નવી દિલ્હીઃ IPL 2021ની 50મી મેચમાં દિલ્હી કેપિટલ્સે (Delhi Capitals) ચેન્નાઇ સુપર કિંગ્સ (Chennai Super Kings)ને 3 વિકેટોથી હરાવીને આઇપીએલ પૉઇન્ટ ટેબલ (IPL pounts Table)માં નંબર વનનુ સ્થાન હાંસલ કરી લીધુ. સીએસકે વિરુદ્ધની મેચમાં હેટમાયર (Shimron Hetmyer) એ કમાલ કર્યો, અને છેલ્લે સુધી અણનમ રહીને દિલ્હીની ટીમને શાનદાર જીત અપાવી હતી. આ મેચમાં અંતે હેટમાયરનો એક શાનદાર વીડિયો વાયરલ થઇ રહ્યો છે, જેમાં હેટમાયર બ્રાવોની પીઢ પર ચઢીને જશ્ન મનાવતો દેખાઇ રહ્યો છે. શિમરૉન હેટમાયરે 18 બૉલ પર 28 રનની મેચ વિનિંગ ઇનિંગ રમી, જેમાં 2 ચોગ્ગા અને 1 છગ્ગો સામેલ હતો. હેટમાયરની ઇનિંગના કારણે દિલ્હી આ મેચ જીતી શકી.
ખરેખરમાં, થયુ એવી કે મેચની 20મી ઓવરનો ચોથો બૉલ પર બ્રાવોએ (Dwayne Bravo) ફેંક્યો, તેના કગિસો રબાડાએ જોરદાર ચોગ્ગા ફટકારીને દિલ્હી કેપિટલ્સને જીત અપાવી દીધી. આ જીતથી નૉન સ્ટ્રઆઇકર એન્ડ પર રહેલો શિમરૉન હેટમાયર એટલો બધો ખુશ થઇ ગયો કે તે દોડીને ડ્વેન બ્રાવોની પીઢ પર ચઢી ગયો હતો. આ જીતનો જશ્ન મનાવવાનો વીડિયો હાલ ખુબ વાયરલ થઇ રહ્યો છે.
સામાન્ય રીતે રૂટિન લાઇફમાં શિમરૉન હેટમાયર અને ડ્વેન બ્રાવો એકબીજાની મજાક કરતા રહે છે. આવામાં જ્યારે હેટમાયરને જીત મળી તો તેને આનો જશ્ન બ્રાવોની પીઠ પર સવારી કરીને મનાવ્યો. ફેન્સ આ વીડિયો પર ખુબ કૉમેન્ટ અને લાઇક્સ કરી રહ્યાં છે.
દિલ્હી કેપિટલ્સે ટૉસ જીતીને ચેન્નાઇ સુપર કિંગ્સને પહેલા બેટિંગ માટે આમંત્રણ આપ્યુ હતુ, ચેન્નાઇએ પહેલા બેટિંગ કરતા 20 ઓવરમાં 5 વિકેટના નુકસાને 136 રન બનાવ્યા હતા. લક્ષ્યનો પીછો કરવા ઉતરેલી દિલ્હી કેપિટલ્સે બે બૉલ બાકી રહેતા 7 વિકેટો ગુમાવીને 139 રન કરીને મેચ જીતી લીધી હતી. આ સાથે જ દિલ્હી કેપિટલ્સ 13 મેચોમાંથી 10માં જીત મેળવીને પૉઇન્ટ ટેબલમાં ટૉપ પર પહોંચી ગઇ છે.