નવી દિલ્હીઃ ભારતીય ટીમે પ્રથમ ટેસ્ટ મેચમાં આફ્રિકા સામે સારી શરૂઆત કરી પરંતુ સ્ટાર બેટ્સમેન અને ભારતીય ટીમની રીડની હડ્ડી ગણાતો પુજારા ફરી એકવાર નિષ્ફળ રહ્યો હતો, કેએલ રાહુલ પુજારા આઉટ થયા બાદ ગુસ્સે થઇ ગયો હતો, જ્યારે આનીથી ઉલટુ ડ્રેસિંગ રૂમમાં જોવા મળ્યુ, રાહુલ દ્રવિડે તેનો આત્મવિશ્વાસ વધારવા માટે પીઠ થપથપાવી હતી. આનો વીડિયો હાલ ખુબ વાયરલ થઇ રહ્યો છે.
બૉક્સિંગ ડે ટેસ્ટમાં ભારતે ટૉસ જીતીને પહેલા બેટિંગ કરવાનો નિર્ણય લીધો હતો, પહેલા દિવસે 3 વિકેટે 272 રન બનાવીને ભારતીય ટીમે શાનદાર રમત બતાવી હતી. ખાસ વાત છે કે, મયંક અગ્રવાલ આઉટ થયા બાદ ક્રિઝ પર આવેલા પુજારાએ બધાને નિરાશ કર્યા હતા, પુજારા લુન્ગી એનગીડીના બૉલ પર શૂન્ય રને આઉટ થયો હતો, લુન્ગી એનગીડીએ પુજારાને પીટરસનના હાથમાં ઝીલાવી દીધો, આ ઘટનાથી વાઇસ કેપ્ટન અને ક્રિઝ પર રહેલો કેએલ રાહુલ ગુસ્સે થઇ ગયો હતો. એક જ ઓવરમાં 2 વિકેટ ગુમાવી દેતા કે.એલ.રાહુલ પણ અકળાઈ ગયો, પરંતુ જ્યારે પુજારા ડ્રેસિંગ રૂમમાં ગયો ત્યારે હેડ કૉચ રાહુલ દ્રવિડ તેના પર ગુસ્સો કરવાના બદલે તેની પીઠ થપથપાવીને તેનો આત્મવિશ્વાસ વધારતો જોવા મળ્યો હતો. દ્રવિડની આવી પ્રતિક્રિયાતી ક્રિકેટ ચાહકો ખુશ થઇ ગયા હતા.
પુજારામાં શૂન્ય રને આઉટ થયા બાદ આઇસીસીએ પણ ટ્વીટ કરીને એક તસવીર શેર કરી હતી.
સેન્ચુરિયનમાં ભારત અને દક્ષિણ આફ્રિકા વચ્ચે રમાઈ રહેલી ટેસ્ટ મેચનો પ્રથમ દિવસ ભારતના નામે રહ્યો. ભારત મજબૂત સ્થિતીમાં પહેલા દિવસે 3 વિકેટે 272 રન બનાવ્યા.
આ પણ વાંચો........
હવે ખાવાનું ઓનલાઈન ઓર્ડર કરવું અને કપડાં ખરીદવા પડશે મોંઘા, 1 જાન્યુઆરીથી GSTના નિયમો બદલાશે
Government Scheme: કેન્દ્ર સરકાર આ લોકોને પૂરા 10,000 રૂપિયા આપી રહી છે, ખાતામાં સીધા આવશે રૂપિયા
SBI Recruitment: SBI 19 નિષ્ણાત કેડર અધિકારીઓની ભરતી કરશે, 13 જાન્યુઆરી સુધી અરજી કરી શકાશે