ટીમ ઈન્ડિયાએ વર્ષ 2020માં અત્યાર સુધી તમામ ટેસ્ટ મેચમાં હારનો સામનો કરવો પડ્યો છે, એટલે કે ટીમ ઈન્ડિયા આ વર્ષે ના તો એક પણ ટેસ્ટ જીત છે ના તો કોઈ મેચ ડ્રો રમી છે. ભારત ટેસ્ટ ક્રિકેટ ઈતિહાસમાં આવ્યું ક્યારેય નથી થયું કે એક વર્ષમાં ટીમ ઈન્ડિયાએ તમામ ટેસ્ટ મેચમાં હારનો સામનો કરવો પડ્યો હોય. એવામાં અજિંક્ય રહાણે અને તેની સેના સામે 88 વર્ષ જૂનો રેકોર્ડ બચાવી રાખવાનો પડકાર રહેશે.
બાંગ્લાદેશની ટીમ ટેસ્ટ ક્રિકેટમાં સૌથી વધુ પાંચ વર્ષ સુધી એક પણ ટેસ્ટ મેચ જીતવા કે ડ્રો કરવામાં નિષ્ફળ રહી છે. આ લિસ્ટમાં બીજા નંબરે સાઉથ આફ્રિકા, ઓસ્ટ્રેલિયા અને ઝિમ્બાવેનું નામ આવે છે. જેમણે ત્રણ વર્ષ ક્રિકેટના સૌથી લાંબા ફોર્મેટમાં એક પણ મેચમાં જીત મેળવી નથી તથા એક પણ મેચ ડ્રો રમી નથી. વેસ્ટ ઈન્ડિઝ અને શ્રીલંકા પણ આ શરમજનક રેકોર્ડ પોતાના નામે કરી ચૂકી છે.
ઉલ્લેખનીય છે કે, એડિલેડ ટેસ્ટમાં ઓસ્ટ્રેલિયાના બોલરોના શાનદાર પ્રદર્શનના કારણે ટીમ ઈન્ડિયાને 8 વિકેટથી હારનો સામનો કરવો પડ્યો હતો. જે ટીમનો ટેસ્ટ ક્રિકેટમાં અત્યાર સુધીનો સૌથી ઓછો સ્કોર છે.