અબુધાબીઃ ઇન્ડિયન પ્રીમિયર લીગમાં ગઇકાલે સનરાઇઝર્સ હૈદરાબાદે (SRH) વિરાટ કોહલીની ટીમ આરબીની રોમાંચક મેચમાં હાર આપી, આ મેચમાં કોહલીની ટીમને માત્ર ચાર રનોથી હારનો સામનો કરવો પડ્યો હતો. મેચમાં એક ઘટના એવી ઘટી જેમાં વિરાટ કોહલી મોહમ્મદ સિરાજ પર ગુસ્સે થઇ ગયો હતો, આ વીડિયો સોશ્યલ મીડિયા પર ચર્ચાનો વિષય બન્યો છે. જુઓ વીડિયો.....
હૈદરાબાદની બેટિંગ દરમિયાન બીજી જ ઓવરમા આ ઘટના ઘટી હતી. ખરેખરમાં, SRHના બેટ્સમેન અભિષક શર્માએ હવામાં એક જોરદાર શૉટ ફટકાર્યો, આ પછી બૉલ સીધો મોહમ્મદ સિરાજ તરફ ગયો, અને સિરાજ તેને પકડવા ગયો પરંતુ કેચ તેનાથી ડ્રૉપ થઇ ગયો હતો. સિરાજ મિસજજ અને ડાઇવ મારવા છતાં કેચને ના પડકી શક્યો. આ કેચ ડ્રૉપ થતાં જ આરસીબીનો કેપ્ટન વિરાટ કોહલી તેના પર જોરદાર ગુસ્સે થઇ ગયો હતો. કોહલીને વિશ્વાસ હતો કે સિરાજ તે કેચ પકડી લેશે, પરંતુ સિરાજે જેવો કેચ છોડ્યો વિરાટ કોહલી સિરાજ પર ગુસ્સે થઇ ગયો. આનો વીડિયો ખુબ વાયરલ થઇ રહ્યો છે.
મેચની વાત કરીએ આરસીબીના કેપ્ટન વિરાટ કોહલીએ ટૉસ જીતીને હૈદરાબાદને પ્રથમ બેટિંગ માટે આમંત્રણ આપ્યુ હતુ. સનરાઇઝર્સ હૈદરાબાદે પ્રથમ બેટિંગ કરતા 20 ઓવરમાં 7 વિકટો ગુમાવીને 141 રન બનાવ્યા હતા, જવાબમાં લક્ષ્યનો પીછો કરવા ઉતરેલી રૉયલ ચેલેન્જર્સ બેંગ્લૉરની ટીમે સારૂ શરૂઆત કરી પરંતુ લક્ષ્ય સુધી પહોંચી શકી ન હતી. છેલ્લી ઓવરમાં આરસીબીને જીત માટે 13રનોની જરૂર હતી, પરંતુ ડિવિલિયર્સ ક્રિઝ પર હોવા છતાં આરસીબી માત્ર 4 રનોથી મેચ હારી ગઇ હતી. મેચમાં મેક્સવેલે 40 રન અને પડ્ડિકલે 41 રનોનુ મહત્વનુ યોગદાન આપ્યુ હતુ.