ખરેખર, રૉબિન ઉથપ્પાએ ફેસ માસ્ક કેમ પહેર્યુ તેના પાછળ ચોંકાવનારુ કારણ છે. જયપુરમાં જ્યારે મેચ રમાવવાની હતી તે પહેલા મેદાન પર વાવાઝોડુ આવ્યુ અને હવામાં ધૂળની ડમરીઓ ઉડીને ફેલાઇ ગઇ હતી. જોકે, મેચ ટાઇમસર ચાલુ થઇ હતી. આ સમયે ખેલાડીઓએ પોતાની કીટ પેક કરી દીધી. આ દરમિયાન ગ્રાઉન્ડ સ્ટાફ કામમાં જોડાઇ ગયુ અને તરતજ પીચ સહિતના ગ્રાઉન્ડને ઢાંકી દીધુ હતુ. આમ ધૂળની ડમરીએથી બચવા માટે રૉબિન ઉથપ્પા પહેલી ઓવરથી જ ફેસ માસ્ક પહેરીને મેદાનમાં ઉતર્યો હતો.
ઉલ્લેખનીય છે કે, કેકેઆરે રાજસ્થાનને તેના ઘરમાં 8 વિકેટથી માત આપી હતી અને પૉઇન્ટ ટેબલમાં ટૉપનું સ્થાન મેળવી લીધુ હતુ. રાજસ્થાન રૉયલ્સે પહેલા બેટિંગ કરતાં 20 ઓવરોમાં ત્રણ વિકેટ ગુમાવીને 139 રન બનાવ્યા, જવાબમાં પીછો કરવા ઉતરેલી કોલકત્તા નાઇટરાઇડર્સે 13.5 ઓવરમાં જ 2 વિકેટના નુકશાને લક્ષ્યને પ્રાપ્ત કરી લીધુ હતુ.