KL Rahul Injury: ભારત સામે વર્લ્ડ ટેસ્ટ ચેમ્પિયનશિપની ફાઇનલમાં ઓસ્ટ્રેલિયાની ટીમ હશે. બંને ટીમો વચ્ચે વર્લ્ડ ટેસ્ટ ચેમ્પિયનશિપની ફાઈનલ મેચ 7 જૂનથી ઓવલમાં રમાશે, પરંતુ ભારતીય ટીમ માટે મુશ્કેલીઓ સતત વધી રહી છે. વાસ્તવમાં વર્લ્ડ ટેસ્ટ ચેમ્પિયનશિપ ફાઈનલ પહેલા ભારતના ઈજાગ્રસ્ત ખેલાડીઓની યાદી ઘણી લાંબી છે. આ યાદીમાં ઋષભ પંત ઉપરાંત જસપ્રીત બુમરાહ અને શ્રેયસ અય્યર જેવા નામ સામેલ છે. ત્યારે હવે આ યાદીમાં કેએલ રાહુલના રૂપમાં એક નવું નામ જોડાયું છે.
હવે કેએલ રાહુલ ઈજાગ્રસ્ત થયો
ટેસ્ટ ચેમ્પિયનશિપ ફાઈનલમાં ટીમ ઈન્ડિયા ઓસ્ટ્રેલિયા સામે મેદાનમાં ઉતરશે, પરંતુ ટીમ મેનેજમેન્ટની મુશ્કેલીઓ સતત વધી રહી છે. તાજેતરમાં જ ભારતીય ક્રિકેટ ટીમનો વિકેટ કીપર બેટ્સમેન ઋષભ પંત અકસ્માતનો શિકાર બન્યો હતો. અત્યાર સુધી તે પોતાની ઈજામાંથી બહાર આવી શક્યો નથી. આ કારણે તે ટેસ્ટ ચેમ્પિયનશિપની ફાઇનલમાં નહીં રમે. આ સિવાય જસપ્રીત બુમરાહ લાંબા સમયથી ઈજાગ્રસ્ત છે. આ રીતે જસપ્રીત બુમરાહ પણ ટેસ્ટ ચેમ્પિયનશિપ ફાઈનલનો ભાગ નહીં બને. ભારતીય ટીમના મિડલ ઓર્ડર બેટ્સમેન શ્રેયસ અય્યર પણ ટેસ્ટ ચેમ્પિયનશિપની ફાઇનલમાં રમી શકશે નહીં.
ટીમ મેનેજમેન્ટની મુશ્કેલીઓમાં સતત વધારો
ભારતીય ક્રિકેટ ટીમ ટેસ્ટ ચેમ્પિયનશિપ ફાઈનલ (WTC Final) પહેલા ખેલાડીઓની ઈજા સાથે સતત ઝઝૂમી રહી છે. ત્યારે હવે કેએલ રાહુલની ઈજાના કારણે ટીમ ઈન્ડિયાને મોટો ઝટકો લાગ્યો છે. આ રીતે ટેસ્ટ ચેમ્પિયનશિપની ફાઈનલ પહેલા ભારતીય ટીમની મુશ્કેલીઓ સતત વધી રહી છે. રાહુલ IPL મેચમાં ફિલ્ડિંગ કરતી વખતે ઈજાગ્રસ્ત થયો હતો. આ મેચમાં લખનૌ સુપર જાયન્ટ્સ અને રોયલ ચેલેન્જર્સ બેંગ્લોરની ટીમો આમને-સામને હતી.
લખનૌ સુપર જાયન્ટ્સ દ્વારા સત્તાવાર નિવેદન
રોયલ ચેલેન્જર્સ બેંગ્લોર સામેની મેચમાં ફિલ્ડિંગ દરમિયાન રાહુલને ઈજા થઈ હતી. આ પછી, તે ચેન્નાઈ સુપર કિંગ્સ સામેની મેચમાં રમ્યો ન હતો. રાહુલની જગ્યાએ તે મેચમાં કેપ્ટનશિપની જવાબદારી ઓલરાઉન્ડર કૃણાલ પંડ્યાએ સંભાળી હતી. રાહુલની ઈજાને લઈને લખનૌ સુપર જાયન્ટ્સ દ્વારા સત્તાવાર નિવેદન જારી કરવામાં આવ્યું છે. ફ્રેન્ચાઈઝીએ જણાવ્યું કે રાહુલની ઈજાને સ્કેન કર્યા બાદ અને કેટલાક ટેસ્ટ કરાવ્યા બાદ ખબર પડી કે તેને સર્જરી કરાવવી પડશે. અમે આ મુશ્કેલ સમયમાં રાહુલને સંપૂર્ણ સમર્થન આપીશું જેથી કરીને તે વધુ સારી રીતે સ્વસ્થ થઈ શકે. આપણે તેની ગેરહાજરી ચોક્કસ અનુભવીશું. અમે કેએલને ટૂંક સમયમાં ફરીથી મેદાન પર જોવા માંગીએ છીએ અને અમને આશા છે કે તે આમ કરવામાં સક્ષમ હશે.
રાહુલની પરેશાની બાદ તેનુ સ્કેનિંગ કરવામાં આવ્યુ હતું. નેશનલ ક્રિકેટ એકડમીની મેડિકલ ટીમ દ્વારા તેનુ નિરીક્ષણ કરવામાં આવ્યુ હતુ. આ દરમિયાન જ મીડિયા રિપોર્ટ્સ સામે આવવા લાગ્યા હતા કે, સિઝનમાં આગળ રમવુ રાહુલ માટે મુશ્કેલ છે.