ડ્વેન બ્રાવોનો આ વીડિયો પોતાના દેશ ત્રિનિદાદ-ટોબેગોથી પોસ્ટ કર્યો છે. આ વીડિયોમાં બ્રાવો ત્રિનિદાદ-ટોબેગોના કાર્નિવલમાં મજા માણતો જોવા મળી રહ્યો છે. ત્રિનિદાદ ટોબેગોમાં કાર્નિવલ 24 ફેબ્રુઆરીના રોજ શરૂ થયો. આ કાર્નિવલ બે દિવસ સુધી ચાલે છે. આ કાર્નિવલમાં લોકો રંગબેરંગી પોશાક પહેરીને રસ્તા પર નીકળે છે. ડ્વેન બ્રાવો પણ આ કાર્નિવલમાં એન્જોય કરતો જોવા મળ્યો.
ઉલ્લેખનીય છે કે ડ્વેન બ્રાવો ક્રિકેટમાંથી નિવૃત્તિ લઇ લીધી હતી. પરંતુ કાયરાન પોલાર્ડના કેપ્ટન બન્યા બાદ તેણે નિવૃત્તિ પરત લઈ લીધી. ડ્વેન બ્રાવોને વેસ્ટ ઇન્ડીઝની ટી 20 ટીમમાં પણ સ્થાન મળ્યું છે. શ્રીલંકા સામે બે દિવસીય ટી -20 શ્રેણી માટે તેને વેસ્ટ ઇન્ડીઝની ટીમમાં સ્થાન મળ્યું છે. વેસ્ટ ઇન્ડિઝ અને શ્રીલંકાની વચ્ચે ટી-20 મેચ કેંડીમા રમવામાં આવશે.
જોકે, શ્રીલંકા સામેની ટી -20 સિરીઝ પછી, બ્રાવો સીધો ભારત આવશે. જ્યાં તે ચેન્નાઈ સુપરકિંગ્સના પ્રેક્ટિસ કેમ્પમાં જશે. આ શિબિર ચેન્નઇના ચેપૉક સ્ટેડિયમ ખાતે યોજાશે. માનવામાં આવી રહ્યું છે કે ધોની પણ 2 માર્ચે આ કેમ્પમાં જોડાશે. રૈના અને અંબાતી રાયડુ પહેલાથી જ તે કેમ્પમાં આઈપીએલની તૈયારી કરી રહ્યો છે.