂનીએ 8 મેચમાં 47.5ની એવરેજથી 285 રન બનાવ્યા હતા, પરંતુ તેના સિવાય અન્ય કોઈ બેટ્સમેને ટીમને મદદ કરી નહોતી. તો બીજી તરફ બોલિંગમાં તનુજા કંવર ચમકી હતી, જેણે આઠ મેચમાં 10 વિકેટ ઝડપી હતી. ગુજરાતની આ સૌથી મોટી સમસ્યા છે કે આખી ટીમ અમુક પસંદગીના ખેલાડીઓ પર નિર્ભર રહી છે. આવી સ્થિતિમાં, હરાજીમાં ગુજરાતે એવા ખેલાડીઓ પર ધ્યાન કેન્દ્રિત કરવું પડશે જે ટીમનો આધાર મજબૂત કરી શકે.
ગુજરાત ટાઇટન્સનું રિટેન્શન લિસ્ટઃ એશ્લી ગાર્ડનર, બેથ મૂની, દયાલન હેમલતા, હરલીન દેઓલ, લૌરા વૂલ્વાર્ટ, શબનમ શકીલ, તનુજા કંવર, ફોબી લિચફિલ્ડ, મેઘા સિંહ, કાશવી ગૌતમ, પ્રિયા મિશ્રા, લોરેન ચીટલ, મન્નત કશ્યપ.
ગુજરાત ટાઇટન્સમાંથી રિલીઝ થયેલા ખેલાડીઓઃ સ્નેહ રાણા, કેથરીન બ્રાઇસ, ત્રિશા પૂજાતા, વેદા કૃષ્ણમૂર્તિ, તરન્નુમ પઠાણ અને લિયા તાહુહુ.
આ પણ વાંચો...