IPL 2018: ડેવિડ વોર્નરના સ્થાને આ વિસ્ફોટક બેટ્સમેનને હૈદરાબાદે ટીમમાં કર્યો સામેલ, જાણો વિગત

સનરાઇઝર્સ હૈદરાબાદે કરેલા ટ્વિટનો સ્ક્રીનશોટ.

વોર્નરને હટાવ્યા બાદ ફ્રેન્ચાઈઝીએ ન્યૂઝીલેન્ડની રાષ્ટ્રીય ટીમના કેપ્ટન કેન વિલિયમસનને કેપ્ટન બનાવ્યો છે. વોર્નરના નેતૃત્વમાં સનરાઇઝર્સને 2016માં આઈપીએલનો ખિતાબ જીત્યો હતો.

ઓસ્ટ્રેલિયાના ડેવિડ વોર્નરને કેપટાઉન ટેસ્ટમાં બોલ ટેમ્પરિંગ વિવાદના કારણે ક્રિકેટ ઓસ્ટ્રેલિયાએ 12 મહિના માટે પ્રતિબંધ લગાવી દીધો છે. જેના કારણે બીસીસીઆઈએ વોર્નરને આઈપીએલની આ સીઝનમાં રમવાથી હટાવી દીધો છે.

હેલ્સ શિખર ધવન સાથે ઓપનિંગ કરશે. હેલ્સે 174 ટી20માં 28.85ની સરેરાશથી 4704 રન બનાવ્યા છે. જમાં તે 2 સદી અને 30 અડધી સદી ફટકારી ચૂક્યો છે.

પાકિસ્તાન સુપર લીગમાં એલેક્સ હેલ્સ ઇસ્લામાબાદ યુનાઈટેડ વતી રમતા અનેક મહત્વની ઇનિંગ રમી ચૂક્યો છે. સનરાઇઝર્સે હેલ્સને તેની બેઝ પ્રાઇઝ એક કરોડ રૂપિયામાં કરારબદ્ધ કર્યો છે.

ઇંગ્લેન્ડના વિસ્ફોટક ઓપનર એલેક્સ હેલ્સની ફાઇલ તસવીર.

હેલ્સ આ પહેલા આઈપીએલમાં મુંબઈ ઈન્ડિયન્સ વતી રમી ચૂક્યો છે. હેલ્સ ટી20નો ખતરનાક બેટ્સમેન ગણાય છે.

નવી દિલ્હીઃ આઈપીએલની સીઝન 11 માટે સનરાઇઝર્સ હૈદરાબાદની ટીમમાં પૂર્વ કેપ્ટન ડેવિડ વોર્નરના સ્થાને ઇંગ્લેન્ડના વિસ્ફોટક ઓપનર એલેક્સ હેલ્સનો ટીમમાં સમાવેશ કરવામાં આવ્યો છે. શનિવારે હૈદરાબાદની ટીમે આ વાતની જાણકારી સોશિયલ મીડિયા દ્વારા ફેન્સને આપી હતી.