ICC Test Rankings: આઇસીસી ટેસ્ટ રેન્કિંગમાં ભારતને મોટો ઝટકો, છીનવાઇ ગયો નંબર-1 નો તાજ

ટીમ ઇન્ડિયા સેન્યૂરિયનમાં રમાયેલી પહેલી ટેસ્ટમાં જીત નોંધાવ્યા બાદ બીજી અને ત્રીજી ટેસ્ટ મેચમાં હારી ગઇ હતી.

Team India Slips to number 3: આંતરરાષ્ટ્રીય ક્રિકેટ કાઉન્સિલ (ICC)ની ટેસ્ટ રેન્કિંગમાં ટીમ ઇન્ડિયાને મોટો ઝટકો લાગ્યો છે. દક્ષિણ આફ્રિકા વિરુદ્ધ ટેસ્ટ સીરીઝ ગુમાવ્યા બાદ તેમની પાસેથી નંબર વનનો તાજ છીનવાઇ ગયો છે. ટીમ ઇન્ડિયા હવે ત્રીજા નંબર પર ખસકી ગઇ છે. ભારતીય ટીમને સીરીઝમાં 1-2થી હારનો સામનો કરવો પડ્યો હતો. એશીઝ સીરીઝમાં ઇંગ્લેન્ડને 4-0થી હરાવનારી ઓસ્ટ્રેલિયન ટીમ ટૉપ પર આવી ગઇ છે. 

ટીમ ઇન્ડિયા સેન્યૂરિયનમાં રમાયેલી પહેલી ટેસ્ટમાં જીત નોંધાવ્યા બાદ બીજી અને ત્રીજી ટેસ્ટ મેચમાં હારી ગઇ હતી. સેન્ચૂરિયનમાં જીત બાદ જ્હોનિસબર્ગ અને કેપટાઉનમાં હાર્યા બાદ ટીમ ઇન્ડિયાએ સીરીઝ 1-2થી ગુમાવી હતી. જોકે આ પછી વિરાટ કોહલીએ પણ ટેસ્ટ કેપ્ટન પદેથી રાજીનામુ ધરી દીધુ હતુ. કોહલીએ આ પહેલી ટી20ની કેપ્ટનશીપ છોડી ચૂક્યો હતો, અને વનડેમાંથી તેને હટાવવામા આવ્યો હતો. 

ડીન એલ્ગરની કેપ્ટનશીપ હેઠળ રમનારી દક્ષિણ આફ્રિકન ટીમને એક સ્થાનનો ફાયદો થયો છે. તે પાંચમા નંબર પર પહોંચી ગઇ છે. ન્યૂઝીલેન્ડ બીજા નંબર પર છે અને હવે ત્રીજા નંબર પર ભારતીય ટીમ આવી ગઇ છે. 

આ પણ વાંચો.........