FIFA World Cup 2026: ફીફા વર્લ્ડકપની સેમિફાઈનલમાં પહોંચ્યું ફ્રાન્સ, ક્વાર્ટર ફાઈનલમાં મોરક્કોને આપી હાર

France vs Morocco:  ફ્રાન્સ FIFA વર્લ્ડ કપ 2026ની ક્વાર્ટર ફાઇનલમાં મોરક્કોને 2-0 થી હરાવીને સતત ત્રીજી વખત સેમિફાઇનલમાં પ્રવેશ કર્યો

ક્વાર્ટર ફાઇનલમાં મોરક્કોને 2-0 થી હરાવીને સતત ત્રીજી વખત સેમિફાઇનલમાં પ્રવેશ કર્યો

Source : Photo Credit: @FIFAWorldCup

Show Quick Read

Key points generated by AI, verified by newsroom

• ફ્રાન્સે મોરોક્કોને 2-0થી હરાવી સેમિફાઇનલમાં પ્રવેશ કર્યો.
• પ્રથમ હાફ ગોલરહિત રહ્યો, મોરોક્કોએ પેનલ્ટી બચાવી.
• કિલિયન એમ્બાપ્પેએ 60મી મિનિટે પ્રથમ ગોલ કર્યો.
• ઉસ્માન ડેમ્બેલેએ બીજો ગોલ કરી ફ્રાન્સનો વિજય કર્યો.

France vs Morocco:  ફ્રાન્સ FIFA વર્લ્ડ કપ 2026ની ક્વાર્ટર ફાઇનલમાં મોરક્કોને 2-0 થી હરાવીને સતત ત્રીજી વખત સેમિફાઇનલમાં પ્રવેશ કર્યો. પ્રથમ હાફમાં ગોલ થઈ શક્યો નહોતો. પરંતુ કિલિયન એમ્બાપ્પે અને ઉસ્માન ડેમ્બેલના ગોલથી ફ્રાન્સનો શાનદાર વિજય થયો. હવે તેઓ સેમિફાઇનલમાં બેલ્જિયમ અને સ્પેન વચ્ચેના ક્વાર્ટર ફાઇનલના વિજેતા સામે ટકરાશે.

ફ્રાન્સે શરૂઆતથી જ આક્રમક રમત રમી. પાંચમી મિનિટે મોરોક્કન ગોલકીપર યાસીન બૂનુએ ડાયોટ ઉપામેકાનોના હેડરને શાનદાર રીતે બચાવ્યો. ત્યારબાદ નૌસેર મઝરાઉઈએ બોક્સની અંદર કિલિયન એમ્બાપ્પે ફાઉલ કરતા ફ્રાન્સને પેનલ્ટી મળી. જોકે, બૂનુએ કેપ્ટન કિલિયન એમ્બાપ્પેની પેનલ્ટીનો શાનદાર બચાવ કર્યો અને પ્રથમ હાફ દરમિયાન સ્કોર 0-0 રહ્યો.

60મી મિનિટે કિલિયન એમ્બાપ્પેએ લીડ અપાવી

બીજા હાફમાં ફ્રાન્સે દબાણ જાળવી રાખ્યું અને 60મી મિનિટે કિલિયન એમ્બાપ્પે બોક્સની બહારથી શાનદાર કર્લિંગ શોટ મારીને ટીમને 1-0ની લીડ અપાવી. આ વર્લ્ડ કપનો તેનો આઠમો ગોલ હતો.

Kylian Mbappé.#FIFAWorldCup pic.twitter.com/5s5aqeYFkG

— FIFA World Cup (@FIFAWorldCup) July 9, 2026

છ મિનિટ પછી ડેમ્બેલે વિજય મેળવ્યો

કિલિયન એમ્બાપ્પેના ગોલના છ મિનિટ પછી ફ્રાન્સે બીજો ગોલ કર્યો. કિલિયન એમ્બાપ્પેએ ઉસ્માન ડેમ્બેલેને એક શાનદાર પાસ આપ્યો અને ડેમ્બેલે ગોલ કરીને ટીમને 2-0ની લીડ અપાવી હતી. ત્યાંથી ફ્રાન્સે મેચ પર સંપૂર્ણ નિયંત્રણ જાળવી રાખ્યું અને મોરક્કોને વાપસીની કોઈપણ તક આપી નહોતી. 

A third straight Semi-final secured for France. 🇫🇷#FIFAWorldCup

— FIFA World Cup (@FIFAWorldCup) July 9, 2026

ફ્રાન્સ સતત ત્રીજી વખત વર્લ્ડ કપ સેમિફાઇનલમાં

આ વિજય સાથે ડિડિયર ડેશાંની ટીમ સતત ત્રીજી વખત વર્લ્ડ કપ સેમિફાઇનલમાં પહોંચી. ફ્રાન્સે 2018માં વર્લ્ડ કપ જીત્યો અને 2022માં રનર-અપ રહ્યું. હવે ટીમ બીજા ફાઇનલ પર નજર રાખશે.  

કયા રેકોર્ડ બન્યા?

કિલિયન એમ્બાપ્પે આ વર્લ્ડ કપની બધી છ મેચમાં ગોલ કર્યા છે અને ગોલ્ડન બૂટની રેસમાં આગળ છે.

કિલિયન એમ્બાપ્પે (20) હવે વર્લ્ડ કપમાં સૌથી વધુ કરિયર ગોલ કરવાના મામલામાં ફક્ત લિયોનેલ મેસ્સી (21) થી પાછળ છે.

ઉસ્માન ડેમ્બેલે વર્લ્ડ કપની એક જ સીઝનમાં પાંચ ગોલ કરનાર ત્રીજો ફ્રેન્ચ ખેલાડી બન્યો.

18 વર્ષ અને 280 દિવસનો અયુબ બુઆદ્દી કિશોરાવસ્થામાં વર્લ્ડ કપમાં આફ્રિકન ટીમ માટે પાંચ મેચ રમનાર પ્રથમ ખેલાડી બન્યો.